| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੪. ਦੁਤਿਯਰੂਪਾਰਾਮਸੁਤ੍ਤਂ
4. Dutiyarūpārāmasuttaṃ
੧੩੭. ‘‘ਰੂਪਾਰਾਮਾ, ਭਿਕ੍ਖવੇ, ਦੇવਮਨੁਸ੍ਸਾ ਰੂਪਰਤਾ ਰੂਪਸਮ੍ਮੁਦਿਤਾ। ਰੂਪવਿਪਰਿਣਾਮવਿਰਾਗਨਿਰੋਧਾ ਦੁਕ੍ਖਾ, ਭਿਕ੍ਖવੇ, ਦੇવਮਨੁਸ੍ਸਾ વਿਹਰਨ੍ਤਿ। ਸਦ੍ਦਾਰਾਮਾ… ਗਨ੍ਧਾਰਾਮਾ… ਰਸਾਰਾਮਾ … ਫੋਟ੍ਠਬ੍ਬਾਰਾਮਾ… ਧਮ੍ਮਾਰਾਮਾ, ਭਿਕ੍ਖવੇ, ਦੇવਮਨੁਸ੍ਸਾ ਧਮ੍ਮਰਤਾ ਧਮ੍ਮਸਮ੍ਮੁਦਿਤਾ। ਧਮ੍ਮવਿਪਰਿਣਾਮવਿਰਾਗਨਿਰੋਧਾ ਦੁਕ੍ਖਾ, ਭਿਕ੍ਖવੇ, ਦੇવਮਨੁਸ੍ਸਾ વਿਹਰਨ੍ਤਿ। ਤਥਾਗਤੋ ਚ, ਭਿਕ੍ਖવੇ, ਅਰਹਂ ਸਮ੍ਮਾਸਮ੍ਬੁਦ੍ਧੋ ਰੂਪਾਨਂ ਸਮੁਦਯਞ੍ਚ ਅਤ੍ਥਙ੍ਗਮਞ੍ਚ ਅਸ੍ਸਾਦਞ੍ਚ ਆਦੀਨવਞ੍ਚ ਨਿਸ੍ਸਰਣਞ੍ਚ ਯਥਾਭੂਤਂ વਿਦਿਤ੍વਾ ਨ ਰੂਪਾਰਾਮੋ ਨ ਰੂਪਰਤੋ ਨ ਰੂਪਸਮ੍ਮੁਦਿਤੋ। ਰੂਪવਿਪਰਿਣਾਮવਿਰਾਗਨਿਰੋਧਾ ਸੁਖੋ, ਭਿਕ੍ਖવੇ, ਤਥਾਗਤੋ વਿਹਰਤਿ। ਸਦ੍ਦਾਨਂ… ਗਨ੍ਧਾਨਂ… ਰਸਾਨਂ… ਫੋਟ੍ਠਬ੍ਬਾਨਂ… ਧਮ੍ਮਾਨਂ ਸਮੁਦਯਞ੍ਚ ਅਤ੍ਥਙ੍ਗਮਞ੍ਚ ਅਸ੍ਸਾਦਞ੍ਚ ਆਦੀਨવਞ੍ਚ ਨਿਸ੍ਸਰਣਞ੍ਚ ਯਥਾਭੂਤਂ વਿਦਿਤ੍વਾ ਨ ਧਮ੍ਮਾਰਾਮੋ ਨ ਧਮ੍ਮਰਤੋ ਨ ਧਮ੍ਮਸਮ੍ਮੁਦਿਤੋ। ਧਮ੍ਮવਿਪਰਿਣਾਮવਿਰਾਗਨਿਰੋਧਾ ਸੁਖੋ, ਭਿਕ੍ਖવੇ, ਤਥਾਗਤੋ વਿਹਰਤੀ’’ਤਿ। ਚਤੁਤ੍ਥਂ।
137. ‘‘Rūpārāmā, bhikkhave, devamanussā rūparatā rūpasammuditā. Rūpavipariṇāmavirāganirodhā dukkhā, bhikkhave, devamanussā viharanti. Saddārāmā… gandhārāmā… rasārāmā … phoṭṭhabbārāmā… dhammārāmā, bhikkhave, devamanussā dhammaratā dhammasammuditā. Dhammavipariṇāmavirāganirodhā dukkhā, bhikkhave, devamanussā viharanti. Tathāgato ca, bhikkhave, arahaṃ sammāsambuddho rūpānaṃ samudayañca atthaṅgamañca assādañca ādīnavañca nissaraṇañca yathābhūtaṃ viditvā na rūpārāmo na rūparato na rūpasammudito. Rūpavipariṇāmavirāganirodhā sukho, bhikkhave, tathāgato viharati. Saddānaṃ… gandhānaṃ… rasānaṃ… phoṭṭhabbānaṃ… dhammānaṃ samudayañca atthaṅgamañca assādañca ādīnavañca nissaraṇañca yathābhūtaṃ viditvā na dhammārāmo na dhammarato na dhammasammudito. Dhammavipariṇāmavirāganirodhā sukho, bhikkhave, tathāgato viharatī’’ti. Catutthaṃ.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੪-੧੨. ਦੁਤਿਯਰੂਪਾਰਾਮਸੁਤ੍ਤਾਦਿવਣ੍ਣਨਾ • 4-12. Dutiyarūpārāmasuttādivaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੪-੧੨. ਦੁਤਿਯਰੂਪਾਰਾਮਸੁਤ੍ਤਾਦਿવਣ੍ਣਨਾ • 4-12. Dutiyarūpārāmasuttādivaṇṇanā
