| Library / Tipiṭaka / ਤਿਪਿਟਕ • Tipiṭaka / ਕਙ੍ਖਾવਿਤਰਣੀ-ਅਭਿਨવ-ਟੀਕਾ • Kaṅkhāvitaraṇī-abhinava-ṭīkā |
੬. ਦੁਤਿਯਸਹਸੇਯ੍ਯਸਿਕ੍ਖਾਪਦવਣ੍ਣਨਾ
6. Dutiyasahaseyyasikkhāpadavaṇṇanā
ਮਨੁਸ੍ਸਿਤ੍ਥਿਯਾਤਿ ਜੀવਮਾਨਕਮਨੁਸ੍ਸਿਤ੍ਥਿਯਾ। ‘‘ਮਤਿਤ੍ਥੀ ਪਨ ਕਿਞ੍ਚਾਪਿ ਪਾਰਾਜਿਕવਤ੍ਥੁਭੂਤਾ, ਅਨੁਪਾਦਿਨ੍ਨਪਕ੍ਖੇ ਪਨ ਠਿਤਤ੍ਤਾ ਸਹਸੇਯ੍ਯਾਪਤ੍ਤਿਂ ਨ ਕਰੋਤੀ’’ਤਿ (વਜਿਰ॰ ਟੀ॰ ਪਾਚਿਤ੍ਤਿਯ ੫੫) વਦਨ੍ਤਿ। ਅਦਿਸ੍ਸਮਾਨਰੂਪਾਹਿ ਪਨ ਯਕ੍ਖਿਪੇਤੀਹਿ, ਮੇਥੁਨਸ੍ਸ ਅવਤ੍ਥੁਭੂਤਾਯ ਚ ਤਿਰਚ੍ਛਾਨਗਤਿਤ੍ਥਿਯਾ ਅਨਾਪਤ੍ਤਿ। ਪਠਮਦਿવਸੇਪੀਤਿ ਪਠਮਸ੍ਮਿਂ વਿਯ ਸਿਕ੍ਖਾਪਦੇ ਨ ਚਤੁਤ੍ਥੇਯੇવ ਦਿવਸੇ, ਅਥ ਖੋ ਇਧ ਪਠਮਦਿવਸੇਪੀਤਿ ਅਤ੍ਥੋ। ਇਮਿਨਾ ਇਧ ਦਿવਸਪਰਿਚ੍ਛੇਦੋ ਨਤ੍ਥੀਤਿ ਦਸ੍ਸੇਤਿ। ਅਙ੍ਗੇਸੁ ਪਨ ਪਾਚਿਤ੍ਤਿਯવਤ੍ਥੁਕਸੇਨਾਸਨਂ, ਤਤ੍ਥ ਮਾਤੁਗਾਮੇਨ ਸਹ ਨਿਪਜ੍ਜਨਂ, ਸੂਰਿਯਤ੍ਥਙ੍ਗਮਨਨ੍ਤਿ ਤੀਣਿ ਅਙ੍ਗਾਨੀਤਿ ਅਯਮ੍ਪਿ વਿਸੇਸੋ ਦਟ੍ਠਬ੍ਬੋ।
Manussitthiyāti jīvamānakamanussitthiyā. ‘‘Matitthī pana kiñcāpi pārājikavatthubhūtā, anupādinnapakkhe pana ṭhitattā sahaseyyāpattiṃ na karotī’’ti (vajira. ṭī. pācittiya 55) vadanti. Adissamānarūpāhi pana yakkhipetīhi, methunassa avatthubhūtāya ca tiracchānagatitthiyā anāpatti. Paṭhamadivasepīti paṭhamasmiṃ viya sikkhāpade na catuttheyeva divase, atha kho idha paṭhamadivasepīti attho. Iminā idha divasaparicchedo natthīti dasseti. Aṅgesu pana pācittiyavatthukasenāsanaṃ, tattha mātugāmena saha nipajjanaṃ, sūriyatthaṅgamananti tīṇi aṅgānīti ayampi viseso daṭṭhabbo.
ਦੁਤਿਯਸਹਸੇਯ੍ਯਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Dutiyasahaseyyasikkhāpadavaṇṇanā niṭṭhitā.
