| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) |
೭. ದುತಿಯಸಮಣಬ್ರಾಹ್ಮಣಸುತ್ತವಣ್ಣನಾ
7. Dutiyasamaṇabrāhmaṇasuttavaṇṇanā
೪೭೭. ಸತ್ತಮೇ ಸದ್ಧಿನ್ದ್ರಿಯಂ ನಪ್ಪಜಾನನ್ತೀತಿ ದುಕ್ಖಸಚ್ಚವಸೇನ ನ ಪಜಾನನ್ತಿ। ಸದ್ಧಿನ್ದ್ರಿಯಸಮುದಯಂ ನಪ್ಪಜಾನನ್ತೀತಿ ಸಮುದಯಸಚ್ಚವಸೇನ ನ ಪಜಾನನ್ತಿ। ಏವಂ ನಿರೋಧಂ ನಿರೋಧಸಚ್ಚವಸೇನ, ಪಟಿಪದಂ ಮಗ್ಗಸಚ್ಚವಸೇನಾತಿ। ಸೇಸೇಸುಪಿ ಏಸೇವ ನಯೋ।
477. Sattame saddhindriyaṃ nappajānantīti dukkhasaccavasena na pajānanti. Saddhindriyasamudayaṃ nappajānantīti samudayasaccavasena na pajānanti. Evaṃ nirodhaṃ nirodhasaccavasena, paṭipadaṃ maggasaccavasenāti. Sesesupi eseva nayo.
ಸುಕ್ಕಪಕ್ಖೇ ಪನ ಅಧಿಮೋಕ್ಖವಸೇನ ಆವಜ್ಜನಸಮುದಯಾ ಸದ್ಧಿನ್ದ್ರಿಯಸಮುದಯೋ ಹೋತಿ, ಪಗ್ಗಹವಸೇನ ಆವಜ್ಜನಸಮುದಯಾ ವೀರಿಯಿನ್ದ್ರಿಯಸಮುದಯೋ, ಉಪಟ್ಠಾನವಸೇನ ಆವಜ್ಜನಸಮುದಯಾ ಸತಿನ್ದ್ರಿಯಸಮುದಯೋ, ಅವಿಕ್ಖೇಪವಸೇನ ಆವಜ್ಜನಸಮುದಯಾ ಸಮಾಧಿನ್ದ್ರಿಯಸಮುದಯೋ, ದಸ್ಸನವಸೇನ ಆವಜ್ಜನಸಮುದಯಾ ಪಞ್ಞಿನ್ದ್ರಿಯಸಮುದಯೋ ಹೋತಿ। ತಥಾ ಛನ್ದವಸೇನ ಆವಜ್ಜನಸಮುದಯಾ ಸದ್ಧಿನ್ದ್ರಿಯಸಮುದಯೋ ಹೋತಿ, ಛನ್ದವಸೇನ ಆವಜ್ಜನಸಮುದಯಾ ವೀರಿಯಸತಿಸಮಾಧಿಪಞ್ಞಿನ್ದ್ರಿಯಸಮುದಯೋ ಹೋತಿ। ಮನಸಿಕಾರವಸೇನ ಆವಜ್ಜನಸಮುದಯಾ ಸದ್ಧಿನ್ದ್ರಿಯಸಮುದಯೋ ಹೋತಿ। ಮನಸಿಕಾರವಸೇನ ಆವಜ್ಜನಸಮುದಯಾ ವೀರಿಯಸತಿಸಮಾಧಿಪಞ್ಞಿನ್ದ್ರಿಯಸಮುದಯೋ ಹೋತೀತಿ ಏವಮ್ಪಿ ಅತ್ಥೋ ವೇದಿತಬ್ಬೋ। ಇಮೇಸು ಪಟಿಪಾಟಿಯಾ ಛಸು ಸುತ್ತೇಸು ಚತುಸಚ್ಚಮೇವ ಕಥಿತಂ।
Sukkapakkhe pana adhimokkhavasena āvajjanasamudayā saddhindriyasamudayo hoti, paggahavasena āvajjanasamudayā vīriyindriyasamudayo, upaṭṭhānavasena āvajjanasamudayā satindriyasamudayo, avikkhepavasena āvajjanasamudayā samādhindriyasamudayo, dassanavasena āvajjanasamudayā paññindriyasamudayo hoti. Tathā chandavasena āvajjanasamudayā saddhindriyasamudayo hoti, chandavasena āvajjanasamudayā vīriyasatisamādhipaññindriyasamudayo hoti. Manasikāravasena āvajjanasamudayā saddhindriyasamudayo hoti. Manasikāravasena āvajjanasamudayā vīriyasatisamādhipaññindriyasamudayo hotīti evampi attho veditabbo. Imesu paṭipāṭiyā chasu suttesu catusaccameva kathitaṃ.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಸಂಯುತ್ತನಿಕಾಯ • Saṃyuttanikāya / ೭. ದುತಿಯಸಮಣಬ್ರಾಹ್ಮಣಸುತ್ತಂ • 7. Dutiyasamaṇabrāhmaṇasuttaṃ
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) / ದುತಿಯಸಮಣಬ್ರಾಹ್ಮಣಸುತ್ತವಣ್ಣನಾ • 7. Dutiyasamaṇabrāhmaṇasuttavaṇṇanā
