| Library / Tipiṭaka / तिपिटक • Tipiṭaka / अङ्गुत्तरनिकाय • Aṅguttaranikāya |
६. दुतियसमजीवीसुत्तं
6. Dutiyasamajīvīsuttaṃ
५६. ‘‘आकङ्खेय्युं चे, भिक्खवे, उभो जानिपतयो दिट्ठे चेव धम्मे अञ्ञमञ्ञं पस्सितुं अभिसम्परायञ्च अञ्ञमञ्ञं पस्सितुं उभोव अस्सु समसद्धा समसीला समचागा समपञ्ञा, ते दिट्ठे चेव धम्मे अञ्ञमञ्ञं पस्सन्ति अभिसम्परायञ्च अञ्ञमञ्ञं पस्सन्ती’’ति।
56. ‘‘Ākaṅkheyyuṃ ce, bhikkhave, ubho jānipatayo diṭṭhe ceva dhamme aññamaññaṃ passituṃ abhisamparāyañca aññamaññaṃ passituṃ ubhova assu samasaddhā samasīlā samacāgā samapaññā, te diṭṭhe ceva dhamme aññamaññaṃ passanti abhisamparāyañca aññamaññaṃ passantī’’ti.
‘‘उभो सद्धा वदञ्ञू च, सञ्ञता धम्मजीविनो।
‘‘Ubho saddhā vadaññū ca, saññatā dhammajīvino;
ते होन्ति जानिपतयो, अञ्ञमञ्ञं पियंवदा॥
Te honti jānipatayo, aññamaññaṃ piyaṃvadā.
‘‘अत्थासं पचुरा होन्ति, फासुकं उपजायति।
‘‘Atthāsaṃ pacurā honti, phāsukaṃ upajāyati;
अमित्ता दुम्मना होन्ति, उभिन्नं समसीलिनं॥
Amittā dummanā honti, ubhinnaṃ samasīlinaṃ.
‘‘इध धम्मं चरित्वान, समसीलब्बता उभो।
‘‘Idha dhammaṃ caritvāna, samasīlabbatā ubho;
नन्दिनो देवलोकस्मिं, मोदन्ति कामकामिनो’’ति॥ छट्ठं।
Nandino devalokasmiṃ, modanti kāmakāmino’’ti. chaṭṭhaṃ;
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / अङ्गुत्तरनिकाय (अट्ठकथा) • Aṅguttaranikāya (aṭṭhakathā) / ५-६. समजीवीसुत्तद्वयवण्णना • 5-6. Samajīvīsuttadvayavaṇṇanā
टीका • Tīkā / सुत्तपिटक (टीका) • Suttapiṭaka (ṭīkā) / अङ्गुत्तरनिकाय (टीका) • Aṅguttaranikāya (ṭīkā) / ५-६. समजीवीसुत्तादिवण्णना • 5-6. Samajīvīsuttādivaṇṇanā
