| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
5. д̣̇уд̇ияасаман̣аб̣раахман̣асуд̇д̇ам̣
5. Dutiyasamaṇabrāhmaṇasuttaṃ
505. ‘‘бан̃жимаани, бхигкавз, инд̣̇рияаани. гад̇амаани бан̃жа? сукинд̣̇рияам̣, д̣̇угкинд̣̇рияам̣, соманассинд̣̇рияам̣, д̣̇оманассинд̣̇рияам̣, убзгкинд̣̇рияам̣. яз хи гзжи, бхигкавз, саман̣аа ваа б̣раахман̣аа ваа сукинд̣̇рияам̣ наббаж̇аананд̇и, сукинд̣̇рияасамуд̣̇аяам̣ наббаж̇аананд̇и, сукинд̣̇рияанирод̇хам̣ наббаж̇аананд̇и, сукинд̣̇рияанирод̇хаг̇ааминим̣ бадибад̣̇ам̣ наббаж̇аананд̇и; д̣̇угкинд̣̇рияам̣ наббаж̇аананд̇и…бз… соманассинд̣̇рияам̣ наббаж̇аананд̇и…бз… д̣̇оманассинд̣̇рияам̣ наббаж̇аананд̇и …бз… убзгкинд̣̇рияам̣ наббаж̇аананд̇и, убзгкинд̣̇рияасамуд̣̇аяам̣ наббаж̇аананд̇и, убзгкинд̣̇рияанирод̇хам̣ наббаж̇аананд̇и, убзгкинд̣̇рияанирод̇хаг̇ааминим̣ бадибад̣̇ам̣ наббаж̇аананд̇и; на мз д̇з, бхигкавз, саман̣аа ваа б̣раахман̣аа ваа саман̣зсу ваа саман̣асаммад̇аа б̣раахман̣зсу ваа б̣раахман̣асаммад̇аа, на жа банзд̇з ааяасманд̇о сааман̃н̃ад̇т̇ам̣ ваа б̣рахман̃н̃ад̇т̇ам̣ ваа д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихаранд̇и.
505. ‘‘Pañcimāni, bhikkhave, indriyāni. Katamāni pañca? Sukhindriyaṃ, dukkhindriyaṃ, somanassindriyaṃ, domanassindriyaṃ, upekkhindriyaṃ. Ye hi keci, bhikkhave, samaṇā vā brāhmaṇā vā sukhindriyaṃ nappajānanti, sukhindriyasamudayaṃ nappajānanti, sukhindriyanirodhaṃ nappajānanti, sukhindriyanirodhagāminiṃ paṭipadaṃ nappajānanti; dukkhindriyaṃ nappajānanti…pe… somanassindriyaṃ nappajānanti…pe… domanassindriyaṃ nappajānanti …pe… upekkhindriyaṃ nappajānanti, upekkhindriyasamudayaṃ nappajānanti, upekkhindriyanirodhaṃ nappajānanti, upekkhindriyanirodhagāminiṃ paṭipadaṃ nappajānanti; na me te, bhikkhave, samaṇā vā brāhmaṇā vā samaṇesu vā samaṇasammatā brāhmaṇesu vā brāhmaṇasammatā, na ca panete āyasmanto sāmaññatthaṃ vā brahmaññatthaṃ vā diṭṭheva dhamme sayaṃ abhiññā sacchikatvā upasampajja viharanti.
‘‘яз жа ко гзжи, бхигкавз, саман̣аа ваа б̣раахман̣аа ваа сукинд̣̇рияам̣ баж̇аананд̇и, сукинд̣̇рияасамуд̣̇аяам̣ баж̇аананд̇и, сукинд̣̇рияанирод̇хам̣ баж̇аананд̇и, сукинд̣̇рияанирод̇хаг̇ааминим̣ бадибад̣̇ам̣ баж̇аананд̇и; д̣̇угкинд̣̇рияам̣ баж̇аананд̇и…бз… соманассинд̣̇рияам̣ баж̇аананд̇и… д̣̇оманассинд̣̇рияам̣ баж̇аананд̇и… убзгкинд̣̇рияам̣ баж̇аананд̇и, убзгкинд̣̇рияасамуд̣̇аяам̣ баж̇аананд̇и, убзгкинд̣̇рияанирод̇хам̣ баж̇аананд̇и, убзгкинд̣̇рияанирод̇хаг̇ааминим̣ бадибад̣̇ам̣ баж̇аананд̇и, д̇з жа ко мз, бхигкавз, саман̣аа ваа б̣раахман̣аа ваа саман̣зсу жзва саман̣асаммад̇аа б̣раахман̣зсу жа б̣раахман̣асаммад̇аа, д̇з жа банааяасманд̇о сааман̃н̃ад̇т̇ан̃жа б̣рахман̃н̃ад̇т̇ан̃жа д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихаранд̇ий’’д̇и. бан̃жамам̣.
‘‘Ye ca kho keci, bhikkhave, samaṇā vā brāhmaṇā vā sukhindriyaṃ pajānanti, sukhindriyasamudayaṃ pajānanti, sukhindriyanirodhaṃ pajānanti, sukhindriyanirodhagāminiṃ paṭipadaṃ pajānanti; dukkhindriyaṃ pajānanti…pe… somanassindriyaṃ pajānanti… domanassindriyaṃ pajānanti… upekkhindriyaṃ pajānanti, upekkhindriyasamudayaṃ pajānanti, upekkhindriyanirodhaṃ pajānanti, upekkhindriyanirodhagāminiṃ paṭipadaṃ pajānanti, te ca kho me, bhikkhave, samaṇā vā brāhmaṇā vā samaṇesu ceva samaṇasammatā brāhmaṇesu ca brāhmaṇasammatā, te ca panāyasmanto sāmaññatthañca brahmaññatthañca diṭṭheva dhamme sayaṃ abhiññā sacchikatvā upasampajja viharantī’’ti. Pañcamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1-5. суд̣̇д̇хигасуд̇д̇аад̣̇иван̣н̣анаа • 1-5. Suddhikasuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1-5. суд̣̇д̇хигасуд̇д̇аад̣̇иван̣н̣анаа • 1-5. Suddhikasuttādivaṇṇanā
