| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) |
8. දුතියසමයසුත්‌තවණ්‌ණනා
8. Dutiyasamayasuttavaṇṇanā
28. අට්‌ඨමෙ මණ්‌ඩලමාළෙති භොජනසාලාය. චාරිත්‌තකිලමථොති පිණ්‌ඩපාතචරියාය උප්‌පන්‌නකිලමථො. භත්‌තකිලමථොති භත්‌තදරථො. විහාරපච්‌ඡායායන්‌ති විහාරපච්‌චන්‌තෙ ඡායාය. යදෙවස්‌ස දිවා සමාධිනිමිත්‌තං මනසිකතං හොතීති යං එව තස්‌ස තතො පුරිමදිවසභාගෙ සමථනිමිත්‌තං චිත්‌තෙ කතං හොති. තදෙවස්‌ස තස්‌මිං සමයෙ සමුදාචරතීති තංයෙව එතස්‌ස තස්‌මිං සමයෙ දිවාවිහාරෙ නිසින්‌නස්‌ස මනොද්‌වාරෙ සඤ්‌චරති. ඔජට්‌ඨායීති ඔජාය ඨිතො පතිට්‌ඨිතො. ඵාසුකස්‌ස හොතීති ඵාසුකං අස්‌ස හොති. සම්‌මුඛාති කථෙන්‌තස්‌ස සම්‌මුඛට්‌ඨානෙ. සුතන්‌ති සොතෙන සුතං. පටිග්‌ගහිතන්‌ති චිත්‌තෙන පටිග්‌ගහිතං.
28. Aṭṭhame maṇḍalamāḷeti bhojanasālāya. Cārittakilamathoti piṇḍapātacariyāya uppannakilamatho. Bhattakilamathoti bhattadaratho. Vihārapacchāyāyanti vihārapaccante chāyāya. Yadevassadivā samādhinimittaṃ manasikataṃ hotīti yaṃ eva tassa tato purimadivasabhāge samathanimittaṃ citte kataṃ hoti. Tadevassa tasmiṃ samaye samudācaratīti taṃyeva etassa tasmiṃ samaye divāvihāre nisinnassa manodvāre sañcarati. Ojaṭṭhāyīti ojāya ṭhito patiṭṭhito. Phāsukassahotīti phāsukaṃ assa hoti. Sammukhāti kathentassa sammukhaṭṭhāne. Sutanti sotena sutaṃ. Paṭiggahitanti cittena paṭiggahitaṃ.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya / 8. දුතියසමයසුත්‌තං • 8. Dutiyasamayasuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 8. දුතියසමයසුත්‌තවණ්‌ණනා • 8. Dutiyasamayasuttavaṇṇanā
