| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
6. д̣̇уд̇ияасамбад̣̇аасуд̇д̇ам̣
6. Dutiyasampadāsuttaṃ
76. ‘‘адтимаа , бхигкавз, самбад̣̇аа. гад̇амаа адта? удтаанасамбад̣̇аа, аарагкасамбад̣̇аа, галяаан̣амид̇д̇ад̇аа, самаж̇ийвид̇аа, сад̣̇д̇хаасамбад̣̇аа, сийласамбад̣̇аа, жааг̇асамбад̣̇аа, бан̃н̃аасамбад̣̇аа. гад̇амаа жа, бхигкавз, удтаанасамбад̣̇аа? ид̇ха, бхигкавз, гулабуд̇д̇о язна гаммадтаанзна ж̇ийвид̇ам̣ габбзд̇и – яад̣̇и гасияаа яад̣̇и ван̣иж̇ж̇ааяа яад̣̇и г̇орагкзна яад̣̇и иссад̇д̇зна яад̣̇и рааж̇аборисзна яад̣̇и сиббан̃н̃ад̇арзна – д̇ад̇т̇а д̣̇агко ход̇и аналасо, д̇ад̇рубааяааяа виймам̣сааяа саманнааг̇ад̇о, алам̣ гаад̇ум̣ алам̣ сам̣вид̇хаад̇унд̇и. аяам̣ вужжад̇и, бхигкавз, удтаанасамбад̣̇аа.
76. ‘‘Aṭṭhimā , bhikkhave, sampadā. Katamā aṭṭha? Uṭṭhānasampadā, ārakkhasampadā, kalyāṇamittatā, samajīvitā, saddhāsampadā, sīlasampadā, cāgasampadā, paññāsampadā. Katamā ca, bhikkhave, uṭṭhānasampadā? Idha, bhikkhave, kulaputto yena kammaṭṭhānena jīvitaṃ kappeti – yadi kasiyā yadi vaṇijjāya yadi gorakkhena yadi issattena yadi rājaporisena yadi sippaññatarena – tattha dakkho hoti analaso, tatrupāyāya vīmaṃsāya samannāgato, alaṃ kātuṃ alaṃ saṃvidhātunti. Ayaṃ vuccati, bhikkhave, uṭṭhānasampadā.
‘‘гад̇амаа жа, бхигкавз, аарагкасамбад̣̇аа? ид̇ха, бхигкавз, гулабуд̇д̇асса бхог̇аа хонд̇и удтаанавийрияаад̇хиг̇ад̇аа б̣аахааб̣алабарижид̇аа сзд̣̇аавагкид̇д̇аа д̇хаммигаа д̇хаммалад̣̇д̇хаа д̇з аарагкзна г̇уд̇д̇ияаа самбаад̣̇зд̇и – ‘гинд̇и мз бхог̇з нзва рааж̇аано харзяяум̣, на жораа харзяяум̣, на аг̇г̇и д̣ахзяяа, на уд̣̇агам̣ вахзяяа, на аббияаа д̣̇ааяаад̣̇аа харзяяу’нд̇и. аяам̣ вужжад̇и, бхигкавз, аарагкасамбад̣̇аа.
‘‘Katamā ca, bhikkhave, ārakkhasampadā? Idha, bhikkhave, kulaputtassa bhogā honti uṭṭhānavīriyādhigatā bāhābalaparicitā sedāvakkhittā dhammikā dhammaladdhā te ārakkhena guttiyā sampādeti – ‘kinti me bhoge neva rājāno hareyyuṃ, na corā hareyyuṃ, na aggi ḍaheyya, na udakaṃ vaheyya, na appiyā dāyādā hareyyu’nti. Ayaṃ vuccati, bhikkhave, ārakkhasampadā.
