| Library / Tipiṭaka / திபிடக • Tipiṭaka / மஹாவிப⁴ங்க³-அட்ட²கதா² • Mahāvibhaṅga-aṭṭhakathā |
6. து³தியஸஹஸெய்யஸிக்கா²பத³வண்ணனா
6. Dutiyasahaseyyasikkhāpadavaṇṇanā
55. து³தியஸஹஸெய்யஸிக்கா²பதே³ – ஆவஸதா²கா³ரந்தி ஆக³ந்துகானங் வஸனாகா³ரங். பஞ்ஞத்தங் ஹோதீதி புஞ்ஞகாமதாய கத்வா ட²பிதங் ஹோதி. யேன ஸா இத்தீ² தேனுபஸங்கமீதி அஸுகஸ்மிங் நாம டா²னே ஆவஸதா²கா³ரங் பஞ்ஞத்தங் அத்தீ²தி மனுஸ்ஸானங் ஸுத்வா உபஸங்கமி. க³ந்த⁴க³ந்தி⁴னீதி அக³ருகுங்குமாதீ³னங் க³ந்தா⁴னங் க³ந்தோ⁴ க³ந்த⁴க³ந்தோ⁴, ஸோ அஸ்ஸா அத்தீ²தி க³ந்த⁴க³ந்தி⁴னீ. ஸாடகங் நிக்கி²பித்வாதி அப்பேவ நாமஸ்ஸ இமம்பி விப்பகாரங் பஸ்ஸந்தஸ்ஸ ராகோ³ உப்பஜ்ஜெய்யாதி சிந்தெத்வா ஏவமகாஸி. ஒக்கி²பித்வாதி அதோ⁴ கி²பித்வா. அச்சயோதி அபராதோ⁴. மங் அச்சக³மாதி மங் அதிக்கம்ம அபி⁴ப⁴வித்வா பவத்தோ. ஸேஸங் பட²மஸிக்கா²பதே³ வுத்தனயேனேவ வேதி³தப்³ப³ங். அயமேவ ஹி விஸேஸோ – பட²மஸிக்கா²பதே³ சதுத்த²தி³வஸே ஆபத்தி இத⁴ பட²மதி³வஸேபி. யக்கீ²பேதீஹி தி³ஸ்ஸமானகரூபாஹி திரச்சா²னக³தித்தி²யா ச மேது²னத⁴ம்மவத்து²பூ⁴தாய ஏவ து³க்கடங். ஸேஸாஹி அனாபத்தி. ஸமுட்டா²னாதீ³னி பட²மஸதி³ஸானேவாதி.
55. Dutiyasahaseyyasikkhāpade – āvasathāgāranti āgantukānaṃ vasanāgāraṃ. Paññattaṃ hotīti puññakāmatāya katvā ṭhapitaṃ hoti. Yena sā itthī tenupasaṅkamīti asukasmiṃ nāma ṭhāne āvasathāgāraṃ paññattaṃ atthīti manussānaṃ sutvā upasaṅkami. Gandhagandhinīti agarukuṅkumādīnaṃ gandhānaṃ gandho gandhagandho, so assā atthīti gandhagandhinī. Sāṭakaṃ nikkhipitvāti appeva nāmassa imampi vippakāraṃ passantassa rāgo uppajjeyyāti cintetvā evamakāsi. Okkhipitvāti adho khipitvā. Accayoti aparādho. Maṃ accagamāti maṃ atikkamma abhibhavitvā pavatto. Sesaṃ paṭhamasikkhāpade vuttanayeneva veditabbaṃ. Ayameva hi viseso – paṭhamasikkhāpade catutthadivase āpatti idha paṭhamadivasepi. Yakkhīpetīhi dissamānakarūpāhi tiracchānagatitthiyā ca methunadhammavatthubhūtāya eva dukkaṭaṃ. Sesāhi anāpatti. Samuṭṭhānādīni paṭhamasadisānevāti.
து³தியஸஹஸெய்யஸிக்கா²பத³ங் ச²ட்ட²ங்.
Dutiyasahaseyyasikkhāpadaṃ chaṭṭhaṃ.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 1. முஸாவாத³வக்³கோ³ • 1. Musāvādavaggo
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 6. து³தியஸஹஸெய்யஸிக்கா²பத³வண்ணனா • 6. Dutiyasahaseyyasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / 6. து³தியஸஹஸெய்யஸிக்கா²பத³வண்ணனா • 6. Dutiyasahaseyyasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 6. து³தியஸஹஸெய்யஸிக்கா²பத³வண்ணனா • 6. Dutiyasahaseyyasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 6. து³தியஸஹஸெய்யஸிக்கா²பத³ங் • 6. Dutiyasahaseyyasikkhāpadaṃ
