| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
6. д̣̇уд̇ияасахасзяяасигкаабад̣̇аван̣н̣анаа
6. Dutiyasahaseyyasikkhāpadavaṇṇanā
55. чадтз ‘‘батамасигкаабад̣̇з ‘бхигкум̣ табзд̇ваа авасзсо анубасамбанно наамаа’д̇и вуд̇д̇ад̇д̇аа ‘маад̇уг̇аамоби анубасамбаннаг̇г̇ахан̣зна г̇ахид̇оязваа’д̇и жад̇уд̇т̇ад̣̇ивасз маад̇уг̇аамзна сад̣̇д̇хим̣ саяанд̇асса д̣̇вийхи сигкаабад̣̇зхи д̣̇вз баажид̇д̇ияаани хонд̇ий’’д̇и вад̣̇анд̇и. г̇ан̣тибад̣̇зсу бана д̇ийсуби ‘‘имасмим̣ сигкаабад̣̇з маад̇уг̇аамасса висум̣ вужжамаанад̇д̇аа батамасигкаабад̣̇з ‘бхигкум̣ табзд̇ваа авасзсо анубасамбанно наамаа’д̇и бурисассзва г̇ахан̣ам̣ анужчавига’’нд̇и вуд̇д̇ам̣, д̇ад̣̇зва жа яуд̇д̇ад̇арам̣.
55. Chaṭṭhe ‘‘paṭhamasikkhāpade ‘bhikkhuṃ ṭhapetvā avaseso anupasampanno nāmā’ti vuttattā ‘mātugāmopi anupasampannaggahaṇena gahitoyevā’ti catutthadivase mātugāmena saddhiṃ sayantassa dvīhi sikkhāpadehi dve pācittiyāni hontī’’ti vadanti. Gaṇṭhipadesu pana tīsupi ‘‘imasmiṃ sikkhāpade mātugāmassa visuṃ vuccamānattā paṭhamasikkhāpade ‘bhikkhuṃ ṭhapetvā avaseso anupasampanno nāmā’ti purisasseva gahaṇaṃ anucchavika’’nti vuttaṃ, tadeva ca yuttataraṃ.
яан̃жа ид̇ха ‘‘батамад̣̇ивасзбийд̇и би-сад̣̇д̣̇зна жад̇уд̇т̇ад̣̇ивасзбийд̇и вуд̇д̇ам̣ ход̇ий’’д̇и гааран̣ам̣ вад̣̇анд̇и, д̇амби агааран̣ам̣ би-сад̣̇д̣̇о самбин̣д̣анад̇т̇оязваад̇и нияамаабхаавад̇о авад̇хааран̣ад̇т̇асса жа самбхавад̇о. самбхааванз ваа би-сад̣̇д̣̇о д̣̇адтаб̣б̣о. д̇зна ид̇ха батамад̣̇ивасзби д̇аава аабад̇д̇и, д̣̇уд̇ияаад̣̇ид̣̇ивасз гимзва вад̇д̇аб̣б̣анд̇и имамад̇т̇ам̣ д̣̇ийбзд̇и. самбин̣д̣анад̇т̇зби би-сад̣̇д̣̇з г̇аяхамаанз иминаава сигкаабад̣̇зна аабаж̇ж̇ид̇аб̣б̣аабад̇д̇ияаа ан̃н̃асмимби д̣̇ивасз аабаж̇ж̇анам̣ д̣̇ийбзд̇и, на батамасигкаабад̣̇зна аабаж̇ж̇ид̇аб̣б̣аабад̇д̇ияаад̇и агааран̣амзва д̇анд̇и д̣̇адтаб̣б̣ам̣. ‘‘мад̇ид̇т̇ий баарааж̇игавад̇т̇убхууд̇ааби анубаад̣̇иннабагкз тид̇ад̇д̇аа сахасзяяаабад̇д̇им̣ на ж̇анзд̇ий’’д̇и вад̣̇анд̇и. ‘‘ад̇т̇ан̇г̇ад̇з суурияз маад̇уг̇аамз нибаннз бхигку нибаж̇ж̇ад̇ий’’д̇и важанад̇о д̣̇иваа саяанд̇асса сахасзяяаабад̇д̇и на ход̇иязваад̇и д̣̇адтаб̣б̣ам̣. баажид̇д̇ияавад̇т̇угасзнаасанам̣, д̇ад̇т̇а маад̇уг̇аамзна саха нибаж̇ж̇анам̣, суурияад̇т̇ан̇г̇амананд̇и имаанзд̇т̇а д̇ийн̣и ан̇г̇аани.
Yañca idha ‘‘paṭhamadivasepīti pi-saddena catutthadivasepīti vuttaṃ hotī’’ti kāraṇaṃ vadanti, tampi akāraṇaṃ pi-saddo sampiṇḍanatthoyevāti niyamābhāvato avadhāraṇatthassa ca sambhavato. Sambhāvane vā pi-saddo daṭṭhabbo. Tena idha paṭhamadivasepi tāva āpatti, dutiyādidivase kimeva vattabbanti imamatthaṃ dīpeti. Sampiṇḍanatthepi pi-sadde gayhamāne imināva sikkhāpadena āpajjitabbāpattiyā aññasmimpi divase āpajjanaṃ dīpeti, na paṭhamasikkhāpadena āpajjitabbāpattiyāti akāraṇameva tanti daṭṭhabbaṃ. ‘‘Matitthī pārājikavatthubhūtāpi anupādinnapakkhe ṭhitattā sahaseyyāpattiṃ na janetī’’ti vadanti. ‘‘Atthaṅgate sūriye mātugāme nipanne bhikkhu nipajjatī’’ti vacanato divā sayantassa sahaseyyāpatti na hotiyevāti daṭṭhabbaṃ. Pācittiyavatthukasenāsanaṃ, tattha mātugāmena saha nipajjanaṃ, sūriyatthaṅgamananti imānettha tīṇi aṅgāni.
д̣̇уд̇ияасахасзяяасигкаабад̣̇аван̣н̣анаа нидтид̇аа.
Dutiyasahaseyyasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 1. мусааваад̣̇аваг̇г̇о • 1. Musāvādavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 6. д̣̇уд̇ияасахасзяяасигкаабад̣̇аван̣н̣анаа • 6. Dutiyasahaseyyasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 6. д̣̇уд̇ияасахасзяяасигкаабад̣̇аван̣н̣анаа • 6. Dutiyasahaseyyasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 6. д̣̇уд̇ияасахасзяяасигкаабад̣̇аван̣н̣анаа • 6. Dutiyasahaseyyasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 6. д̣̇уд̇ияасахасзяяасигкаабад̣̇ам̣ • 6. Dutiyasahaseyyasikkhāpadaṃ
