| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
10. д̣̇уд̇ияасаман̣аб̣раахман̣асуд̇д̇ам̣
10. Dutiyasamaṇabrāhmaṇasuttaṃ
30. саавад̇т̇ияам̣ вихарад̇и…бз… ‘‘д̇ад̇ра ко…бз… яз хи гзжи, бхигкавз, саман̣аа ваа б̣раахман̣аа ваа ж̇араамаран̣ам̣ наббаж̇аананд̇и, ж̇араамаран̣асамуд̣̇аяам̣ наббаж̇аананд̇и, ж̇араамаран̣анирод̇хам̣ наббаж̇аананд̇и, ж̇араамаран̣анирод̇хаг̇ааминим̣ бадибад̣̇ам̣ наббаж̇аананд̇и д̇з вад̇а ж̇араамаран̣ам̣ самад̇иггамма тассанд̇ийд̇и нзд̇ам̣ таанам̣ виж̇ж̇ад̇и. ж̇аад̇им̣ наббаж̇аананд̇и…бз… бхавам̣… убаад̣̇аанам̣… д̇ан̣хам̣… взд̣̇анам̣… пассам̣… сал̣ааяад̇анам̣… наамаруубам̣… вин̃н̃аан̣ам̣… сан̇каарз наббаж̇аананд̇и, сан̇каарасамуд̣̇аяам̣ наббаж̇аананд̇и, сан̇кааранирод̇хам̣ наббаж̇аананд̇и, сан̇кааранирод̇хаг̇ааминим̣ бадибад̣̇ам̣ наббаж̇аананд̇и д̇з вад̇а сан̇каарз самад̇иггамма тассанд̇ийд̇и нзд̇ам̣ таанам̣ виж̇ж̇ад̇и’’.
30. Sāvatthiyaṃ viharati…pe… ‘‘tatra kho…pe… ye hi keci, bhikkhave, samaṇā vā brāhmaṇā vā jarāmaraṇaṃ nappajānanti, jarāmaraṇasamudayaṃ nappajānanti, jarāmaraṇanirodhaṃ nappajānanti, jarāmaraṇanirodhagāminiṃ paṭipadaṃ nappajānanti te vata jarāmaraṇaṃ samatikkamma ṭhassantīti netaṃ ṭhānaṃ vijjati. Jātiṃ nappajānanti…pe… bhavaṃ… upādānaṃ… taṇhaṃ… vedanaṃ… phassaṃ… saḷāyatanaṃ… nāmarūpaṃ… viññāṇaṃ… saṅkhāre nappajānanti, saṅkhārasamudayaṃ nappajānanti, saṅkhāranirodhaṃ nappajānanti, saṅkhāranirodhagāminiṃ paṭipadaṃ nappajānanti te vata saṅkhāre samatikkamma ṭhassantīti netaṃ ṭhānaṃ vijjati’’.
‘‘яз жа ко гзжи, бхигкавз, саман̣аа ваа б̣раахман̣аа ваа ж̇араамаран̣ам̣ баж̇аананд̇и, ж̇араамаран̣асамуд̣̇аяам̣ баж̇аананд̇и, ж̇араамаран̣анирод̇хам̣ баж̇аананд̇и, ж̇араамаран̣анирод̇хаг̇ааминим̣ бадибад̣̇ам̣ баж̇аананд̇и д̇з вад̇а ж̇араамаран̣ам̣ самад̇иггамма тассанд̇ийд̇и таанамзд̇ам̣ виж̇ж̇ад̇и. ж̇аад̇им̣ баж̇аананд̇и…бз… бхавам̣… убаад̣̇аанам̣… д̇ан̣хам̣… взд̣̇анам̣… пассам̣… сал̣ааяад̇анам̣… наамаруубам̣… вин̃н̃аан̣ам̣… сан̇каарз баж̇аананд̇и, сан̇каарасамуд̣̇аяам̣ баж̇аананд̇и, сан̇кааранирод̇хам̣ баж̇аананд̇и, сан̇кааранирод̇хаг̇ааминим̣ бадибад̣̇ам̣ баж̇аананд̇и. д̇з вад̇а сан̇каарз самад̇иггамма тассанд̇ийд̇и таанамзд̇ам̣ виж̇ж̇ад̇ий’’д̇и. д̣̇асамам̣.
‘‘Ye ca kho keci, bhikkhave, samaṇā vā brāhmaṇā vā jarāmaraṇaṃ pajānanti, jarāmaraṇasamudayaṃ pajānanti, jarāmaraṇanirodhaṃ pajānanti, jarāmaraṇanirodhagāminiṃ paṭipadaṃ pajānanti te vata jarāmaraṇaṃ samatikkamma ṭhassantīti ṭhānametaṃ vijjati. Jātiṃ pajānanti…pe… bhavaṃ… upādānaṃ… taṇhaṃ… vedanaṃ… phassaṃ… saḷāyatanaṃ… nāmarūpaṃ… viññāṇaṃ… saṅkhāre pajānanti, saṅkhārasamudayaṃ pajānanti, saṅkhāranirodhaṃ pajānanti, saṅkhāranirodhagāminiṃ paṭipadaṃ pajānanti. Te vata saṅkhāre samatikkamma ṭhassantīti ṭhānametaṃ vijjatī’’ti. Dasamaṃ.
д̣̇асаб̣алаваг̇г̇о д̇ад̇ияо.
Dasabalavaggo tatiyo.
д̇ассуд̣̇д̣̇аанам̣ –
Tassuddānaṃ –
д̣̇вз д̣̇асаб̣алаа убанисаа жа, ан̃н̃ад̇ид̇т̇ияабхуумиж̇о;
Dve dasabalā upanisā ca, aññatitthiyabhūmijo;
убаваан̣о бажжаяо бхигку, д̣̇вз жа саман̣аб̣раахман̣аад̇и.
Upavāṇo paccayo bhikkhu, dve ca samaṇabrāhmaṇāti.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 9. саман̣аб̣раахман̣асуд̇д̇аван̣н̣анаа • 9. Samaṇabrāhmaṇasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 10. д̣̇уд̇ияасаман̣аб̣раахман̣асуд̇д̇аван̣н̣анаа • 10. Dutiyasamaṇabrāhmaṇasuttavaṇṇanā
