| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
2. து³தியஸமுத³யத⁴ம்மஸுத்தங்
2. Dutiyasamudayadhammasuttaṃ
127. ஏகங் ஸமயங் ஆயஸ்மா ச ஸாரிபுத்தோ ஆயஸ்மா ச மஹாகொட்டி²கோ பா³ராணஸியங் விஹரந்தி இஸிபதனே மிக³தா³யே. அத² கோ² ஆயஸ்மா மஹாகொட்டி²கோ ஸாயன்ஹஸமயங் படிஸல்லானா வுட்டி²தோ…பே॰… ஏகமந்தங் நிஸின்னோ கோ² ஆயஸ்மா மஹாகொட்டி²கோ ஆயஸ்மந்தங் ஸாரிபுத்தங் ஏதத³வோச – ‘‘‘அவிஜ்ஜா, அவிஜ்ஜா’தி, ஆவுஸோ ஸாரிபுத்த, வுச்சதி. கதமா நு கோ², ஆவுஸோ, அவிஜ்ஜா, கித்தாவதா ச அவிஜ்ஜாக³தோ ஹோதீ’’தி?
127. Ekaṃ samayaṃ āyasmā ca sāriputto āyasmā ca mahākoṭṭhiko bārāṇasiyaṃ viharanti isipatane migadāye. Atha kho āyasmā mahākoṭṭhiko sāyanhasamayaṃ paṭisallānā vuṭṭhito…pe… ekamantaṃ nisinno kho āyasmā mahākoṭṭhiko āyasmantaṃ sāriputtaṃ etadavoca – ‘‘‘avijjā, avijjā’ti, āvuso sāriputta, vuccati. Katamā nu kho, āvuso, avijjā, kittāvatā ca avijjāgato hotī’’ti?
‘‘இதா⁴வுஸோ அஸ்ஸுதவா புது²ஜ்ஜனோ ஸமுத³யத⁴ம்மங் ரூபங் ‘ஸமுத³யத⁴ம்மங் ரூப’ந்தி யதா²பூ⁴தங் நப்பஜானாதி; வயத⁴ம்மங் ரூபங்…பே॰… ‘ஸமுத³யவயத⁴ம்மங் ரூப’ந்தி யதா²பூ⁴தங் நப்பஜானாதி. ஸமுத³யத⁴ம்மங் வேத³னங்…பே॰… வயத⁴ம்மங் வேத³னங்…பே॰… ‘ஸமுத³யவயத⁴ம்மா வேத³னா’தி யதா²பூ⁴தங் நப்பஜானாதி. ஸமுத³யத⁴ம்மங் ஸஞ்ஞங்…பே॰… ஸமுத³யத⁴ம்மே ஸங்கா²ரே…பே॰… வயத⁴ம்மே ஸங்கா²ரே…பே॰… ஸமுத³யவயத⁴ம்மே ஸங்கா²ரே ‘ஸமுத³யவயத⁴ம்மா ஸங்கா²ரா’தி யதா²பூ⁴தங் நப்பஜானாதி. ஸமுத³யத⁴ம்மங் விஞ்ஞாணங்…பே॰… ஸமுத³யவயத⁴ம்மங் விஞ்ஞாணங் ‘ஸமுத³யவயத⁴ம்மங் விஞ்ஞாண’ந்தி யதா²பூ⁴தங் நப்பஜானாதி. அயங் வுச்சதி, ஆவுஸோ, அவிஜ்ஜா; எத்தாவதா ச அவிஜ்ஜாக³தோ ஹோதீ’’தி. து³தியங்.
‘‘Idhāvuso assutavā puthujjano samudayadhammaṃ rūpaṃ ‘samudayadhammaṃ rūpa’nti yathābhūtaṃ nappajānāti; vayadhammaṃ rūpaṃ…pe… ‘samudayavayadhammaṃ rūpa’nti yathābhūtaṃ nappajānāti. Samudayadhammaṃ vedanaṃ…pe… vayadhammaṃ vedanaṃ…pe… ‘samudayavayadhammā vedanā’ti yathābhūtaṃ nappajānāti. Samudayadhammaṃ saññaṃ…pe… samudayadhamme saṅkhāre…pe… vayadhamme saṅkhāre…pe… samudayavayadhamme saṅkhāre ‘samudayavayadhammā saṅkhārā’ti yathābhūtaṃ nappajānāti. Samudayadhammaṃ viññāṇaṃ…pe… samudayavayadhammaṃ viññāṇaṃ ‘samudayavayadhammaṃ viññāṇa’nti yathābhūtaṃ nappajānāti. Ayaṃ vuccati, āvuso, avijjā; ettāvatā ca avijjāgato hotī’’ti. Dutiyaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 1-10. ஸமுத³யத⁴ம்மஸுத்தாதி³வண்ணனா • 1-10. Samudayadhammasuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 1-10. ஸமுத³யத⁴ம்மஸுத்தாதி³வண்ணனா • 1-10. Samudayadhammasuttādivaṇṇanā
