| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
ਦੁਤਿਯਸਮਣਬ੍ਰਾਹ੍ਮਣਸੁਤ੍ਤવਣ੍ਣਨਾ
7. Dutiyasamaṇabrāhmaṇasuttavaṇṇanā
੪੭੭. ਦੁਕ੍ਖਸਚ੍ਚવਸੇਨਾਤਿ ਦੁਕ੍ਖਸਚ੍ਚਭਾવੇਨ ਨ ਪਜਾਨਨ੍ਤਿ। ਤਞ੍ਹਿ ਪਰਿਞ੍ਞੇਯ੍ਯਤਾਯ ਦੁਕ੍ਖਸਚ੍ਚਸਙ੍ਗਹਂ। ਸਮੁਦਯਸਚ੍ਚવਸੇਨਾਤਿ ਤਣ੍ਹਾવਿਜ੍ਜਾਦਿਂ ਸਦ੍ਧਿਨ੍ਦ੍ਰਿਯਸ੍ਸ ਸਮੁਦਯਸਚ੍ਚਭਾવੇਨ ਨ ਪਜਾਨਨ੍ਤਿ। ਨਿਰੋਧਨ੍ਤਿ ਸਦ੍ਧਿਨ੍ਦ੍ਰਿਯਸ੍ਸ ਅਨੁਪਾਦਾਯ ਨਿਰੋਧਨਿਮਿਤ੍ਤਂ ਨਿਬ੍ਬਾਨਂ। ਪਟਿਪਦਨ੍ਤਿ ਸਦ੍ਧਿਨ੍ਦ੍ਰਿਯਨਿਰੋਧਗਾਮਿਨਿਂ ਪਟਿਪਦਂ ਅਰਿਯਮਗ੍ਗਂ। ਸੇਸੇਸੂਤਿ વੀਰਿਯਿਨ੍ਦ੍ਰਿਯਾਦੀਸੁ।
477.Dukkhasaccavasenāti dukkhasaccabhāvena na pajānanti. Tañhi pariññeyyatāya dukkhasaccasaṅgahaṃ. Samudayasaccavasenāti taṇhāvijjādiṃ saddhindriyassa samudayasaccabhāvena na pajānanti. Nirodhanti saddhindriyassa anupādāya nirodhanimittaṃ nibbānaṃ. Paṭipadanti saddhindriyanirodhagāminiṃ paṭipadaṃ ariyamaggaṃ. Sesesūti vīriyindriyādīsu.
ਸੁਕ੍ਕਪਕ੍ਖੇਤਿ ‘‘ਸਦ੍ਧਿਨ੍ਦ੍ਰਿਯਂ ਪਜਾਨਨ੍ਤੀ’’ਤਿਆਦਿਨਯਪ੍ਪવਤ੍ਤੇ ਅਨવਜ੍ਜਪਕ੍ਖੇ। ਅਧਿਮੋਕ੍ਖવਸੇਨ ਆવਜ੍ਜਨਸਮੁਦਯਾਤਿ ‘‘ਅਤ੍ਥਿ ਦਿਨ੍ਨ’’ਨ੍ਤਿਆਦਿਨਯਪ੍ਪવਤ੍ਤਪੁਬ੍ਬਭਾਗਭੂਤਸਦ੍ਧਾਧਿਮੋਕ੍ਖવਸੇਨ ਆવਜ੍ਜਨੁਪ੍ਪਤ੍ਤਿਯਾ। ਤਸ੍ਮਾ ਪਠਮੁਪ੍ਪਨ੍ਨਾ ਸਦ੍ਧਾ ਏવ ਹੇਤ੍ਥ ‘‘ਆવਜ੍ਜਨ’’ਨ੍ਤਿ વੁਤ੍ਤਾ, ਨ ਮਨੋਦ੍વਾਰਾવਜ੍ਜਨਂ। ਏਸ ਨਯੋ ਸੇਸੇਸੁਪਿ। ਤਸ੍ਮਾ ਪਠਮੁਪ੍ਪਨ੍ਨਾ ਆવਜ੍ਜਨਾ ਪਗ੍ਗਹੁਪ੍ਪਤ੍ਤਿਟ੍ਠਾਨਾਨਂ ਤਿਕ੍ਖਾਨਂ વੀਰਿਯਿਨ੍ਦ੍ਰਿਯਾਦੀਨਂ ਪਠਮੁਪ੍ਪਤ੍ਤਿਯਾ ਆવਜ੍ਜਨਪਰਿਯਾਯੇਨ વੁਤ੍ਤਾਤਿ ਦਟ੍ਠਬ੍ਬਂ। ਦੁਬ੍ਬਲਾ ਹਿ ਪਠਮੁਪ੍ਪਨ੍ਨਾ ਪਗ੍ਗਹਾਭਾવਤੋ વੀਰਿਯਿਨ੍ਦ੍ਰਿਯਾਦੀਨਂ ਸਮੁਦਯੋਤਿ ਬਲવਭਾવਪ੍ਪਤ੍ਤવੀਰਿਯਿਨ੍ਦ੍ਰਿਯਾਦਿਕਸ੍ਸ ਆવਜ੍ਜਨਟ੍ਠਾਨਿਯਾਨਿ ਹੋਨ੍ਤੀਤਿ ਤੇਸਂ ਸਮੁਦਯੋਤਿ વੁਤ੍ਤਾ, ਪੁਬ੍ਬੇ ਅਧਿਮੁਚ੍ਚਨਾਦਿવਸੇਨ ਪવਤ੍ਤਸ੍ਸ ਆવਜ੍ਜਨਸ੍ਸ ਸਮੁਦਯਾਤਿ ਅਤ੍ਥੋ। ਪੁਨ ਛਨ੍ਦવਸੇਨਾਤਿ ਕਤ੍ਤੁਕਾਮਤਾਕੁਸਲਚ੍ਛਨ੍ਦવਸੇਨ ਸਦ੍ਧਾਦੀਨਂ ਉਪ੍ਪਾਦੇਤੁਕਾਮਤਾਕਾਰਪ੍ਪવਤ੍ਤਸ੍ਸ ਛਨ੍ਦਸ੍ਸ વਸੇਨ। ਮਨਸਿਕਾਰવਸੇਨ ਆવਜ੍ਜਨਸਮੁਦਯਾਤਿ ਸਦ੍ਧਿਨ੍ਦ੍ਰਿਯਾਦਿવਸੇਨ ਪવਤ੍ਤਸ੍ਸ ਦੁਬ੍ਬਲਸ੍ਸ ਤਸ੍ਸ ਨਿਬ੍ਬਤ੍ਤਕਯੋਨਿਸੋਮਨਸਿਕਾਰવਸੇਨ ਆવਜ੍ਜਨਸ੍ਸ ਉਪ੍ਪਤ੍ਤਿਯਾ। ਏવਮ੍ਪੀਤਿ ‘‘ਅਧਿਮੋਕ੍ਖવਸੇਨਾ’’ਤਿਆਦਿਨਾ વੁਤ੍ਤਾਕਾਰੇਨਪਿ। ਛਸੁ ਸੁਤ੍ਤੇਸੂਤਿ ਦੁਤਿਯਤੋ ਪਟ੍ਠਾਯ ਛਸੁ ਸੁਤ੍ਤੇਸੁ। ਚਤੁਸਚ੍ਚਮੇવ ਕਥਿਤਂ। ਅਸ੍ਸਾਦਗ੍ਗਹਣੇਨ ਹਿ ਸਮੁਦਯਸਚ੍ਚਂ, ਆਦੀਨવਗ੍ਗਹਣੇਨ ਦੁਕ੍ਖਸਚ੍ਚਂ, ਨਿਸ੍ਸਰਣਗ੍ਗਹਣੇਨ ਨਿਰੋਧਮਗ੍ਗਸਚ੍ਚਾਨਿ ਗਹਿਤਾਨੀਤਿ। ਪਠਮਸੁਤ੍ਤੇ ਪਨ ਇਨ੍ਦ੍ਰਿਯਾਨਂ ਸਰੂਪਦਸ੍ਸਨਮੇવਾਤਿ।
