| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
6. දුතියසාමඤ්‌ඤසුත්‌තං
6. Dutiyasāmaññasuttaṃ
36. සාවත්‌ථිනිදානං . ‘‘සාමඤ්‌ඤඤ්‌ච වො, භික්‌ඛවෙ, දෙසෙස්‌සාමි, සාමඤ්‌ඤත්‌ථඤ්‌ච. තං සුණාථ. කතමඤ්‌ච ඛො, භික්‌ඛවෙ, සාමඤ්‌ඤං? අයමෙව අරියො අට්‌ඨඞ්‌ගිකො මග්‌ගො, සෙය්‍යථිදං – සම්‌මාදිට්‌ඨි…පෙ.… සම්‌මාසමාධි. ඉදං වුච්‌චති, භික්‌ඛවෙ, සාමඤ්‌ඤං. කතමො ච, භික්‌ඛවෙ, සාමඤ්‌ඤත්‌ථො? යො ඛො, භික්‌ඛවෙ, රාගක්‌ඛයො දොසක්‌ඛයො මොහක්‌ඛයො – අයං වුච්‌චති, භික්‌ඛවෙ, සාමඤ්‌ඤත්‌ථො’’ති. ඡට්‌ඨං.
36. Sāvatthinidānaṃ . ‘‘Sāmaññañca vo, bhikkhave, desessāmi, sāmaññatthañca. Taṃ suṇātha. Katamañca kho, bhikkhave, sāmaññaṃ? Ayameva ariyo aṭṭhaṅgiko maggo, seyyathidaṃ – sammādiṭṭhi…pe… sammāsamādhi. Idaṃ vuccati, bhikkhave, sāmaññaṃ. Katamo ca, bhikkhave, sāmaññattho? Yo kho, bhikkhave, rāgakkhayo dosakkhayo mohakkhayo – ayaṃ vuccati, bhikkhave, sāmaññattho’’ti. Chaṭṭhaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 4. පටිපත්‌තිවග්‌ගවණ්‌ණනා • 4. Paṭipattivaggavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 4. පටිපත්‌තිවග්‌ගවණ්‌ණනා • 4. Paṭipattivaggavaṇṇanā
