| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๖. ทุติยรํสิสญฺญกเตฺถรอปทานํ
6. Dutiyaraṃsisaññakattheraapadānaṃ
๓๕.
35.
‘‘ปพฺพเต หิมวนฺตมฺหิ, วากจีรธโร อหํ;
‘‘Pabbate himavantamhi, vākacīradharo ahaṃ;
จงฺกมญฺจ สมารูโฬฺห, นิสีทิํ ปาจินามุโขฯ
Caṅkamañca samārūḷho, nisīdiṃ pācināmukho.
๓๖.
36.
‘‘ปพฺพเต สุคตํ ทิสฺวา, ผุสฺสํ ฌานรตํ ตทา;
‘‘Pabbate sugataṃ disvā, phussaṃ jhānarataṃ tadā;
อญฺชลิํ ปคฺคเหตฺวาน, รํสฺยา จิตฺตํ ปสาทยิํฯ
Añjaliṃ paggahetvāna, raṃsyā cittaṃ pasādayiṃ.
๓๗.
37.
‘‘เทฺวนวุเต อิโต กเปฺป, ยํ สญฺญมลภิํ ตทา;
‘‘Dvenavute ito kappe, yaṃ saññamalabhiṃ tadā;
ทุคฺคติํ นาภิชานามิ, รํสิสญฺญายิทํ ผลํฯ
Duggatiṃ nābhijānāmi, raṃsisaññāyidaṃ phalaṃ.
๓๘.
38.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา รํสิสญฺญโก เถโร อิมา คาถาโย อภาสิตฺถาติฯ
Itthaṃ sudaṃ āyasmā raṃsisaññako thero imā gāthāyo abhāsitthāti.
ทุติยรํสิสญฺญกเตฺถรสฺสาปทานํ ฉฎฺฐํฯ
Dutiyaraṃsisaññakattherassāpadānaṃ chaṭṭhaṃ.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อปทาน-อฎฺฐกถา • Apadāna-aṭṭhakathā / ๖. ทุติยรํสิสญฺญกเตฺถรอปทานวณฺณนา • 6. Dutiyaraṃsisaññakattheraapadānavaṇṇanā
