| Library / Tipiṭaka / তিপিটক • Tipiṭaka / সংযুত্তনিকায (অট্ঠকথা) • Saṃyuttanikāya (aṭṭhakathā) |
৭. দুতিযসমণব্রাহ্মণসুত্তৰণ্ণনা
7. Dutiyasamaṇabrāhmaṇasuttavaṇṇanā
৪৭৭. সত্তমে সদ্ধিন্দ্রিযং নপ্পজানন্তীতি দুক্খসচ্চৰসেন ন পজানন্তি। সদ্ধিন্দ্রিযসমুদযং নপ্পজানন্তীতি সমুদযসচ্চৰসেন ন পজানন্তি। এৰং নিরোধং নিরোধসচ্চৰসেন, পটিপদং মগ্গসচ্চৰসেনাতি। সেসেসুপি এসেৰ নযো।
477. Sattame saddhindriyaṃ nappajānantīti dukkhasaccavasena na pajānanti. Saddhindriyasamudayaṃ nappajānantīti samudayasaccavasena na pajānanti. Evaṃ nirodhaṃ nirodhasaccavasena, paṭipadaṃ maggasaccavasenāti. Sesesupi eseva nayo.
সুক্কপক্খে পন অধিমোক্খৰসেন আৰজ্জনসমুদযা সদ্ধিন্দ্রিযসমুদযো হোতি, পগ্গহৰসেন আৰজ্জনসমুদযা ৰীরিযিন্দ্রিযসমুদযো, উপট্ঠানৰসেন আৰজ্জনসমুদযা সতিন্দ্রিযসমুদযো, অৰিক্খেপৰসেন আৰজ্জনসমুদযা সমাধিন্দ্রিযসমুদযো, দস্সনৰসেন আৰজ্জনসমুদযা পঞ্ঞিন্দ্রিযসমুদযো হোতি। তথা ছন্দৰসেন আৰজ্জনসমুদযা সদ্ধিন্দ্রিযসমুদযো হোতি, ছন্দৰসেন আৰজ্জনসমুদযা ৰীরিযসতিসমাধিপঞ্ঞিন্দ্রিযসমুদযো হোতি। মনসিকারৰসেন আৰজ্জনসমুদযা সদ্ধিন্দ্রিযসমুদযো হোতি। মনসিকারৰসেন আৰজ্জনসমুদযা ৰীরিযসতিসমাধিপঞ্ঞিন্দ্রিযসমুদযো হোতীতি এৰম্পি অত্থো ৰেদিতব্বো। ইমেসু পটিপাটিযা ছসু সুত্তেসু চতুসচ্চমেৰ কথিতং।
Sukkapakkhe pana adhimokkhavasena āvajjanasamudayā saddhindriyasamudayo hoti, paggahavasena āvajjanasamudayā vīriyindriyasamudayo, upaṭṭhānavasena āvajjanasamudayā satindriyasamudayo, avikkhepavasena āvajjanasamudayā samādhindriyasamudayo, dassanavasena āvajjanasamudayā paññindriyasamudayo hoti. Tathā chandavasena āvajjanasamudayā saddhindriyasamudayo hoti, chandavasena āvajjanasamudayā vīriyasatisamādhipaññindriyasamudayo hoti. Manasikāravasena āvajjanasamudayā saddhindriyasamudayo hoti. Manasikāravasena āvajjanasamudayā vīriyasatisamādhipaññindriyasamudayo hotīti evampi attho veditabbo. Imesu paṭipāṭiyā chasu suttesu catusaccameva kathitaṃ.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ৭. দুতিযসমণব্রাহ্মণসুত্তং • 7. Dutiyasamaṇabrāhmaṇasuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / দুতিযসমণব্রাহ্মণসুত্তৰণ্ণনা • 7. Dutiyasamaṇabrāhmaṇasuttavaṇṇanā
