| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
7. து³தியஸமுத³யஸுத்தங்
7. Dutiyasamudayasuttaṃ
132. பா³ராணஸியங் விஹரந்தி இஸிபதனே மிக³தா³யே…பே॰… ஏகமந்தங் நிஸின்னோ கோ² ஆயஸ்மா மஹாகொட்டி²கோ ஆயஸ்மந்தங் ஸாரிபுத்தங் ஏதத³வோச – ‘‘‘விஜ்ஜா, விஜ்ஜா’தி, ஆவுஸோ ஸாரிபுத்த, வுச்சதி. கதமா நு கோ², ஆவுஸோ, விஜ்ஜா, கித்தாவதா ச விஜ்ஜாக³தோ ஹோதீ’’தி?
132. Bārāṇasiyaṃ viharanti isipatane migadāye…pe… ekamantaṃ nisinno kho āyasmā mahākoṭṭhiko āyasmantaṃ sāriputtaṃ etadavoca – ‘‘‘vijjā, vijjā’ti, āvuso sāriputta, vuccati. Katamā nu kho, āvuso, vijjā, kittāvatā ca vijjāgato hotī’’ti?
‘‘இதா⁴வுஸோ, ஸுதவா அரியஸாவகோ ரூபஸ்ஸ ஸமுத³யஞ்ச அத்த²ங்க³மஞ்ச அஸ்ஸாத³ஞ்ச ஆதீ³னவஞ்ச நிஸ்ஸரணஞ்ச யதா²பூ⁴தங் பஜானாதி. வேத³னாய…பே॰… ஸஞ்ஞாய… ஸங்கா²ரானங்… விஞ்ஞாணஸ்ஸ ஸமுத³யஞ்ச அத்த²ங்க³மஞ்ச அஸ்ஸாத³ஞ்ச ஆதீ³னவஞ்ச நிஸ்ஸரணஞ்ச யதா²பூ⁴தங் பஜானாதி. அயங் வுச்சதாவுஸோ, விஜ்ஜா; எத்தாவதா ச விஜ்ஜாக³தோ ஹோதீ’’தி. ஸத்தமங்.
‘‘Idhāvuso, sutavā ariyasāvako rūpassa samudayañca atthaṅgamañca assādañca ādīnavañca nissaraṇañca yathābhūtaṃ pajānāti. Vedanāya…pe… saññāya… saṅkhārānaṃ… viññāṇassa samudayañca atthaṅgamañca assādañca ādīnavañca nissaraṇañca yathābhūtaṃ pajānāti. Ayaṃ vuccatāvuso, vijjā; ettāvatā ca vijjāgato hotī’’ti. Sattamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 1-10. ஸமுத³யத⁴ம்மஸுத்தாதி³வண்ணனா • 1-10. Samudayadhammasuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 1-10. ஸமுத³யத⁴ம்மஸுத்தாதி³வண்ணனா • 1-10. Samudayadhammasuttādivaṇṇanā
