| Library / Tipiṭaka / തിപിടക • Tipiṭaka / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) |
൮. ദുതിയസമയസുത്തവണ്ണനാ
8. Dutiyasamayasuttavaṇṇanā
൨൮. അട്ഠമേ മണ്ഡലമാളേതി ഭോജനസാലായ. ചാരിത്തകിലമഥോതി പിണ്ഡപാതചരിയായ ഉപ്പന്നകിലമഥോ. ഭത്തകിലമഥോതി ഭത്തദരഥോ. വിഹാരപച്ഛായായന്തി വിഹാരപച്ചന്തേ ഛായായ. യദേവസ്സ ദിവാ സമാധിനിമിത്തം മനസികതം ഹോതീതി യം ഏവ തസ്സ തതോ പുരിമദിവസഭാഗേ സമഥനിമിത്തം ചിത്തേ കതം ഹോതി. തദേവസ്സ തസ്മിം സമയേ സമുദാചരതീതി തംയേവ ഏതസ്സ തസ്മിം സമയേ ദിവാവിഹാരേ നിസിന്നസ്സ മനോദ്വാരേ സഞ്ചരതി. ഓജട്ഠായീതി ഓജായ ഠിതോ പതിട്ഠിതോ. ഫാസുകസ്സ ഹോതീതി ഫാസുകം അസ്സ ഹോതി. സമ്മുഖാതി കഥേന്തസ്സ സമ്മുഖട്ഠാനേ. സുതന്തി സോതേന സുതം. പടിഗ്ഗഹിതന്തി ചിത്തേന പടിഗ്ഗഹിതം.
28. Aṭṭhame maṇḍalamāḷeti bhojanasālāya. Cārittakilamathoti piṇḍapātacariyāya uppannakilamatho. Bhattakilamathoti bhattadaratho. Vihārapacchāyāyanti vihārapaccante chāyāya. Yadevassadivā samādhinimittaṃ manasikataṃ hotīti yaṃ eva tassa tato purimadivasabhāge samathanimittaṃ citte kataṃ hoti. Tadevassa tasmiṃ samaye samudācaratīti taṃyeva etassa tasmiṃ samaye divāvihāre nisinnassa manodvāre sañcarati. Ojaṭṭhāyīti ojāya ṭhito patiṭṭhito. Phāsukassahotīti phāsukaṃ assa hoti. Sammukhāti kathentassa sammukhaṭṭhāne. Sutanti sotena sutaṃ. Paṭiggahitanti cittena paṭiggahitaṃ.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / അങ്ഗുത്തരനികായ • Aṅguttaranikāya / ൮. ദുതിയസമയസുത്തം • 8. Dutiyasamayasuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / അങ്ഗുത്തരനികായ (ടീകാ) • Aṅguttaranikāya (ṭīkā) / ൮. ദുതിയസമയസുത്തവണ്ണനാ • 8. Dutiyasamayasuttavaṇṇanā