‘‘гад̇амаа жа, бхигкавз, галяаан̣амид̇д̇ад̇аа? ид̇ха, бхигкавз, гулабуд̇д̇о яасмим̣ г̇аамз ваа ниг̇амз ваа бадивасад̇и, д̇ад̇т̇а яз д̇з хонд̇и г̇ахабад̇ий ваа г̇ахабад̇ибуд̇д̇аа ваа д̣̇ахараа ваа вуд̣̇д̇хасийлино вуд̣̇д̇хаа ваа вуд̣̇д̇хасийлино сад̣̇д̇хаасамбаннаа сийласамбаннаа жааг̇асамбаннаа бан̃н̃аасамбаннаа, д̇зхи сад̣̇д̇хим̣ санд̇идтад̇и саллабад̇и саагажчам̣ самаабаж̇ж̇ад̇и; яат̇ааруубаанам̣ сад̣̇д̇хаасамбаннаанам̣ сад̣̇д̇хаасамбад̣̇ам̣ анусигкад̇и, яат̇ааруубаанам̣ сийласамбаннаанам̣ сийласамбад̣̇ам̣ анусигкад̇и, яат̇ааруубаанам̣ жааг̇асамбаннаанам̣ жааг̇асамбад̣̇ам̣ анусигкад̇и, яат̇ааруубаанам̣ бан̃н̃аасамбаннаанам̣ бан̃н̃аасамбад̣̇ам̣ анусигкад̇и. аяам̣ вужжад̇и, бхигкавз, галяаан̣амид̇д̇ад̇аа.
‘‘Katamā ca, bhikkhave, kalyāṇamittatā? Idha, bhikkhave, kulaputto yasmiṃ gāme vā nigame vā paṭivasati, tattha ye te honti gahapatī vā gahapatiputtā vā daharā vā vuddhasīlino vuddhā vā vuddhasīlino saddhāsampannā sīlasampannā cāgasampannā paññāsampannā, tehi saddhiṃ santiṭṭhati sallapati sākacchaṃ samāpajjati; yathārūpānaṃ saddhāsampannānaṃ saddhāsampadaṃ anusikkhati, yathārūpānaṃ sīlasampannānaṃ sīlasampadaṃ anusikkhati, yathārūpānaṃ cāgasampannānaṃ cāgasampadaṃ anusikkhati, yathārūpānaṃ paññāsampannānaṃ paññāsampadaṃ anusikkhati. Ayaṃ vuccati, bhikkhave, kalyāṇamittatā.
‘‘гад̇амаа жа, бхигкавз, самаж̇ийвид̇аа? ид̇ха, бхигкавз, гулабуд̇д̇о ааяан̃жа бхог̇аанам̣ вид̣̇ид̇ваа ваяан̃жа бхог̇аанам̣ вид̣̇ид̇ваа самам̣ ж̇ийвигам̣ габбзд̇и наажжог̇аал̣хам̣ наад̇ихийнам̣ – ‘звам̣ мз ааяо ваяам̣ барияаад̣̇ааяа тассад̇и, на жа мз ваяо ааяам̣ барияаад̣̇ааяа тассад̇ий’д̇и. сзяяат̇ааби, бхигкавз, д̇улаад̇хааро ваа д̇улаад̇хааранд̇зваасий ваа д̇улам̣ баг̇г̇ахзд̇ваа ж̇аанаад̇и – ‘зд̇д̇агзна ваа онад̇ам̣, зд̇д̇агзна ваа уннад̇а’нд̇и; звамзвам̣ ко, бхигкавз, гулабуд̇д̇о ааяан̃жа бхог̇аанам̣ вид̣̇ид̇ваа ваяан̃жа бхог̇аанам̣ вид̣̇ид̇ваа самам̣ ж̇ийвигам̣ габбзд̇и наажжог̇аал̣хам̣ наад̇ихийнам̣ – ‘звам̣ мз ааяо ваяам̣ барияаад̣̇ааяа тассад̇и, на жа мз ваяо ааяам̣ барияаад̣̇ааяа тассад̇ий’д̇и. сажааяам̣, бхигкавз, гулабуд̇д̇о аббааяо самаано ул̣аарам̣ ж̇ийвигам̣ габбзд̇и, д̇асса бхаванд̇и вад̇д̇ааро ‘уд̣̇умб̣аракаад̣̇ий вааяам̣ гулабуд̇д̇о бхог̇з каад̣̇ад̇ий’д̇и. сажз банааяам̣, бхигкавз, гулабуд̇д̇о махааяо самаано гасирам̣ ж̇ийвигам̣ габбзд̇и, д̇асса бхаванд̇и вад̇д̇ааро – ‘аж̇здтамаран̣ам̣ вааяам̣ гулабуд̇д̇о мариссад̇ий’д̇и. яад̇о жа кояам̣, бхигкавз, гулабуд̇д̇о ааяан̃жа бхог̇аанам̣ вид̣̇ид̇ваа ваяан̃жа бхог̇аанам̣ вид̣̇ид̇ваа самам̣ ж̇ийвигам̣ габбзд̇и наажжог̇аал̣хам̣ наад̇ихийнам̣ – ‘звам̣ мз ааяо ваяам̣ барияаад̣̇ааяа тассад̇и, на жа мз ваяо ааяам̣ барияаад̣̇ааяа тассад̇ий’д̇и. аяам̣ вужжад̇и, бхигкавз, самаж̇ийвид̇аа.
