| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
১০. দুতিযসমণব্রাহ্মণসুত্তং
10. Dutiyasamaṇabrāhmaṇasuttaṃ
৩০. সাৰত্থিযং ৰিহরতি…পে॰… ‘‘তত্র খো…পে॰… যে হি কেচি, ভিক্খৰে, সমণা ৰা ব্রাহ্মণা ৰা জরামরণং নপ্পজানন্তি, জরামরণসমুদযং নপ্পজানন্তি, জরামরণনিরোধং নপ্পজানন্তি, জরামরণনিরোধগামিনিং পটিপদং নপ্পজানন্তি তে ৰত জরামরণং সমতিক্কম্ম ঠস্সন্তীতি নেতং ঠানং ৰিজ্জতি। জাতিং নপ্পজানন্তি…পে॰… ভৰং… উপাদানং… তণ্হং… ৰেদনং… ফস্সং… সল়াযতনং… নামরূপং… ৰিঞ্ঞাণং… সঙ্খারে নপ্পজানন্তি, সঙ্খারসমুদযং নপ্পজানন্তি, সঙ্খারনিরোধং নপ্পজানন্তি, সঙ্খারনিরোধগামিনিং পটিপদং নপ্পজানন্তি তে ৰত সঙ্খারে সমতিক্কম্ম ঠস্সন্তীতি নেতং ঠানং ৰিজ্জতি’’।
30. Sāvatthiyaṃ viharati…pe… ‘‘tatra kho…pe… ye hi keci, bhikkhave, samaṇā vā brāhmaṇā vā jarāmaraṇaṃ nappajānanti, jarāmaraṇasamudayaṃ nappajānanti, jarāmaraṇanirodhaṃ nappajānanti, jarāmaraṇanirodhagāminiṃ paṭipadaṃ nappajānanti te vata jarāmaraṇaṃ samatikkamma ṭhassantīti netaṃ ṭhānaṃ vijjati. Jātiṃ nappajānanti…pe… bhavaṃ… upādānaṃ… taṇhaṃ… vedanaṃ… phassaṃ… saḷāyatanaṃ… nāmarūpaṃ… viññāṇaṃ… saṅkhāre nappajānanti, saṅkhārasamudayaṃ nappajānanti, saṅkhāranirodhaṃ nappajānanti, saṅkhāranirodhagāminiṃ paṭipadaṃ nappajānanti te vata saṅkhāre samatikkamma ṭhassantīti netaṃ ṭhānaṃ vijjati’’.
‘‘যে চ খো কেচি, ভিক্খৰে, সমণা ৰা ব্রাহ্মণা ৰা জরামরণং পজানন্তি, জরামরণসমুদযং পজানন্তি, জরামরণনিরোধং পজানন্তি, জরামরণনিরোধগামিনিং পটিপদং পজানন্তি তে ৰত জরামরণং সমতিক্কম্ম ঠস্সন্তীতি ঠানমেতং ৰিজ্জতি। জাতিং পজানন্তি…পে॰… ভৰং… উপাদানং… তণ্হং… ৰেদনং… ফস্সং… সল়াযতনং… নামরূপং… ৰিঞ্ঞাণং… সঙ্খারে পজানন্তি, সঙ্খারসমুদযং পজানন্তি, সঙ্খারনিরোধং পজানন্তি, সঙ্খারনিরোধগামিনিং পটিপদং পজানন্তি। তে ৰত সঙ্খারে সমতিক্কম্ম ঠস্সন্তীতি ঠানমেতং ৰিজ্জতী’’তি। দসমং।
‘‘Ye ca kho keci, bhikkhave, samaṇā vā brāhmaṇā vā jarāmaraṇaṃ pajānanti, jarāmaraṇasamudayaṃ pajānanti, jarāmaraṇanirodhaṃ pajānanti, jarāmaraṇanirodhagāminiṃ paṭipadaṃ pajānanti te vata jarāmaraṇaṃ samatikkamma ṭhassantīti ṭhānametaṃ vijjati. Jātiṃ pajānanti…pe… bhavaṃ… upādānaṃ… taṇhaṃ… vedanaṃ… phassaṃ… saḷāyatanaṃ… nāmarūpaṃ… viññāṇaṃ… saṅkhāre pajānanti, saṅkhārasamudayaṃ pajānanti, saṅkhāranirodhaṃ pajānanti, saṅkhāranirodhagāminiṃ paṭipadaṃ pajānanti. Te vata saṅkhāre samatikkamma ṭhassantīti ṭhānametaṃ vijjatī’’ti. Dasamaṃ.
দসবলৰগ্গো ততিযো।
Dasabalavaggo tatiyo.
তস্সুদ্দানং –
Tassuddānaṃ –
দ্ৰে দসবলা উপনিসা চ, অঞ্ঞতিত্থিযভূমিজো।
Dve dasabalā upanisā ca, aññatitthiyabhūmijo;
উপৰাণো পচ্চযো ভিক্খু, দ্ৰে চ সমণব্রাহ্মণাতি॥
Upavāṇo paccayo bhikkhu, dve ca samaṇabrāhmaṇāti.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৯. সমণব্রাহ্মণসুত্তৰণ্ণনা • 9. Samaṇabrāhmaṇasuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ১০. দুতিযসমণব্রাহ্মণসুত্তৰণ্ণনা • 10. Dutiyasamaṇabrāhmaṇasuttavaṇṇanā
