| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
৪. দুতিযসম্ভেজ্জউদকসুত্তং
4. Dutiyasambhejjaudakasuttaṃ
৭৭. সাৰত্থিযং ৰিহরতি…পে॰… ‘‘সেয্যথাপি, ভিক্খৰে, যত্থিমা মহানদিযো সংসন্দন্তি সমেন্তি, সেয্যথিদং – গঙ্গা যমুনা অচিরৰতী সরভূ মহী, তং উদকং পরিক্খযং পরিযাদানং গচ্ছেয্য ঠপেত্ৰা দ্ৰে ৰা তীণি ৰা উদকফুসিতানি। তং কিং মঞ্ঞথ, ভিক্খৰে, কতমং নু খো বহুতরং, যং ৰা সম্ভেজ্জউদকং পরিক্খীণং পরিযাদিণ্ণং যানি ৰা দ্ৰে ৰা তীণি ৰা উদকফুসিতানি অৰসিট্ঠানী’’তি?
77. Sāvatthiyaṃ viharati…pe… ‘‘seyyathāpi, bhikkhave, yatthimā mahānadiyo saṃsandanti samenti, seyyathidaṃ – gaṅgā yamunā aciravatī sarabhū mahī, taṃ udakaṃ parikkhayaṃ pariyādānaṃ gaccheyya ṭhapetvā dve vā tīṇi vā udakaphusitāni. Taṃ kiṃ maññatha, bhikkhave, katamaṃ nu kho bahutaraṃ, yaṃ vā sambhejjaudakaṃ parikkhīṇaṃ pariyādiṇṇaṃ yāni vā dve vā tīṇi vā udakaphusitāni avasiṭṭhānī’’ti?
‘‘এতদেৰ, ভন্তে, বহুতরং সম্ভেজ্জউদকং যদিদং পরিক্খীণং পরিযাদিণ্ণং; অপ্পমত্তকানি দ্ৰে ৰা তীণি ৰা উদকফুসিতানি অৰসিট্ঠানি। নেৰ সতিমং কলং উপেন্তি ন সহস্সিমং কলং উপেন্তি ন সতসহস্সিমং কলং উপেন্তি সম্ভেজ্জউদকং পরিক্খীণং পরিযাদিণ্ণং উপনিধায দ্ৰে ৰা তীণি ৰা উদকফুসিতানি অৰসিট্ঠানী’’তি। ‘‘এৰমেৰ খো, ভিক্খৰে…পে॰… ধম্মচক্খুপটিলাভো’’তি। চতুত্থং।
‘‘Etadeva, bhante, bahutaraṃ sambhejjaudakaṃ yadidaṃ parikkhīṇaṃ pariyādiṇṇaṃ; appamattakāni dve vā tīṇi vā udakaphusitāni avasiṭṭhāni. Neva satimaṃ kalaṃ upenti na sahassimaṃ kalaṃ upenti na satasahassimaṃ kalaṃ upenti sambhejjaudakaṃ parikkhīṇaṃ pariyādiṇṇaṃ upanidhāya dve vā tīṇi vā udakaphusitāni avasiṭṭhānī’’ti. ‘‘Evameva kho, bhikkhave…pe… dhammacakkhupaṭilābho’’ti. Catutthaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৩. সংভেজ্জউদকসুত্তাদিৰণ্ণনা • 3. Saṃbhejjaudakasuttādivaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৩. সংভেজ্জউদকসুত্তাদিৰণ্ণনা • 3. Saṃbhejjaudakasuttādivaṇṇanā
