| Library / Tipiṭaka / တိပိဋက • Tipiṭaka / ဝိမတိဝိနောဒနီ-ဋီကာ • Vimativinodanī-ṭīkā |
၆. ဒုတိယသဟသေယ္ယသိက္ခာပဒဝဏ္ဏနာ
6. Dutiyasahaseyyasikkhāpadavaṇṇanā
၅၅. ဆဋ္ဌေ မာတုဂာမေန သဒ္ဓိံ စတုတ္ထဒိဝသေ သယန္တသ္သာပိ ဣမိနာ သိက္ခာပဒေန ဧကာဝ အာပတ္တိ။ ကေစိ ပန ပုရိမသိက္ခာပဒေနာပီတိ ဒ္ဝေ အာပတ္တိယော ဝဒန္တိ, တံ န ယုတ္တံ ‘‘အနုပသမ္ပန္နေနာ’’တိ အနိတ္ထိလိင္ဂေန ဝုတ္တတ္တာ နပုံသကေန ပန စတုတ္ထဒိဝသေ သယန္တသ္သ သဒုက္ကဋပာစိတ္တိယံ ဝတ္တုံ ယုတ္တံ။ ကိဉ္စာပေတ္ထ ပာဠိယံ ပဏ္ဍကဝသေနေဝ ဒုက္ကဋံ ဝုတ္တံ, တဒနုလောမိကာ ပန ပုရိသဥဘတောဗ္ယဉ္ဇနကေန သဟ သယန္တသ္သ ဣမိနာ ဒုက္ကဋံ, ပုရိမေန စတုတ္ထဒိဝသေ သဒုက္ကဋပာစိတ္တိယံ။ ဣတ္ထိဥဘတောဗ္ယဉ္ဇနကော ဣတ္ထိဂတိကောဝာတိ အယံ အမ္ဟာကံ ခန္တိ။ မတိတ္ထိယာ အနာပတ္တီတိ ဝဒန္တိ။ ပာစိတ္တိယဝတ္ထုကသေနာသနံ, တတ္ထ မာတုဂာမေန သဒ္ဓိံ နိပဇ္ဇနံ, သူရိယတ္ထင္ဂမနန္တိ ဣမာနေတ္ထ တီဏိ အင္ဂာနိ။
55. Chaṭṭhe mātugāmena saddhiṃ catutthadivase sayantassāpi iminā sikkhāpadena ekāva āpatti. Keci pana purimasikkhāpadenāpīti dve āpattiyo vadanti, taṃ na yuttaṃ ‘‘anupasampannenā’’ti anitthiliṅgena vuttattā napuṃsakena pana catutthadivase sayantassa sadukkaṭapācittiyaṃ vattuṃ yuttaṃ. Kiñcāpettha pāḷiyaṃ paṇḍakavaseneva dukkaṭaṃ vuttaṃ, tadanulomikā pana purisaubhatobyañjanakena saha sayantassa iminā dukkaṭaṃ, purimena catutthadivase sadukkaṭapācittiyaṃ. Itthiubhatobyañjanako itthigatikovāti ayaṃ amhākaṃ khanti. Matitthiyā anāpattīti vadanti. Pācittiyavatthukasenāsanaṃ, tattha mātugāmena saddhiṃ nipajjanaṃ, sūriyatthaṅgamananti imānettha tīṇi aṅgāni.
ဒုတိယသဟသေယ္ယသိက္ခာပဒဝဏ္ဏနာ နိဋ္ဌိတာ။
Dutiyasahaseyyasikkhāpadavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝိဘင္ဂ • Mahāvibhaṅga / ၁. မုသာဝာဒဝဂ္ဂော • 1. Musāvādavaggo
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝိဘင္ဂ-အဋ္ဌကထာ • Mahāvibhaṅga-aṭṭhakathā / ၆. ဒုတိယသဟသေယ္ယသိက္ခာပဒဝဏ္ဏနာ • 6. Dutiyasahaseyyasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / ၆. ဒုတိယသဟသေယ္ယသိက္ခာပဒဝဏ္ဏနာ • 6. Dutiyasahaseyyasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / ၆. ဒုတိယသဟသေယ္ယသိက္ခာပဒဝဏ္ဏနာ • 6. Dutiyasahaseyyasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ၆. ဒုတိယသဟသေယ္ယသိက္ခာပဒံ • 6. Dutiyasahaseyyasikkhāpadaṃ
