| Library / Tipiṭaka / තිපිටක • Tipiṭaka / අපදානපාළි • Apadānapāḷi |
6. දුතියරංසිසඤ්‌ඤකත්‌ථෙරඅපදානං
6. Dutiyaraṃsisaññakattheraapadānaṃ
35.
35.
‘‘පබ්‌බතෙ හිමවන්‌තම්‌හි, වාකචීරධරො අහං;
‘‘Pabbate himavantamhi, vākacīradharo ahaṃ;
චඞ්‌කමඤ්‌ච සමාරූළ්‌හො, නිසීදිං පාචිනාමුඛො.
Caṅkamañca samārūḷho, nisīdiṃ pācināmukho.
36.
36.
‘‘පබ්‌බතෙ සුගතං දිස්‌වා, ඵුස්‌සං ඣානරතං තදා;
‘‘Pabbate sugataṃ disvā, phussaṃ jhānarataṃ tadā;
අඤ්‌ජලිං පග්‌ගහෙත්‌වාන, රංස්‍යා චිත්‌තං පසාදයිං.
Añjaliṃ paggahetvāna, raṃsyā cittaṃ pasādayiṃ.
37.
37.
‘‘ද්‌වෙනවුතෙ ඉතො කප්‌පෙ, යං සඤ්‌ඤමලභිං තදා;
‘‘Dvenavute ito kappe, yaṃ saññamalabhiṃ tadā;
දුග්‌ගතිං නාභිජානාමි, රංසිසඤ්‌ඤායිදං ඵලං.
Duggatiṃ nābhijānāmi, raṃsisaññāyidaṃ phalaṃ.
38.
38.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා රංසිසඤ්‌ඤකො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā raṃsisaññako thero imā gāthāyo abhāsitthāti.
දුතියරංසිසඤ්‌ඤකත්‌ථෙරස්‌සාපදානං ඡට්‌ඨං.
Dutiyaraṃsisaññakattherassāpadānaṃ chaṭṭhaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / අපදාන-අට්‌ඨකථා • Apadāna-aṭṭhakathā / 6. දුතියරංසිසඤ්‌ඤකත්‌ථෙරඅපදානවණ්‌ණනා • 6. Dutiyaraṃsisaññakattheraapadānavaṇṇanā
