| Library / Tipiṭaka / ติปิฎก • Tipiṭaka / องฺคุตฺตรนิกาย • Aṅguttaranikāya |
๖. ทุติยสมชีวีสุตฺตํ
6. Dutiyasamajīvīsuttaṃ
๕๖. ‘‘อากเงฺขยฺยุํ เจ, ภิกฺขเว, อุโภ ชานิปตโย ทิเฎฺฐ เจว ธเมฺม อญฺญมญฺญํ ปสฺสิตุํ อภิสมฺปรายญฺจ อญฺญมญฺญํ ปสฺสิตุํ อุโภว อสฺสุ สมสทฺธา สมสีลา สมจาคา สมปญฺญา, เต ทิเฎฺฐ เจว ธเมฺม อญฺญมญฺญํ ปสฺสนฺติ อภิสมฺปรายญฺจ อญฺญมญฺญํ ปสฺสนฺตี’’ติฯ
56. ‘‘Ākaṅkheyyuṃ ce, bhikkhave, ubho jānipatayo diṭṭhe ceva dhamme aññamaññaṃ passituṃ abhisamparāyañca aññamaññaṃ passituṃ ubhova assu samasaddhā samasīlā samacāgā samapaññā, te diṭṭhe ceva dhamme aññamaññaṃ passanti abhisamparāyañca aññamaññaṃ passantī’’ti.
‘‘อุโภ สทฺธา วทญฺญู จ, สญฺญตา ธมฺมชีวิโน;
‘‘Ubho saddhā vadaññū ca, saññatā dhammajīvino;
เต โหนฺติ ชานิปตโย, อญฺญมญฺญํ ปิยํวทาฯ
Te honti jānipatayo, aññamaññaṃ piyaṃvadā.
‘‘อตฺถาสํ ปจุรา โหนฺติ, ผาสุกํ อุปชายติ;
‘‘Atthāsaṃ pacurā honti, phāsukaṃ upajāyati;
อมิตฺตา ทุมฺมนา โหนฺติ, อุภินฺนํ สมสีลินํฯ
Amittā dummanā honti, ubhinnaṃ samasīlinaṃ.
‘‘อิธ ธมฺมํ จริตฺวาน, สมสีลพฺพตา อุโภ;
‘‘Idha dhammaṃ caritvāna, samasīlabbatā ubho;
นนฺทิโน เทวโลกสฺมิํ, โมทนฺติ กามกามิโน’’ติฯ ฉฎฺฐํ;
Nandino devalokasmiṃ, modanti kāmakāmino’’ti. chaṭṭhaṃ;
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) / ๕-๖. สมชีวีสุตฺตทฺวยวณฺณนา • 5-6. Samajīvīsuttadvayavaṇṇanā
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๕-๖. สมชีวีสุตฺตาทิวณฺณนา • 5-6. Samajīvīsuttādivaṇṇanā
