| Library / Tipiṭaka / ਤਿਪਿਟਕ • Tipiṭaka / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā |
੬. ਦੁਤਿਯਸਹਸੇਯ੍ਯਸਿਕ੍ਖਾਪਦવਣ੍ਣਨਾ
6. Dutiyasahaseyyasikkhāpadavaṇṇanā
੫੫. ਦੁਤਿਯਸਹਸੇਯ੍ਯਸਿਕ੍ਖਾਪਦੇ – ਆવਸਥਾਗਾਰਨ੍ਤਿ ਆਗਨ੍ਤੁਕਾਨਂ વਸਨਾਗਾਰਂ। ਪਞ੍ਞਤ੍ਤਂ ਹੋਤੀਤਿ ਪੁਞ੍ਞਕਾਮਤਾਯ ਕਤ੍વਾ ਠਪਿਤਂ ਹੋਤਿ। ਯੇਨ ਸਾ ਇਤ੍ਥੀ ਤੇਨੁਪਸਙ੍ਕਮੀਤਿ ਅਸੁਕਸ੍ਮਿਂ ਨਾਮ ਠਾਨੇ ਆવਸਥਾਗਾਰਂ ਪਞ੍ਞਤ੍ਤਂ ਅਤ੍ਥੀਤਿ ਮਨੁਸ੍ਸਾਨਂ ਸੁਤ੍વਾ ਉਪਸਙ੍ਕਮਿ। ਗਨ੍ਧਗਨ੍ਧਿਨੀਤਿ ਅਗਰੁਕੁਙ੍ਕੁਮਾਦੀਨਂ ਗਨ੍ਧਾਨਂ ਗਨ੍ਧੋ ਗਨ੍ਧਗਨ੍ਧੋ, ਸੋ ਅਸ੍ਸਾ ਅਤ੍ਥੀਤਿ ਗਨ੍ਧਗਨ੍ਧਿਨੀ। ਸਾਟਕਂ ਨਿਕ੍ਖਿਪਿਤ੍વਾਤਿ ਅਪ੍ਪੇવ ਨਾਮਸ੍ਸ ਇਮਮ੍ਪਿ વਿਪ੍ਪਕਾਰਂ ਪਸ੍ਸਨ੍ਤਸ੍ਸ ਰਾਗੋ ਉਪ੍ਪਜ੍ਜੇਯ੍ਯਾਤਿ ਚਿਨ੍ਤੇਤ੍વਾ ਏવਮਕਾਸਿ। ਓਕ੍ਖਿਪਿਤ੍વਾਤਿ ਅਧੋ ਖਿਪਿਤ੍વਾ। ਅਚ੍ਚਯੋਤਿ ਅਪਰਾਧੋ। ਮਂ ਅਚ੍ਚਗਮਾਤਿ ਮਂ ਅਤਿਕ੍ਕਮ੍ਮ ਅਭਿਭવਿਤ੍વਾ ਪવਤ੍ਤੋ। ਸੇਸਂ ਪਠਮਸਿਕ੍ਖਾਪਦੇ વੁਤ੍ਤਨਯੇਨੇવ વੇਦਿਤਬ੍ਬਂ। ਅਯਮੇવ ਹਿ વਿਸੇਸੋ – ਪਠਮਸਿਕ੍ਖਾਪਦੇ ਚਤੁਤ੍ਥਦਿવਸੇ ਆਪਤ੍ਤਿ ਇਧ ਪਠਮਦਿવਸੇਪਿ। ਯਕ੍ਖੀਪੇਤੀਹਿ ਦਿਸ੍ਸਮਾਨਕਰੂਪਾਹਿ ਤਿਰਚ੍ਛਾਨਗਤਿਤ੍ਥਿਯਾ ਚ ਮੇਥੁਨਧਮ੍ਮવਤ੍ਥੁਭੂਤਾਯ ਏવ ਦੁਕ੍ਕਟਂ। ਸੇਸਾਹਿ ਅਨਾਪਤ੍ਤਿ। ਸਮੁਟ੍ਠਾਨਾਦੀਨਿ ਪਠਮਸਦਿਸਾਨੇવਾਤਿ।
55. Dutiyasahaseyyasikkhāpade – āvasathāgāranti āgantukānaṃ vasanāgāraṃ. Paññattaṃ hotīti puññakāmatāya katvā ṭhapitaṃ hoti. Yena sā itthī tenupasaṅkamīti asukasmiṃ nāma ṭhāne āvasathāgāraṃ paññattaṃ atthīti manussānaṃ sutvā upasaṅkami. Gandhagandhinīti agarukuṅkumādīnaṃ gandhānaṃ gandho gandhagandho, so assā atthīti gandhagandhinī. Sāṭakaṃ nikkhipitvāti appeva nāmassa imampi vippakāraṃ passantassa rāgo uppajjeyyāti cintetvā evamakāsi. Okkhipitvāti adho khipitvā. Accayoti aparādho. Maṃ accagamāti maṃ atikkamma abhibhavitvā pavatto. Sesaṃ paṭhamasikkhāpade vuttanayeneva veditabbaṃ. Ayameva hi viseso – paṭhamasikkhāpade catutthadivase āpatti idha paṭhamadivasepi. Yakkhīpetīhi dissamānakarūpāhi tiracchānagatitthiyā ca methunadhammavatthubhūtāya eva dukkaṭaṃ. Sesāhi anāpatti. Samuṭṭhānādīni paṭhamasadisānevāti.
ਦੁਤਿਯਸਹਸੇਯ੍ਯਸਿਕ੍ਖਾਪਦਂ ਛਟ੍ਠਂ।
Dutiyasahaseyyasikkhāpadaṃ chaṭṭhaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੧. ਮੁਸਾવਾਦવਗ੍ਗੋ • 1. Musāvādavaggo
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੬. ਦੁਤਿਯਸਹਸੇਯ੍ਯਸਿਕ੍ਖਾਪਦવਣ੍ਣਨਾ • 6. Dutiyasahaseyyasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੬. ਦੁਤਿਯਸਹਸੇਯ੍ਯਸਿਕ੍ਖਾਪਦવਣ੍ਣਨਾ • 6. Dutiyasahaseyyasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੬. ਦੁਤਿਯਸਹਸੇਯ੍ਯਸਿਕ੍ਖਾਪਦવਣ੍ਣਨਾ • 6. Dutiyasahaseyyasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੬. ਦੁਤਿਯਸਹਸੇਯ੍ਯਸਿਕ੍ਖਾਪਦਂ • 6. Dutiyasahaseyyasikkhāpadaṃ
