| Library / Tipiṭaka / တိပိဋက • Tipiṭaka / မဟာဝိဘင္ဂ-အဋ္ဌကထာ • Mahāvibhaṅga-aṭṭhakathā |
၆. ဒုတိယသဟသေယ္ယသိက္ခာပဒဝဏ္ဏနာ
6. Dutiyasahaseyyasikkhāpadavaṇṇanā
၅၅. ဒုတိယသဟသေယ္ယသိက္ခာပဒေ – အာဝသထာဂာရန္တိ အာဂန္တုကာနံ ဝသနာဂာရံ။ ပညတ္တံ ဟောတီတိ ပုညကာမတာယ ကတ္ဝာ ဌပိတံ ဟောတိ။ ယေန သာ ဣတ္ထီ တေနုပသင္ကမီတိ အသုကသ္မိံ နာမ ဌာနေ အာဝသထာဂာရံ ပညတ္တံ အတ္ထီတိ မနုသ္သာနံ သုတ္ဝာ ဥပသင္ကမိ။ ဂန္ဓဂန္ဓိနီတိ အဂရုကုင္ကုမာဒီနံ ဂန္ဓာနံ ဂန္ဓော ဂန္ဓဂန္ဓော, သော အသ္သာ အတ္ထီတိ ဂန္ဓဂန္ဓိနီ။ သာဋကံ နိက္ခိပိတ္ဝာတိ အပ္ပေဝ နာမသ္သ ဣမမ္ပိ ဝိပ္ပကာရံ ပသ္သန္တသ္သ ရာဂော ဥပ္ပဇ္ဇေယ္ယာတိ စိန္တေတ္ဝာ ဧဝမကာသိ။ ဩက္ခိပိတ္ဝာတိ အဓော ခိပိတ္ဝာ။ အစ္စယောတိ အပရာဓော။ မံ အစ္စဂမာတိ မံ အတိက္ကမ္မ အဘိဘဝိတ္ဝာ ပဝတ္တော။ သေသံ ပဌမသိက္ခာပဒေ ဝုတ္တနယေနေဝ ဝေဒိတဗ္ဗံ။ အယမေဝ ဟိ ဝိသေသော – ပဌမသိက္ခာပဒေ စတုတ္ထဒိဝသေ အာပတ္တိ ဣဓ ပဌမဒိဝသေပိ။ ယက္ခီပေတီဟိ ဒိသ္သမာနကရူပာဟိ တိရစ္ဆာနဂတိတ္ထိယာ စ မေထုနဓမ္မဝတ္ထုဘူတာယ ဧဝ ဒုက္ကဋံ။ သေသာဟိ အနာပတ္တိ။ သမုဋ္ဌာနာဒီနိ ပဌမသဒိသာနေဝာတိ။
55. Dutiyasahaseyyasikkhāpade – āvasathāgāranti āgantukānaṃ vasanāgāraṃ. Paññattaṃ hotīti puññakāmatāya katvā ṭhapitaṃ hoti. Yena sā itthī tenupasaṅkamīti asukasmiṃ nāma ṭhāne āvasathāgāraṃ paññattaṃ atthīti manussānaṃ sutvā upasaṅkami. Gandhagandhinīti agarukuṅkumādīnaṃ gandhānaṃ gandho gandhagandho, so assā atthīti gandhagandhinī. Sāṭakaṃ nikkhipitvāti appeva nāmassa imampi vippakāraṃ passantassa rāgo uppajjeyyāti cintetvā evamakāsi. Okkhipitvāti adho khipitvā. Accayoti aparādho. Maṃ accagamāti maṃ atikkamma abhibhavitvā pavatto. Sesaṃ paṭhamasikkhāpade vuttanayeneva veditabbaṃ. Ayameva hi viseso – paṭhamasikkhāpade catutthadivase āpatti idha paṭhamadivasepi. Yakkhīpetīhi dissamānakarūpāhi tiracchānagatitthiyā ca methunadhammavatthubhūtāya eva dukkaṭaṃ. Sesāhi anāpatti. Samuṭṭhānādīni paṭhamasadisānevāti.
ဒုတိယသဟသေယ္ယသိက္ခာပဒံ ဆဋ္ဌံ။
Dutiyasahaseyyasikkhāpadaṃ chaṭṭhaṃ.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝိဘင္ဂ • Mahāvibhaṅga / ၁. မုသာဝာဒဝဂ္ဂော • 1. Musāvādavaggo
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / ၆. ဒုတိယသဟသေယ္ယသိက္ခာပဒဝဏ္ဏနာ • 6. Dutiyasahaseyyasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / ၆. ဒုတိယသဟသေယ္ယသိက္ခာပဒဝဏ္ဏနာ • 6. Dutiyasahaseyyasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ၆. ဒုတိယသဟသေယ္ယသိက္ခာပဒဝဏ္ဏနာ • 6. Dutiyasahaseyyasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ၆. ဒုတိယသဟသေယ္ယသိက္ခာပဒံ • 6. Dutiyasahaseyyasikkhāpadaṃ
