| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
3. දුතියසංඛිත්‌තසුත්‌තං
3. Dutiyasaṃkhittasuttaṃ
483. ‘‘පඤ්‌චිමානි, භික්‌ඛවෙ, ඉන්‌ද්‍රියානි. කතමානි පඤ්‌ච? සද්‌ධින්‌ද්‍රියං…පෙ.… පඤ්‌ඤින්‌ද්‍රියං – ඉමානි ඛො, භික්‌ඛවෙ, පඤ්‌චින්‌ද්‍රියානි. ඉමෙසං ඛො, භික්‌ඛවෙ, පඤ්‌චන්‌නං ඉන්‌ද්‍රියානං සමත්‌තා පරිපූරත්‌තා අරහං හොති, තතො මුදුතරෙහි අනාගාමී හොති, තතො මුදුතරෙහි සකදාගාමී හොති, තතො මුදුතරෙහි සොතාපන්‌නො හොති, තතො මුදුතරෙහි ධම්‌මානුසාරී හොති, තතො මුදුතරෙහි සද්‌ධානුසාරී හොති. ඉති ඛො, භික්‌ඛවෙ, ඉන්‌ද්‍රියවෙමත්‌තතා ඵලවෙමත්‌තතා හොති, ඵලවෙමත්‌තතා පුග්‌ගලවෙමත්‌තතා’’ති. තතියං.
483. ‘‘Pañcimāni, bhikkhave, indriyāni. Katamāni pañca? Saddhindriyaṃ…pe… paññindriyaṃ – imāni kho, bhikkhave, pañcindriyāni. Imesaṃ kho, bhikkhave, pañcannaṃ indriyānaṃ samattā paripūrattā arahaṃ hoti, tato mudutarehi anāgāmī hoti, tato mudutarehi sakadāgāmī hoti, tato mudutarehi sotāpanno hoti, tato mudutarehi dhammānusārī hoti, tato mudutarehi saddhānusārī hoti. Iti kho, bhikkhave, indriyavemattatā phalavemattatā hoti, phalavemattatā puggalavemattatā’’ti. Tatiyaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 3. දුතියසංඛිත්‌තසුත්‌තවණ්‌ණනා • 3. Dutiyasaṃkhittasuttavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 3. දුතියසංඛිත්‌තසුත්‌තවණ්‌ණනා • 3. Dutiyasaṃkhittasuttavaṇṇanā
