| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
4. දුතියසම්‌භෙජ්‌ජඋදකසුත්‌තං
4. Dutiyasambhejjaudakasuttaṃ
77. සාවත්‌ථියං විහරති…පෙ.… ‘‘සෙය්‍යථාපි, භික්‌ඛවෙ, යත්‌ථිමා මහානදියො සංසන්‌දන්‌ති සමෙන්‌ති, සෙය්‍යථිදං – ගඞ්‌ගා යමුනා අචිරවතී සරභූ මහී, තං උදකං පරික්‌ඛයං පරියාදානං ගච්‌ඡෙය්‍ය ඨපෙත්‌වා ද්‌වෙ වා තීණි වා උදකඵුසිතානි. තං කිං මඤ්‌ඤථ, භික්‌ඛවෙ, කතමං නු ඛො බහුතරං, යං වා සම්‌භෙජ්‌ජඋදකං පරික්‌ඛීණං පරියාදිණ්‌ණං යානි වා ද්‌වෙ වා තීණි වා උදකඵුසිතානි අවසිට්‌ඨානී’’ති?
77. Sāvatthiyaṃ viharati…pe… ‘‘seyyathāpi, bhikkhave, yatthimā mahānadiyo saṃsandanti samenti, seyyathidaṃ – gaṅgā yamunā aciravatī sarabhū mahī, taṃ udakaṃ parikkhayaṃ pariyādānaṃ gaccheyya ṭhapetvā dve vā tīṇi vā udakaphusitāni. Taṃ kiṃ maññatha, bhikkhave, katamaṃ nu kho bahutaraṃ, yaṃ vā sambhejjaudakaṃ parikkhīṇaṃ pariyādiṇṇaṃ yāni vā dve vā tīṇi vā udakaphusitāni avasiṭṭhānī’’ti?
‘‘එතදෙව, භන්‌තෙ, බහුතරං සම්‌භෙජ්‌ජඋදකං යදිදං පරික්‌ඛීණං පරියාදිණ්‌ණං; අප්‌පමත්‌තකානි ද්‌වෙ වා තීණි වා උදකඵුසිතානි අවසිට්‌ඨානි. නෙව සතිමං කලං උපෙන්‌ති න සහස්‌සිමං කලං උපෙන්‌ති න සතසහස්‌සිමං කලං උපෙන්‌ති සම්‌භෙජ්‌ජඋදකං පරික්‌ඛීණං පරියාදිණ්‌ණං උපනිධාය ද්‌වෙ වා තීණි වා උදකඵුසිතානි අවසිට්‌ඨානී’’ති. ‘‘එවමෙව ඛො, භික්‌ඛවෙ…පෙ.… ධම්‌මචක්‌ඛුපටිලාභො’’ති. චතුත්‌ථං.
‘‘Etadeva, bhante, bahutaraṃ sambhejjaudakaṃ yadidaṃ parikkhīṇaṃ pariyādiṇṇaṃ; appamattakāni dve vā tīṇi vā udakaphusitāni avasiṭṭhāni. Neva satimaṃ kalaṃ upenti na sahassimaṃ kalaṃ upenti na satasahassimaṃ kalaṃ upenti sambhejjaudakaṃ parikkhīṇaṃ pariyādiṇṇaṃ upanidhāya dve vā tīṇi vā udakaphusitāni avasiṭṭhānī’’ti. ‘‘Evameva kho, bhikkhave…pe… dhammacakkhupaṭilābho’’ti. Catutthaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 3. සංභෙජ්‌ජඋදකසුත්‌තාදිවණ්‌ණනා • 3. Saṃbhejjaudakasuttādivaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 3. සංභෙජ්‌ජඋදකසුත්‌තාදිවණ්‌ණනා • 3. Saṃbhejjaudakasuttādivaṇṇanā
