| Library / Tipiṭaka / တိပိဋက • Tipiṭaka / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) |
၈. ဒုတိယသမယသုတ္တဝဏ္ဏနာ
8. Dutiyasamayasuttavaṇṇanā
၂၈. အဋ္ဌမေ မဏ္ဍလမာဠေတိ ဘောဇနသာလာယ။ စာရိတ္တကိလမထောတိ ပိဏ္ဍပာတစရိယာယ ဥပ္ပန္နကိလမထော။ ဘတ္တကိလမထောတိ ဘတ္တဒရထော။ ဝိဟာရပစ္ဆာယာယန္တိ ဝိဟာရပစ္စန္တေ ဆာယာယ။ ယဒေဝသ္သ ဒိဝာ သမာဓိနိမိတ္တံ မနသိကတံ ဟောတီတိ ယံ ဧဝ တသ္သ တတော ပုရိမဒိဝသဘာဂေ သမထနိမိတ္တံ စိတ္တေ ကတံ ဟောတိ။ တဒေဝသ္သ တသ္မိံ သမယေ သမုဒာစရတီတိ တံယေဝ ဧတသ္သ တသ္မိံ သမယေ ဒိဝာဝိဟာရေ နိသိန္နသ္သ မနောဒ္ဝာရေ သဉ္စရတိ။ ဩဇဋ္ဌာယီတိ ဩဇာယ ဌိတော ပတိဋ္ဌိတော။ ဖာသုကသ္သ ဟောတီတိ ဖာသုကံ အသ္သ ဟောတိ။ သမ္မုခာတိ ကထေန္တသ္သ သမ္မုခဋ္ဌာနေ။ သုတန္တိ သောတေန သုတံ။ ပဋိဂ္ဂဟိတန္တိ စိတ္တေန ပဋိဂ္ဂဟိတံ။
28. Aṭṭhame maṇḍalamāḷeti bhojanasālāya. Cārittakilamathoti piṇḍapātacariyāya uppannakilamatho. Bhattakilamathoti bhattadaratho. Vihārapacchāyāyanti vihārapaccante chāyāya. Yadevassadivā samādhinimittaṃ manasikataṃ hotīti yaṃ eva tassa tato purimadivasabhāge samathanimittaṃ citte kataṃ hoti. Tadevassa tasmiṃ samaye samudācaratīti taṃyeva etassa tasmiṃ samaye divāvihāre nisinnassa manodvāre sañcarati. Ojaṭṭhāyīti ojāya ṭhito patiṭṭhito. Phāsukassahotīti phāsukaṃ assa hoti. Sammukhāti kathentassa sammukhaṭṭhāne. Sutanti sotena sutaṃ. Paṭiggahitanti cittena paṭiggahitaṃ.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၈. ဒုတိယသမယသုတ္တံ • 8. Dutiyasamayasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၈. ဒုတိယသမယသုတ္တဝဏ္ဏနာ • 8. Dutiyasamayasuttavaṇṇanā
