| Library / Tipiṭaka / តិបិដក • Tipiṭaka / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) |
៨. ទុតិយសមយសុត្តវណ្ណនា
8. Dutiyasamayasuttavaṇṇanā
២៨. អដ្ឋមេ មណ្ឌលមាឡេតិ ភោជនសាលាយ។ ចារិត្តកិលមថោតិ បិណ្ឌបាតចរិយាយ ឧប្បន្នកិលមថោ។ ភត្តកិលមថោតិ ភត្តទរថោ។ វិហារបច្ឆាយាយន្តិ វិហារបច្ចន្តេ ឆាយាយ។ យទេវស្ស ទិវា សមាធិនិមិត្តំ មនសិកតំ ហោតីតិ យំ ឯវ តស្ស តតោ បុរិមទិវសភាគេ សមថនិមិត្តំ ចិត្តេ កតំ ហោតិ។ តទេវស្ស តស្មិំ សមយេ សមុទាចរតីតិ តំយេវ ឯតស្ស តស្មិំ សមយេ ទិវាវិហារេ និសិន្នស្ស មនោទ្វារេ សញ្ចរតិ។ ឱជដ្ឋាយីតិ ឱជាយ ឋិតោ បតិដ្ឋិតោ។ ផាសុកស្ស ហោតីតិ ផាសុកំ អស្ស ហោតិ។ សម្មុខាតិ កថេន្តស្ស សម្មុខដ្ឋានេ។ សុតន្តិ សោតេន សុតំ។ បដិគ្គហិតន្តិ ចិត្តេន បដិគ្គហិតំ។
28. Aṭṭhame maṇḍalamāḷeti bhojanasālāya. Cārittakilamathoti piṇḍapātacariyāya uppannakilamatho. Bhattakilamathoti bhattadaratho. Vihārapacchāyāyanti vihārapaccante chāyāya. Yadevassadivā samādhinimittaṃ manasikataṃ hotīti yaṃ eva tassa tato purimadivasabhāge samathanimittaṃ citte kataṃ hoti. Tadevassa tasmiṃ samaye samudācaratīti taṃyeva etassa tasmiṃ samaye divāvihāre nisinnassa manodvāre sañcarati. Ojaṭṭhāyīti ojāya ṭhito patiṭṭhito. Phāsukassahotīti phāsukaṃ assa hoti. Sammukhāti kathentassa sammukhaṭṭhāne. Sutanti sotena sutaṃ. Paṭiggahitanti cittena paṭiggahitaṃ.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / អង្គុត្តរនិកាយ • Aṅguttaranikāya / ៨. ទុតិយសមយសុត្តំ • 8. Dutiyasamayasuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / អង្គុត្តរនិកាយ (ដីកា) • Aṅguttaranikāya (ṭīkā) / ៨. ទុតិយសមយសុត្តវណ្ណនា • 8. Dutiyasamayasuttavaṇṇanā