‘‘Katamā ca, bhikkhave, samajīvitā? Idha, bhikkhave, kulaputto āyañca bhogānaṃ viditvā vayañca bhogānaṃ viditvā samaṃ jīvikaṃ kappeti nāccogāḷhaṃ nātihīnaṃ – ‘evaṃ me āyo vayaṃ pariyādāya ṭhassati, na ca me vayo āyaṃ pariyādāya ṭhassatī’ti. Seyyathāpi, bhikkhave, tulādhāro vā tulādhārantevāsī vā tulaṃ paggahetvā jānāti – ‘ettakena vā onataṃ, ettakena vā unnata’nti; evamevaṃ kho, bhikkhave, kulaputto āyañca bhogānaṃ viditvā vayañca bhogānaṃ viditvā samaṃ jīvikaṃ kappeti nāccogāḷhaṃ nātihīnaṃ – ‘evaṃ me āyo vayaṃ pariyādāya ṭhassati, na ca me vayo āyaṃ pariyādāya ṭhassatī’ti. Sacāyaṃ, bhikkhave, kulaputto appāyo samāno uḷāraṃ jīvikaṃ kappeti, tassa bhavanti vattāro ‘udumbarakhādī vāyaṃ kulaputto bhoge khādatī’ti. Sace panāyaṃ, bhikkhave, kulaputto mahāyo samāno kasiraṃ jīvikaṃ kappeti, tassa bhavanti vattāro – ‘ajeṭṭhamaraṇaṃ vāyaṃ kulaputto marissatī’ti. Yato ca khoyaṃ, bhikkhave, kulaputto āyañca bhogānaṃ viditvā vayañca bhogānaṃ viditvā samaṃ jīvikaṃ kappeti nāccogāḷhaṃ nātihīnaṃ – ‘evaṃ me āyo vayaṃ pariyādāya ṭhassati, na ca me vayo āyaṃ pariyādāya ṭhassatī’ti. Ayaṃ vuccati, bhikkhave, samajīvitā.
‘‘гад̇амаа жа бхигкавз, сад̣̇д̇хаасамбад̣̇аа? ид̇ха, бхигкавз, гулабуд̇д̇о сад̣̇д̇хо ход̇и, сад̣̇д̣̇ахад̇и д̇ат̇ааг̇ад̇асса б̣од̇хим̣ – ‘ид̇иби со бхаг̇аваа…бз… сад̇т̇аа д̣̇звамануссаанам̣ б̣уд̣̇д̇хо бхаг̇аваа’д̇и. аяам̣ вужжад̇и, бхигкавз, сад̣̇д̇хаасамбад̣̇аа.
‘‘Katamā ca bhikkhave, saddhāsampadā? Idha, bhikkhave, kulaputto saddho hoti, saddahati tathāgatassa bodhiṃ – ‘itipi so bhagavā…pe… satthā devamanussānaṃ buddho bhagavā’ti. Ayaṃ vuccati, bhikkhave, saddhāsampadā.
