| Library / Tipiṭaka / திபிடக • Tipiṭaka / அபதா³ன-அட்ட²கதா² • Apadāna-aṭṭhakathā |
6. து³தியரங்ஸிஸஞ்ஞகத்தே²ரஅபதா³னவண்ணனா
6. Dutiyaraṃsisaññakattheraapadānavaṇṇanā
பப்³ப³தே ஹிமவந்தம்ஹீதிஆதி³கங் ஆயஸ்மதோ து³தியரங்ஸிஸஞ்ஞகத்தே²ரஸ்ஸ அபதா³னங். அயம்பி புரிமபு³த்³தே⁴ஸு கதகுஸலோ உப்பன்னுப்பன்னப⁴வே விவட்டூபனிஸ்ஸயானி புஞ்ஞானி உபசினந்தோ பு²ஸ்ஸஸ்ஸ ப⁴க³வதோ காலே குலகே³ஹே நிப்³ப³த்தோ வுத்³தி⁴ப்பத்தோ க⁴ராவாஸங் ஸண்ட²பெத்வா தத்த² தோ³ஸங் தி³ஸ்வா தங் பஹாய தாபஸபப்³ப³ஜ்ஜங் பப்³ப³ஜித்வா ஹிமவந்தபப்³ப³தே வஸந்தோ வாகசீரனிவஸனோ விவேகஸுகே²ன விஹரதி. தஸ்மிங் ஸமயே ஸோ பு²ஸ்ஸங் ப⁴க³வந்தங் தங் பதே³ஸங் ஸம்பத்தங் தி³ஸ்வா தஸ்ஸ ஸரீரதோ நிக்க²ந்தச²ப்³ப³ண்ணபு³த்³த⁴ரங்ஸியோ இதோ சிதோ விதா⁴வந்தியோ த³ண்ட³தீ³பிகானிக்க²ந்தவிப்பு²ரந்தமிவ தி³ஸ்வா தஸ்மிங் பஸன்னோ அஞ்ஜலிங் பக்³க³ஹெத்வா வந்தி³த்வா சித்தங் பஸாதெ³த்வா தேனேவ பீதிஸோமனஸ்ஸேன காலங் கத்வா துஸிதாதீ³ஸு நிப்³ப³த்தோ தத்த² ச² காமாவசரஸம்பத்தியோ ச அனுப⁴வித்வா அபரபா⁴கே³ மனுஸ்ஸஸம்பத்தியோ ச அனுப⁴வித்வா இமஸ்மிங் பு³த்³து⁴ப்பாதே³ குலகே³ஹே நிப்³ப³த்தோ வுத்³தி⁴ப்பத்தோ புப்³ப³வாஸனாவஸேன பப்³ப³ஜித்வா நசிரஸ்ஸேவ அரஹா அஹோஸி.
Pabbatehimavantamhītiādikaṃ āyasmato dutiyaraṃsisaññakattherassa apadānaṃ. Ayampi purimabuddhesu katakusalo uppannuppannabhave vivaṭṭūpanissayāni puññāni upacinanto phussassa bhagavato kāle kulagehe nibbatto vuddhippatto gharāvāsaṃ saṇṭhapetvā tattha dosaṃ disvā taṃ pahāya tāpasapabbajjaṃ pabbajitvā himavantapabbate vasanto vākacīranivasano vivekasukhena viharati. Tasmiṃ samaye so phussaṃ bhagavantaṃ taṃ padesaṃ sampattaṃ disvā tassa sarīrato nikkhantachabbaṇṇabuddharaṃsiyo ito cito vidhāvantiyo daṇḍadīpikānikkhantavipphurantamiva disvā tasmiṃ pasanno añjaliṃ paggahetvā vanditvā cittaṃ pasādetvā teneva pītisomanassena kālaṃ katvā tusitādīsu nibbatto tattha cha kāmāvacarasampattiyo ca anubhavitvā aparabhāge manussasampattiyo ca anubhavitvā imasmiṃ buddhuppāde kulagehe nibbatto vuddhippatto pubbavāsanāvasena pabbajitvā nacirasseva arahā ahosi.
35. ஸோ அபரபா⁴கே³ புப்³ப³கம்மங் ஸரித்வா ஸோமனஸ்ஸஜாதோ புப்³ப³சரிதாபதா³னங் பகாஸெந்தோ பப்³ப³தே ஹிமவந்தம்ஹீதிஆதி³மாஹ. தங் ஸப்³ப³ங் உத்தானத்த²மேவாதி.
35. So aparabhāge pubbakammaṃ saritvā somanassajāto pubbacaritāpadānaṃ pakāsento pabbate himavantamhītiādimāha. Taṃ sabbaṃ uttānatthamevāti.
து³தியரங்ஸிஸஞ்ஞகத்தே²ரஅபதா³னவண்ணனா ஸமத்தா.
Dutiyaraṃsisaññakattheraapadānavaṇṇanā samattā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / அபதா³னபாளி • Apadānapāḷi / 6. து³தியரங்ஸிஸஞ்ஞகத்தே²ரஅபதா³னங் • 6. Dutiyaraṃsisaññakattheraapadānaṃ
