| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
6. д̣̇уд̇ияарам̣сисан̃н̃агад̇т̇зраабад̣̇аанаван̣н̣анаа
6. Dutiyaraṃsisaññakattheraapadānavaṇṇanā
баб̣б̣ад̇з химаванд̇амхийд̇иаад̣̇игам̣ ааяасмад̇о д̣̇уд̇ияарам̣сисан̃н̃агад̇т̇зрасса абад̣̇аанам̣. аяамби буримаб̣уд̣̇д̇хзсу гад̇агусало уббаннуббаннабхавз виваддуубаниссаяаани бун̃н̃аани убажинанд̇о пуссасса бхаг̇авад̇о гаалз гулаг̇зхз ниб̣б̣ад̇д̇о вуд̣̇д̇хиббад̇д̇о гхарааваасам̣ сан̣табзд̇ваа д̇ад̇т̇а д̣̇осам̣ д̣̇исваа д̇ам̣ бахааяа д̇аабасабаб̣б̣аж̇ж̇ам̣ баб̣б̣аж̇ид̇ваа химаванд̇абаб̣б̣ад̇з васанд̇о ваагажийранивасано вивзгасукзна вихарад̇и. д̇асмим̣ самаяз со пуссам̣ бхаг̇аванд̇ам̣ д̇ам̣ бад̣̇зсам̣ самбад̇д̇ам̣ д̣̇исваа д̇асса сарийрад̇о нигканд̇ачаб̣б̣ан̣н̣аб̣уд̣̇д̇харам̣сияо ид̇о жид̇о вид̇хааванд̇ияо д̣̇ан̣д̣ад̣̇ийбигаанигканд̇авибпуранд̇амива д̣̇исваа д̇асмим̣ басанно ан̃ж̇алим̣ баг̇г̇ахзд̇ваа ванд̣̇ид̇ваа жид̇д̇ам̣ басаад̣̇зд̇ваа д̇знзва бийд̇исоманассзна гаалам̣ гад̇ваа д̇усид̇аад̣̇ийсу ниб̣б̣ад̇д̇о д̇ад̇т̇а ча гаамааважарасамбад̇д̇ияо жа анубхавид̇ваа абарабхааг̇з мануссасамбад̇д̇ияо жа анубхавид̇ваа имасмим̣ б̣уд̣̇д̇хуббаад̣̇з гулаг̇зхз ниб̣б̣ад̇д̇о вуд̣̇д̇хиббад̇д̇о буб̣б̣аваасанаавасзна баб̣б̣аж̇ид̇ваа нажирассзва арахаа ахоси.
Pabbatehimavantamhītiādikaṃ āyasmato dutiyaraṃsisaññakattherassa apadānaṃ. Ayampi purimabuddhesu katakusalo uppannuppannabhave vivaṭṭūpanissayāni puññāni upacinanto phussassa bhagavato kāle kulagehe nibbatto vuddhippatto gharāvāsaṃ saṇṭhapetvā tattha dosaṃ disvā taṃ pahāya tāpasapabbajjaṃ pabbajitvā himavantapabbate vasanto vākacīranivasano vivekasukhena viharati. Tasmiṃ samaye so phussaṃ bhagavantaṃ taṃ padesaṃ sampattaṃ disvā tassa sarīrato nikkhantachabbaṇṇabuddharaṃsiyo ito cito vidhāvantiyo daṇḍadīpikānikkhantavipphurantamiva disvā tasmiṃ pasanno añjaliṃ paggahetvā vanditvā cittaṃ pasādetvā teneva pītisomanassena kālaṃ katvā tusitādīsu nibbatto tattha cha kāmāvacarasampattiyo ca anubhavitvā aparabhāge manussasampattiyo ca anubhavitvā imasmiṃ buddhuppāde kulagehe nibbatto vuddhippatto pubbavāsanāvasena pabbajitvā nacirasseva arahā ahosi.
35. со абарабхааг̇з буб̣б̣агаммам̣ сарид̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о баб̣б̣ад̇з химаванд̇амхийд̇иаад̣̇имааха. д̇ам̣ саб̣б̣ам̣ уд̇д̇аанад̇т̇амзваад̇и.
35. So aparabhāge pubbakammaṃ saritvā somanassajāto pubbacaritāpadānaṃ pakāsento pabbate himavantamhītiādimāha. Taṃ sabbaṃ uttānatthamevāti.
д̣̇уд̇ияарам̣сисан̃н̃агад̇т̇зраабад̣̇аанаван̣н̣анаа самад̇д̇аа.
Dutiyaraṃsisaññakattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 6. д̣̇уд̇ияарам̣сисан̃н̃агад̇т̇зраабад̣̇аанам̣ • 6. Dutiyaraṃsisaññakattheraapadānaṃ
