| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
д̣̇уд̇ияасаман̣аб̣раахман̣асуд̇д̇аван̣н̣анаа
7. Dutiyasamaṇabrāhmaṇasuttavaṇṇanā
477. д̣̇угкасажжавасзнаад̇и д̣̇угкасажжабхаавзна на баж̇аананд̇и. д̇ан̃хи барин̃н̃зяяад̇ааяа д̣̇угкасажжасан̇г̇ахам̣. самуд̣̇аяасажжавасзнаад̇и д̇ан̣хаавиж̇ж̇аад̣̇им̣ сад̣̇д̇хинд̣̇рияасса самуд̣̇аяасажжабхаавзна на баж̇аананд̇и. нирод̇ханд̇и сад̣̇д̇хинд̣̇рияасса анубаад̣̇ааяа нирод̇ханимид̇д̇ам̣ ниб̣б̣аанам̣. бадибад̣̇анд̇и сад̣̇д̇хинд̣̇рияанирод̇хаг̇ааминим̣ бадибад̣̇ам̣ арияамаг̇г̇ам̣. сзсзсууд̇и вийрияинд̣̇рияаад̣̇ийсу.
477.Dukkhasaccavasenāti dukkhasaccabhāvena na pajānanti. Tañhi pariññeyyatāya dukkhasaccasaṅgahaṃ. Samudayasaccavasenāti taṇhāvijjādiṃ saddhindriyassa samudayasaccabhāvena na pajānanti. Nirodhanti saddhindriyassa anupādāya nirodhanimittaṃ nibbānaṃ. Paṭipadanti saddhindriyanirodhagāminiṃ paṭipadaṃ ariyamaggaṃ. Sesesūti vīriyindriyādīsu.
суггабагкзд̇и ‘‘сад̣̇д̇хинд̣̇рияам̣ баж̇аананд̇ий’’д̇иаад̣̇инаяаббавад̇д̇з анаваж̇ж̇абагкз. ад̇химогкавасзна ааваж̇ж̇анасамуд̣̇аяаад̇и ‘‘ад̇т̇и д̣̇инна’’нд̇иаад̣̇инаяаббавад̇д̇абуб̣б̣абхааг̇абхууд̇асад̣̇д̇хаад̇химогкавасзна ааваж̇ж̇ануббад̇д̇ияаа. д̇асмаа батамуббаннаа сад̣̇д̇хаа зва хзд̇т̇а ‘‘ааваж̇ж̇ана’’нд̇и вуд̇д̇аа, на манод̣̇ваарааваж̇ж̇анам̣. зса наяо сзсзсуби. д̇асмаа батамуббаннаа ааваж̇ж̇анаа баг̇г̇ахуббад̇д̇идтаанаанам̣ д̇игкаанам̣ вийрияинд̣̇рияаад̣̇ийнам̣ батамуббад̇д̇ияаа ааваж̇ж̇анабарияааязна вуд̇д̇аад̇и д̣̇адтаб̣б̣ам̣. д̣̇уб̣б̣алаа хи батамуббаннаа баг̇г̇ахаабхаавад̇о вийрияинд̣̇рияаад̣̇ийнам̣ самуд̣̇аяод̇и б̣алавабхааваббад̇д̇авийрияинд̣̇рияаад̣̇игасса ааваж̇ж̇анадтаанияаани хонд̇ийд̇и д̇зсам̣ самуд̣̇аяод̇и вуд̇д̇аа, буб̣б̣з ад̇химужжанаад̣̇ивасзна бавад̇д̇асса ааваж̇ж̇анасса самуд̣̇аяаад̇и ад̇т̇о. буна чанд̣̇авасзнаад̇и гад̇д̇угаамад̇аагусалажчанд̣̇авасзна сад̣̇д̇хаад̣̇ийнам̣ уббаад̣̇зд̇угаамад̇аагаараббавад̇д̇асса чанд̣̇асса васзна. манасигааравасзна ааваж̇ж̇анасамуд̣̇аяаад̇и сад̣̇д̇хинд̣̇рияаад̣̇ивасзна бавад̇д̇асса д̣̇уб̣б̣аласса д̇асса ниб̣б̣ад̇д̇агаяонисоманасигааравасзна ааваж̇ж̇анасса уббад̇д̇ияаа. звамбийд̇и ‘‘ад̇химогкавасзнаа’’д̇иаад̣̇инаа вуд̇д̇аагаарзнаби. часу суд̇д̇зсууд̇и д̣̇уд̇ияад̇о бадтааяа часу суд̇д̇зсу. жад̇усажжамзва гат̇ид̇ам̣. ассаад̣̇аг̇г̇ахан̣зна хи самуд̣̇аяасажжам̣, аад̣̇ийнаваг̇г̇ахан̣зна д̣̇угкасажжам̣, ниссаран̣аг̇г̇ахан̣зна нирод̇хамаг̇г̇асажжаани г̇ахид̇аанийд̇и. батамасуд̇д̇з бана инд̣̇рияаанам̣ саруубад̣̇ассанамзваад̇и.
Sukkapakkheti ‘‘saddhindriyaṃ pajānantī’’tiādinayappavatte anavajjapakkhe. Adhimokkhavasena āvajjanasamudayāti ‘‘atthi dinna’’ntiādinayappavattapubbabhāgabhūtasaddhādhimokkhavasena āvajjanuppattiyā. Tasmā paṭhamuppannā saddhā eva hettha ‘‘āvajjana’’nti vuttā, na manodvārāvajjanaṃ. Esa nayo sesesupi. Tasmā paṭhamuppannā āvajjanā paggahuppattiṭṭhānānaṃ tikkhānaṃ vīriyindriyādīnaṃ paṭhamuppattiyā āvajjanapariyāyena vuttāti daṭṭhabbaṃ. Dubbalā hi paṭhamuppannā paggahābhāvato vīriyindriyādīnaṃ samudayoti balavabhāvappattavīriyindriyādikassa āvajjanaṭṭhāniyāni hontīti tesaṃ samudayoti vuttā, pubbe adhimuccanādivasena pavattassa āvajjanassa samudayāti attho. Puna chandavasenāti kattukāmatākusalacchandavasena saddhādīnaṃ uppādetukāmatākārappavattassa chandassa vasena. Manasikāravasena āvajjanasamudayāti saddhindriyādivasena pavattassa dubbalassa tassa nibbattakayonisomanasikāravasena āvajjanassa uppattiyā. Evampīti ‘‘adhimokkhavasenā’’tiādinā vuttākārenapi. Chasu suttesūti dutiyato paṭṭhāya chasu suttesu. Catusaccameva kathitaṃ. Assādaggahaṇena hi samudayasaccaṃ, ādīnavaggahaṇena dukkhasaccaṃ, nissaraṇaggahaṇena nirodhamaggasaccāni gahitānīti. Paṭhamasutte pana indriyānaṃ sarūpadassanamevāti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 7. д̣̇уд̇ияасаман̣аб̣раахман̣асуд̇д̇ам̣ • 7. Dutiyasamaṇabrāhmaṇasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 7. д̣̇уд̇ияасаман̣аб̣раахман̣асуд̇д̇аван̣н̣анаа • 7. Dutiyasamaṇabrāhmaṇasuttavaṇṇanā