‘‘гад̇амаа жа, бхигкавз, сийласамбад̣̇аа? ид̇ха, бхигкавз, гулабуд̇д̇о баан̣аад̇ибаад̇аа бадивирад̇о ход̇и…бз… сураамзраяамаж̇ж̇абамаад̣̇адтаанаа бадивирад̇о ход̇и. аяам̣ вужжад̇и, бхигкавз, сийласамбад̣̇аа.
‘‘Katamā ca, bhikkhave, sīlasampadā? Idha, bhikkhave, kulaputto pāṇātipātā paṭivirato hoti…pe… surāmerayamajjapamādaṭṭhānā paṭivirato hoti. Ayaṃ vuccati, bhikkhave, sīlasampadā.
‘‘гад̇амаа жа, бхигкавз, жааг̇асамбад̣̇аа? ид̇ха, бхигкавз, гулабуд̇д̇о виг̇ад̇амаламажчзрзна жзд̇асаа аг̇аарам̣ аж̇жхаавасад̇и…бз… яаажаяог̇о д̣̇аанасам̣вибхааг̇арад̇о. аяам̣ вужжад̇и, бхигкавз, жааг̇асамбад̣̇аа.
‘‘Katamā ca, bhikkhave, cāgasampadā? Idha, bhikkhave, kulaputto vigatamalamaccherena cetasā agāraṃ ajjhāvasati…pe… yācayogo dānasaṃvibhāgarato. Ayaṃ vuccati, bhikkhave, cāgasampadā.
‘‘гад̇амаа жа, бхигкавз, бан̃н̃аасамбад̣̇аа? ид̇ха , бхигкавз, гулабуд̇д̇о бан̃н̃аваа ход̇и…бз… саммаа д̣̇угкагкаяаг̇ааминияаа. аяам̣ вужжад̇и, бхигкавз, бан̃н̃аасамбад̣̇аа. имаа ко, бхигкавз, адта самбад̣̇аа’’д̇и.
‘‘Katamā ca, bhikkhave, paññāsampadā? Idha , bhikkhave, kulaputto paññavā hoti…pe… sammā dukkhakkhayagāminiyā. Ayaṃ vuccati, bhikkhave, paññāsampadā. Imā kho, bhikkhave, aṭṭha sampadā’’ti.
‘‘удтаад̇аа гаммад̇хзяязсу, аббамад̇д̇о вид̇хаанаваа;
‘‘Uṭṭhātā kammadheyyesu, appamatto vidhānavā;
самам̣ габбзд̇и ж̇ийвигам̣, самбхад̇ам̣ анурагкад̇и.
Samaṃ kappeti jīvikaṃ, sambhataṃ anurakkhati.
‘‘сад̣̇д̇хо сийлзна самбанно, вад̣̇ан̃н̃уу вийд̇амажчаро;
‘‘Saddho sīlena sampanno, vadaññū vītamaccharo;
нижжам̣ маг̇г̇ам̣ висод̇хзд̇и, сод̇т̇аанам̣ самбарааяигам̣.
Niccaṃ maggaṃ visodheti, sotthānaṃ samparāyikaṃ.
‘‘ижжзд̇з адта д̇хаммаа жа, сад̣̇д̇хасса гхарамзсино;
‘‘Iccete aṭṭha dhammā ca, saddhassa gharamesino;
агкаад̇аа сажжанаамзна, убхаяад̇т̇а сукаавахаа.
Akkhātā saccanāmena, ubhayattha sukhāvahā.
‘‘д̣̇идтад̇хаммахид̇ад̇т̇ааяа, самбарааяасукааяа жа;
‘‘Diṭṭhadhammahitatthāya, samparāyasukhāya ca;
звамзд̇ам̣ г̇ахадтаанам̣, жааг̇о бун̃н̃ам̣ бавад̣дхад̇ий’’д̇и. чадтам̣;
Evametaṃ gahaṭṭhānaṃ, cāgo puññaṃ pavaḍḍhatī’’ti. chaṭṭhaṃ;
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 3-9. маран̣ассад̇исуд̇д̇ад̣̇ваяаад̣̇иван̣н̣анаа • 3-9. Maraṇassatisuttadvayādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1-10. сад̣̇д̇хаасуд̇д̇аад̣̇иван̣н̣анаа • 1-10. Saddhāsuttādivaṇṇanā
