| Library / Tipiṭaka / తిపిటక • Tipiṭaka / మహావిభఙ్గ-అట్ఠకథా • Mahāvibhaṅga-aṭṭhakathā |
౬. దుతియసహసేయ్యసిక్ఖాపదవణ్ణనా
6. Dutiyasahaseyyasikkhāpadavaṇṇanā
౫౫. దుతియసహసేయ్యసిక్ఖాపదే – ఆవసథాగారన్తి ఆగన్తుకానం వసనాగారం. పఞ్ఞత్తం హోతీతి పుఞ్ఞకామతాయ కత్వా ఠపితం హోతి. యేన సా ఇత్థీ తేనుపసఙ్కమీతి అసుకస్మిం నామ ఠానే ఆవసథాగారం పఞ్ఞత్తం అత్థీతి మనుస్సానం సుత్వా ఉపసఙ్కమి. గన్ధగన్ధినీతి అగరుకుఙ్కుమాదీనం గన్ధానం గన్ధో గన్ధగన్ధో, సో అస్సా అత్థీతి గన్ధగన్ధినీ. సాటకం నిక్ఖిపిత్వాతి అప్పేవ నామస్స ఇమమ్పి విప్పకారం పస్సన్తస్స రాగో ఉప్పజ్జేయ్యాతి చిన్తేత్వా ఏవమకాసి. ఓక్ఖిపిత్వాతి అధో ఖిపిత్వా. అచ్చయోతి అపరాధో. మం అచ్చగమాతి మం అతిక్కమ్మ అభిభవిత్వా పవత్తో. సేసం పఠమసిక్ఖాపదే వుత్తనయేనేవ వేదితబ్బం. అయమేవ హి విసేసో – పఠమసిక్ఖాపదే చతుత్థదివసే ఆపత్తి ఇధ పఠమదివసేపి. యక్ఖీపేతీహి దిస్సమానకరూపాహి తిరచ్ఛానగతిత్థియా చ మేథునధమ్మవత్థుభూతాయ ఏవ దుక్కటం. సేసాహి అనాపత్తి. సముట్ఠానాదీని పఠమసదిసానేవాతి.
55. Dutiyasahaseyyasikkhāpade – āvasathāgāranti āgantukānaṃ vasanāgāraṃ. Paññattaṃ hotīti puññakāmatāya katvā ṭhapitaṃ hoti. Yena sā itthī tenupasaṅkamīti asukasmiṃ nāma ṭhāne āvasathāgāraṃ paññattaṃ atthīti manussānaṃ sutvā upasaṅkami. Gandhagandhinīti agarukuṅkumādīnaṃ gandhānaṃ gandho gandhagandho, so assā atthīti gandhagandhinī. Sāṭakaṃ nikkhipitvāti appeva nāmassa imampi vippakāraṃ passantassa rāgo uppajjeyyāti cintetvā evamakāsi. Okkhipitvāti adho khipitvā. Accayoti aparādho. Maṃ accagamāti maṃ atikkamma abhibhavitvā pavatto. Sesaṃ paṭhamasikkhāpade vuttanayeneva veditabbaṃ. Ayameva hi viseso – paṭhamasikkhāpade catutthadivase āpatti idha paṭhamadivasepi. Yakkhīpetīhi dissamānakarūpāhi tiracchānagatitthiyā ca methunadhammavatthubhūtāya eva dukkaṭaṃ. Sesāhi anāpatti. Samuṭṭhānādīni paṭhamasadisānevāti.
దుతియసహసేయ్యసిక్ఖాపదం ఛట్ఠం.
Dutiyasahaseyyasikkhāpadaṃ chaṭṭhaṃ.
Related texts:
తిపిటక (మూల) • Tipiṭaka (Mūla) / వినయపిటక • Vinayapiṭaka / మహావిభఙ్గ • Mahāvibhaṅga / ౧. ముసావాదవగ్గో • 1. Musāvādavaggo
టీకా • Tīkā / వినయపిటక (టీకా) • Vinayapiṭaka (ṭīkā) / సారత్థదీపనీ-టీకా • Sāratthadīpanī-ṭīkā / ౬. దుతియసహసేయ్యసిక్ఖాపదవణ్ణనా • 6. Dutiyasahaseyyasikkhāpadavaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / వజిరబుద్ధి-టీకా • Vajirabuddhi-ṭīkā / ౬. దుతియసహసేయ్యసిక్ఖాపదవణ్ణనా • 6. Dutiyasahaseyyasikkhāpadavaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / విమతివినోదనీ-టీకా • Vimativinodanī-ṭīkā / ౬. దుతియసహసేయ్యసిక్ఖాపదవణ్ణనా • 6. Dutiyasahaseyyasikkhāpadavaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / పాచిత్యాదియోజనాపాళి • Pācityādiyojanāpāḷi / ౬. దుతియసహసేయ్యసిక్ఖాపదం • 6. Dutiyasahaseyyasikkhāpadaṃ
