| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
10. д̣̇уд̇ияасаман̣аб̣раахман̣асуд̇д̇ам̣
10. Dutiyasamaṇabrāhmaṇasuttaṃ
500. ‘‘яз хи гзжи, бхигкавз, саман̣аа ваа б̣раахман̣аа ваа жагкунд̣̇рияам̣ наббаж̇аананд̇и, жагкунд̣̇рияасамуд̣̇аяам̣ наббаж̇аананд̇и, жагкунд̣̇рияанирод̇хам̣ наббаж̇аананд̇и, жагкунд̣̇рияанирод̇хаг̇ааминим̣ бадибад̣̇ам̣ наббаж̇аананд̇и; сод̇инд̣̇рияам̣…бз… гхаанинд̣̇рияам̣…бз… ж̇ивхинд̣̇рияам̣…бз… гааяинд̣̇рияам̣…бз… манинд̣̇рияам̣ наббаж̇аананд̇и, манинд̣̇рияасамуд̣̇аяам̣ наббаж̇аананд̇и , манинд̣̇рияанирод̇хам̣ наббаж̇аананд̇и, манинд̣̇рияанирод̇хаг̇ааминим̣ бадибад̣̇ам̣ наббаж̇аананд̇и. на мз д̇з, бхигкавз…бз… саяам̣ абхин̃н̃аа сажчигад̇ваа убасамбаж̇ж̇а вихаранд̇и.
500. ‘‘Ye hi keci, bhikkhave, samaṇā vā brāhmaṇā vā cakkhundriyaṃ nappajānanti, cakkhundriyasamudayaṃ nappajānanti, cakkhundriyanirodhaṃ nappajānanti, cakkhundriyanirodhagāminiṃ paṭipadaṃ nappajānanti; sotindriyaṃ…pe… ghānindriyaṃ…pe… jivhindriyaṃ…pe… kāyindriyaṃ…pe… manindriyaṃ nappajānanti, manindriyasamudayaṃ nappajānanti , manindriyanirodhaṃ nappajānanti, manindriyanirodhagāminiṃ paṭipadaṃ nappajānanti. Na me te, bhikkhave…pe… sayaṃ abhiññā sacchikatvā upasampajja viharanti.
‘‘яз жа ко гзжи, бхигкавз, саман̣аа ваа б̣раахман̣аа ваа жагкунд̣̇рияам̣ баж̇аананд̇и, жагкунд̣̇рияасамуд̣̇аяам̣ баж̇аананд̇и, жагкунд̣̇рияанирод̇хам̣ баж̇аананд̇и, жагкунд̣̇рияанирод̇хаг̇ааминим̣ бадибад̣̇ам̣ баж̇аананд̇и, сод̇инд̣̇рияам̣…бз… гхаанинд̣̇рияам̣…бз… ж̇ивхинд̣̇рияам̣…бз… гааяинд̣̇рияам̣…бз… манинд̣̇рияам̣ баж̇аананд̇и, манинд̣̇рияасамуд̣̇аяам̣ баж̇аананд̇и, манинд̣̇рияанирод̇хам̣ баж̇аананд̇и, манинд̣̇рияанирод̇хаг̇ааминим̣ бадибад̣̇ам̣ баж̇аананд̇и, д̇з ко мз, бхигкавз, саман̣аа ваа б̣раахман̣аа ваа саман̣зсу жзва саман̣асаммад̇аа б̣раахман̣зсу жа б̣раахман̣асаммад̇аа, д̇з жа банааяасманд̇о сааман̃н̃ад̇т̇ан̃жа б̣рахман̃н̃ад̇т̇ан̃жа д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихаранд̇ий’’д̇и. д̣̇асамам̣.
‘‘Ye ca kho keci, bhikkhave, samaṇā vā brāhmaṇā vā cakkhundriyaṃ pajānanti, cakkhundriyasamudayaṃ pajānanti, cakkhundriyanirodhaṃ pajānanti, cakkhundriyanirodhagāminiṃ paṭipadaṃ pajānanti, sotindriyaṃ…pe… ghānindriyaṃ…pe… jivhindriyaṃ…pe… kāyindriyaṃ…pe… manindriyaṃ pajānanti, manindriyasamudayaṃ pajānanti, manindriyanirodhaṃ pajānanti, manindriyanirodhagāminiṃ paṭipadaṃ pajānanti, te kho me, bhikkhave, samaṇā vā brāhmaṇā vā samaṇesu ceva samaṇasammatā brāhmaṇesu ca brāhmaṇasammatā, te ca panāyasmanto sāmaññatthañca brahmaññatthañca diṭṭheva dhamme sayaṃ abhiññā sacchikatvā upasampajja viharantī’’ti. Dasamaṃ.
чал̣инд̣̇рияаваг̇г̇о д̇ад̇ияо.
Chaḷindriyavaggo tatiyo.
д̇ассуд̣̇д̣̇аанам̣ –
Tassuddānaṃ –
бунаб̣бхаво ж̇ийвид̇ан̃н̃ааяа, згаб̣ийж̇ий жа суд̣̇д̇хагам̣;
Punabbhavo jīvitaññāya, ekabījī ca suddhakaṃ;
сод̇о арахасамб̣уд̣̇д̇хо, д̣̇вз жа саман̣аб̣раахман̣аад̇и.
Soto arahasambuddho, dve ca samaṇabrāhmaṇāti.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 5-10. суд̣̇д̇хагасуд̇д̇аад̣̇иван̣н̣анаа • 5-10. Suddhakasuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 5-10. суд̣̇д̇хагасуд̇д̇аад̣̇иван̣н̣анаа • 5-10. Suddhakasuttādivaṇṇanā
