| Library / Tipiṭaka / ติปิฎก • Tipiṭaka / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) |
๘. ทุติยสมยสุตฺตวณฺณนา
8. Dutiyasamayasuttavaṇṇanā
๒๘. อฎฺฐเม มณฺฑลมาเฬติ โภชนสาลายฯ จาริตฺตกิลมโถติ ปิณฺฑปาตจริยาย อุปฺปนฺนกิลมโถฯ ภตฺตกิลมโถติ ภตฺตทรโถฯ วิหารปจฺฉายายนฺติ วิหารปจฺจเนฺต ฉายายฯ ยเทวสฺส ทิวา สมาธินิมิตฺตํ มนสิกตํ โหตีติ ยํ เอว ตสฺส ตโต ปุริมทิวสภาเค สมถนิมิตฺตํ จิเตฺต กตํ โหติฯ ตเทวสฺส ตสฺมิํ สมเย สมุทาจรตีติ ตํเยว เอตสฺส ตสฺมิํ สมเย ทิวาวิหาเร นิสินฺนสฺส มโนทฺวาเร สญฺจรติฯ โอชฎฺฐายีติ โอชาย ฐิโต ปติฎฺฐิโตฯ ผาสุกสฺส โหตีติ ผาสุกํ อสฺส โหติฯ สมฺมุขาติ กเถนฺตสฺส สมฺมุขฎฺฐาเนฯ สุตนฺติ โสเตน สุตํฯ ปฎิคฺคหิตนฺติ จิเตฺตน ปฎิคฺคหิตํฯ
28. Aṭṭhame maṇḍalamāḷeti bhojanasālāya. Cārittakilamathoti piṇḍapātacariyāya uppannakilamatho. Bhattakilamathoti bhattadaratho. Vihārapacchāyāyanti vihārapaccante chāyāya. Yadevassadivā samādhinimittaṃ manasikataṃ hotīti yaṃ eva tassa tato purimadivasabhāge samathanimittaṃ citte kataṃ hoti. Tadevassa tasmiṃ samaye samudācaratīti taṃyeva etassa tasmiṃ samaye divāvihāre nisinnassa manodvāre sañcarati. Ojaṭṭhāyīti ojāya ṭhito patiṭṭhito. Phāsukassahotīti phāsukaṃ assa hoti. Sammukhāti kathentassa sammukhaṭṭhāne. Sutanti sotena sutaṃ. Paṭiggahitanti cittena paṭiggahitaṃ.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya / ๘. ทุติยสมยสุตฺตํ • 8. Dutiyasamayasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๘. ทุติยสมยสุตฺตวณฺณนา • 8. Dutiyasamayasuttavaṇṇanā
