| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
7. д̣̇уд̇ияасаман̣аб̣раахман̣асуд̇д̇ам̣
7. Dutiyasamaṇabrāhmaṇasuttaṃ
477. ‘‘яз хи гзжи, бхигкавз, саман̣аа ваа б̣раахман̣аа ваа сад̣̇д̇хинд̣̇рияам̣ наббаж̇аананд̇и, сад̣̇д̇хинд̣̇рияасамуд̣̇аяам̣ наббаж̇аананд̇и, сад̣̇д̇хинд̣̇рияанирод̇хам̣ наббаж̇аананд̇и, сад̣̇д̇хинд̣̇рияанирод̇хаг̇ааминим̣ бадибад̣̇ам̣ наббаж̇аананд̇и; вийрияинд̣̇рияам̣ наббаж̇аананд̇и…бз… сад̇инд̣̇рияам̣ наббаж̇аананд̇и …бз… самаад̇хинд̣̇рияам̣ наббаж̇аананд̇и…бз… бан̃н̃инд̣̇рияам̣ наббаж̇аананд̇и, бан̃н̃инд̣̇рияасамуд̣̇аяам̣ наббаж̇аананд̇и, бан̃н̃инд̣̇рияанирод̇хам̣ наббаж̇аананд̇и, бан̃н̃инд̣̇рияанирод̇хаг̇ааминим̣ бадибад̣̇ам̣ наббаж̇аананд̇и, на мз д̇з, бхигкавз саман̣аа ваа б̣раахман̣аа ваа саман̣зсу ваа саман̣асаммад̇аа б̣раахман̣зсу ваа б̣раахман̣асаммад̇аа, на жа банзд̇з ааяасманд̇о сааман̃н̃ад̇т̇ам̣ ваа б̣рахман̃н̃ад̇т̇ам̣ ваа д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихаранд̇и.
477. ‘‘Ye hi keci, bhikkhave, samaṇā vā brāhmaṇā vā saddhindriyaṃ nappajānanti, saddhindriyasamudayaṃ nappajānanti, saddhindriyanirodhaṃ nappajānanti, saddhindriyanirodhagāminiṃ paṭipadaṃ nappajānanti; vīriyindriyaṃ nappajānanti…pe… satindriyaṃ nappajānanti …pe… samādhindriyaṃ nappajānanti…pe… paññindriyaṃ nappajānanti, paññindriyasamudayaṃ nappajānanti, paññindriyanirodhaṃ nappajānanti, paññindriyanirodhagāminiṃ paṭipadaṃ nappajānanti, na me te, bhikkhave samaṇā vā brāhmaṇā vā samaṇesu vā samaṇasammatā brāhmaṇesu vā brāhmaṇasammatā, na ca panete āyasmanto sāmaññatthaṃ vā brahmaññatthaṃ vā diṭṭheva dhamme sayaṃ abhiññā sacchikatvā upasampajja viharanti.
‘‘яз жа ко гзжи, бхигкавз, саман̣аа ваа б̣раахман̣аа ваа сад̣̇д̇хинд̣̇рияам̣ баж̇аананд̇и, сад̣̇д̇хинд̣̇рияасамуд̣̇аяам̣ баж̇аананд̇и, сад̣̇д̇хинд̣̇рияанирод̇хам̣ баж̇аананд̇и, сад̣̇д̇хинд̣̇рияанирод̇хаг̇ааминим̣ бадибад̣̇ам̣ баж̇аананд̇и; вийрияинд̣̇рияам̣ баж̇аананд̇и, вийрияинд̣̇рияасамуд̣̇аяам̣ баж̇аананд̇и, вийрияинд̣̇рияанирод̇хам̣ баж̇аананд̇и, вийрияинд̣̇рияанирод̇хаг̇ааминим̣ бадибад̣̇ам̣ баж̇аананд̇и; сад̇инд̣̇рияам̣ баж̇аананд̇и…бз… самаад̇хинд̣̇рияам̣ баж̇аананд̇и…бз… бан̃н̃инд̣̇рияам̣ баж̇аананд̇и, бан̃н̃инд̣̇рияасамуд̣̇аяам̣ баж̇аананд̇и, бан̃н̃инд̣̇рияанирод̇хам̣ баж̇аананд̇и, бан̃н̃инд̣̇рияанирод̇хаг̇ааминим̣ бадибад̣̇ам̣ баж̇аананд̇и , д̇з ко мз, бхигкавз, саман̣аа ваа б̣раахман̣аа ваа саман̣зсу жзва саман̣асаммад̇аа б̣раахман̣зсу жа б̣раахман̣асаммад̇аа, д̇з жа банааяасманд̇о сааман̃н̃ад̇т̇ан̃жа б̣рахман̃н̃ад̇т̇ан̃жа д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихаранд̇ий’’д̇и. сад̇д̇амам̣.
‘‘Ye ca kho keci, bhikkhave, samaṇā vā brāhmaṇā vā saddhindriyaṃ pajānanti, saddhindriyasamudayaṃ pajānanti, saddhindriyanirodhaṃ pajānanti, saddhindriyanirodhagāminiṃ paṭipadaṃ pajānanti; vīriyindriyaṃ pajānanti, vīriyindriyasamudayaṃ pajānanti, vīriyindriyanirodhaṃ pajānanti, vīriyindriyanirodhagāminiṃ paṭipadaṃ pajānanti; satindriyaṃ pajānanti…pe… samādhindriyaṃ pajānanti…pe… paññindriyaṃ pajānanti, paññindriyasamudayaṃ pajānanti, paññindriyanirodhaṃ pajānanti, paññindriyanirodhagāminiṃ paṭipadaṃ pajānanti , te kho me, bhikkhave, samaṇā vā brāhmaṇā vā samaṇesu ceva samaṇasammatā brāhmaṇesu ca brāhmaṇasammatā, te ca panāyasmanto sāmaññatthañca brahmaññatthañca diṭṭheva dhamme sayaṃ abhiññā sacchikatvā upasampajja viharantī’’ti. Sattamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 7. д̣̇уд̇ияасаман̣аб̣раахман̣асуд̇д̇аван̣н̣анаа • 7. Dutiyasamaṇabrāhmaṇasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / д̣̇уд̇ияасаман̣аб̣раахман̣асуд̇д̇аван̣н̣анаа • 7. Dutiyasamaṇabrāhmaṇasuttavaṇṇanā
