| Library / Tipiṭaka / តិបិដក • Tipiṭaka / អង្គុត្តរនិកាយ • Aṅguttaranikāya |
៦. ទុតិយសមជីវីសុត្តំ
6. Dutiyasamajīvīsuttaṃ
៥៦. ‘‘អាកង្ខេយ្យុំ ចេ, ភិក្ខវេ, ឧភោ ជានិបតយោ ទិដ្ឋេ ចេវ ធម្មេ អញ្ញមញ្ញំ បស្សិតុំ អភិសម្បរាយញ្ច អញ្ញមញ្ញំ បស្សិតុំ ឧភោវ អស្សុ សមសទ្ធា សមសីលា សមចាគា សមបញ្ញា, តេ ទិដ្ឋេ ចេវ ធម្មេ អញ្ញមញ្ញំ បស្សន្តិ អភិសម្បរាយញ្ច អញ្ញមញ្ញំ បស្សន្តី’’តិ។
56. ‘‘Ākaṅkheyyuṃ ce, bhikkhave, ubho jānipatayo diṭṭhe ceva dhamme aññamaññaṃ passituṃ abhisamparāyañca aññamaññaṃ passituṃ ubhova assu samasaddhā samasīlā samacāgā samapaññā, te diṭṭhe ceva dhamme aññamaññaṃ passanti abhisamparāyañca aññamaññaṃ passantī’’ti.
‘‘ឧភោ សទ្ធា វទញ្ញូ ច, សញ្ញតា ធម្មជីវិនោ;
‘‘Ubho saddhā vadaññū ca, saññatā dhammajīvino;
តេ ហោន្តិ ជានិបតយោ, អញ្ញមញ្ញំ បិយំវទា។
Te honti jānipatayo, aññamaññaṃ piyaṃvadā.
‘‘អត្ថាសំ បចុរា ហោន្តិ, ផាសុកំ ឧបជាយតិ;
‘‘Atthāsaṃ pacurā honti, phāsukaṃ upajāyati;
អមិត្តា ទុម្មនា ហោន្តិ, ឧភិន្នំ សមសីលិនំ។
Amittā dummanā honti, ubhinnaṃ samasīlinaṃ.
‘‘ឥធ ធម្មំ ចរិត្វាន, សមសីលព្ពតា ឧភោ;
‘‘Idha dhammaṃ caritvāna, samasīlabbatā ubho;
នន្ទិនោ ទេវលោកស្មិំ, មោទន្តិ កាមកាមិនោ’’តិ។ ឆដ្ឋំ;
Nandino devalokasmiṃ, modanti kāmakāmino’’ti. chaṭṭhaṃ;
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) / ៥-៦. សមជីវីសុត្តទ្វយវណ្ណនា • 5-6. Samajīvīsuttadvayavaṇṇanā
ដីកា • Tīkā / សុត្តបិដក (ដីកា) • Suttapiṭaka (ṭīkā) / អង្គុត្តរនិកាយ (ដីកា) • Aṅguttaranikāya (ṭīkā) / ៥-៦. សមជីវីសុត្តាទិវណ្ណនា • 5-6. Samajīvīsuttādivaṇṇanā