Sukkapakkheti ‘‘saddhindriyaṃ pajānantī’’tiādinayappavatte anavajjapakkhe. Adhimokkhavasena āvajjanasamudayāti ‘‘atthi dinna’’ntiādinayappavattapubbabhāgabhūtasaddhādhimokkhavasena āvajjanuppattiyā. Tasmā paṭhamuppannā saddhā eva hettha ‘‘āvajjana’’nti vuttā, na manodvārāvajjanaṃ. Esa nayo sesesupi. Tasmā paṭhamuppannā āvajjanā paggahuppattiṭṭhānānaṃ tikkhānaṃ vīriyindriyādīnaṃ paṭhamuppattiyā āvajjanapariyāyena vuttāti daṭṭhabbaṃ. Dubbalā hi paṭhamuppannā paggahābhāvato vīriyindriyādīnaṃ samudayoti balavabhāvappattavīriyindriyādikassa āvajjanaṭṭhāniyāni hontīti tesaṃ samudayoti vuttā, pubbe adhimuccanādivasena pavattassa āvajjanassa samudayāti attho. Puna chandavasenāti kattukāmatākusalacchandavasena saddhādīnaṃ uppādetukāmatākārappavattassa chandassa vasena. Manasikāravasena āvajjanasamudayāti saddhindriyādivasena pavattassa dubbalassa tassa nibbattakayonisomanasikāravasena āvajjanassa uppattiyā. Evampīti ‘‘adhimokkhavasenā’’tiādinā vuttākārenapi. Chasu suttesūti dutiyato paṭṭhāya chasu suttesu. Catusaccameva kathitaṃ. Assādaggahaṇena hi samudayasaccaṃ, ādīnavaggahaṇena dukkhasaccaṃ, nissaraṇaggahaṇena nirodhamaggasaccāni gahitānīti. Paṭhamasutte pana indriyānaṃ sarūpadassanamevāti.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੭. ਦੁਤਿਯਸਮਣਬ੍ਰਾਹ੍ਮਣਸੁਤ੍ਤਂ • 7. Dutiyasamaṇabrāhmaṇasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੭. ਦੁਤਿਯਸਮਣਬ੍ਰਾਹ੍ਮਣਸੁਤ੍ਤવਣ੍ਣਨਾ • 7. Dutiyasamaṇabrāhmaṇasuttavaṇṇanā
