| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
6. දුතියසමණබ්‍රාහ්‌මණසුත්‌තං
6. Dutiyasamaṇabrāhmaṇasuttaṃ
1076. ‘‘යෙ හි කෙචි, භික්‌ඛවෙ, අතීතමද්‌ධානං සමණා වා බ්‍රාහ්‌මණා වා යථාභූතං අභිසම්‌බුද්‌ධං පකාසෙසුං, සබ්‌බෙ තෙ චත්‌තාරි අරියසච්‌චානි යථාභූතං අභිසම්‌බුද්‌ධං පකාසෙසුං. යෙ හි කෙචි, භික්‌ඛවෙ, අනාගතමද්‌ධානං සමණා වා බ්‍රාහ්‌මණා වා යථාභූතං අභිසම්‌බුද්‌ධං පකාසෙස්‌සන්‌ති, සබ්‌බෙ තෙ චත්‌තාරි අරියසච්‌චානි යථාභූතං අභිසම්‌බුද්‌ධං පකාසෙස්‌සන්‌ති. යෙ හි කෙචි, භික්‌ඛවෙ, එතරහි සමණා වා බ්‍රාහ්‌මණා වා යථාභූතං අභිසම්‌බුද්‌ධං පකාසෙන්‌ති, සබ්‌බෙ තෙ චත්‌තාරි අරියසච්‌චානි යථාභූතං අභිසම්‌බුද්‌ධං පකාසෙන්‌ති.
1076. ‘‘Ye hi keci, bhikkhave, atītamaddhānaṃ samaṇā vā brāhmaṇā vā yathābhūtaṃ abhisambuddhaṃ pakāsesuṃ, sabbe te cattāri ariyasaccāni yathābhūtaṃ abhisambuddhaṃ pakāsesuṃ. Ye hi keci, bhikkhave, anāgatamaddhānaṃ samaṇā vā brāhmaṇā vā yathābhūtaṃ abhisambuddhaṃ pakāsessanti, sabbe te cattāri ariyasaccāni yathābhūtaṃ abhisambuddhaṃ pakāsessanti. Ye hi keci, bhikkhave, etarahi samaṇā vā brāhmaṇā vā yathābhūtaṃ abhisambuddhaṃ pakāsenti, sabbe te cattāri ariyasaccāni yathābhūtaṃ abhisambuddhaṃ pakāsenti.
‘‘කතමානි චත්‌තාරි? දුක්‌ඛං අරියසච්‌චං…පෙ.… දුක්‌ඛනිරොධගාමිනී පටිපදා අරියසච්‌චං. යෙ හි කෙචි, භික්‌ඛවෙ, අතීතමද්‌ධානං සමණා වා බ්‍රාහ්‌මණා වා යථාභූතං අභිසම්‌බුද්‌ධං පකාසෙසුං…පෙ.… පකාසෙස්‌සන්‌ති…පෙ.… පකාසෙන්‌ති, සබ්‌බෙ තෙ ඉමානි චත්‌තාරි අරියසච්‌චානි යථාභූතං අභිසම්‌බුද්‌ධං පකාසෙන්‌ති.
‘‘Katamāni cattāri? Dukkhaṃ ariyasaccaṃ…pe… dukkhanirodhagāminī paṭipadā ariyasaccaṃ. Ye hi keci, bhikkhave, atītamaddhānaṃ samaṇā vā brāhmaṇā vā yathābhūtaṃ abhisambuddhaṃ pakāsesuṃ…pe… pakāsessanti…pe… pakāsenti, sabbe te imāni cattāri ariyasaccāni yathābhūtaṃ abhisambuddhaṃ pakāsenti.
‘‘තස්‌මාතිහ, භික්‌ඛවෙ, ‘ඉදං දුක්‌ඛ’න්‌ති යොගො කරණීයො…පෙ.… ‘අයං දුක්‌ඛනිරොධගාමිනී පටිපදා’ති යොගො කරණීයො’’ති. ඡට්‌ඨං.
‘‘Tasmātiha, bhikkhave, ‘idaṃ dukkha’nti yogo karaṇīyo…pe… ‘ayaṃ dukkhanirodhagāminī paṭipadā’ti yogo karaṇīyo’’ti. Chaṭṭhaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 6. දුතියසමණබ්‍රාහ්‌මණසුත්‌තවණ්‌ණනා • 6. Dutiyasamaṇabrāhmaṇasuttavaṇṇanā
