| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
8. து³தியஸமுத்³த³ஸுத்தங்
8. Dutiyasamuddasuttaṃ
81. ஸாவத்தி²யங் விஹரதி…பே॰… ‘‘ஸெய்யதா²பி, பி⁴க்க²வே, மஹாஸமுத்³தோ³ பரிக்க²யங் பரியாதா³னங் க³ச்செ²ய்ய, ட²பெத்வா த்³வே வா தீணி வா உத³கபு²ஸிதானி. தங் கிங் மஞ்ஞத², பி⁴க்க²வே, கதமங் நு கோ² ப³ஹுதரங், யங் வா மஹாஸமுத்³தே³ உத³கங் பரிக்கீ²ணங் பரியாதி³ன்னங் யானி வா த்³வே வா தீணி வா உத³கபு²ஸிதானி அவஸிட்டா²னீ’’தி?
81. Sāvatthiyaṃ viharati…pe… ‘‘seyyathāpi, bhikkhave, mahāsamuddo parikkhayaṃ pariyādānaṃ gaccheyya, ṭhapetvā dve vā tīṇi vā udakaphusitāni. Taṃ kiṃ maññatha, bhikkhave, katamaṃ nu kho bahutaraṃ, yaṃ vā mahāsamudde udakaṃ parikkhīṇaṃ pariyādinnaṃ yāni vā dve vā tīṇi vā udakaphusitāni avasiṭṭhānī’’ti?
‘‘ஏததே³வ, ப⁴ந்தே, ப³ஹுதரங் மஹாஸமுத்³தே³ உத³கங், யதி³த³ங் பரிக்கீ²ணங் பரியாதி³ண்ணங்; அப்பமத்தகானி த்³வே வா தீணி வா உத³கபு²ஸிதானி அவஸிட்டா²னி. நேவ ஸதிமங் கலங் உபெந்தி ந ஸஹஸ்ஸிமங் கலங் உபெந்தி ந ஸதஸஹஸ்ஸிமங் கலங் உபெந்தி மஹாஸமுத்³தே³ உத³கங் பரிக்கீ²ணங் பரியாதி³ண்ணங் உபனிதா⁴ய த்³வே வா தீணி வா உத³கபு²ஸிதானி அவஸிட்டா²னீ’’தி. ‘‘ஏவமேவ கோ² பி⁴க்க²வே…பே॰… த⁴ம்மசக்கு²படிலாபோ⁴’’தி. அட்ட²மங்.
‘‘Etadeva, bhante, bahutaraṃ mahāsamudde udakaṃ, yadidaṃ parikkhīṇaṃ pariyādiṇṇaṃ; appamattakāni dve vā tīṇi vā udakaphusitāni avasiṭṭhāni. Neva satimaṃ kalaṃ upenti na sahassimaṃ kalaṃ upenti na satasahassimaṃ kalaṃ upenti mahāsamudde udakaṃ parikkhīṇaṃ pariyādiṇṇaṃ upanidhāya dve vā tīṇi vā udakaphusitāni avasiṭṭhānī’’ti. ‘‘Evameva kho bhikkhave…pe… dhammacakkhupaṭilābho’’ti. Aṭṭhamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 5. பத²வீஸுத்தாதி³வண்ணனா • 5. Pathavīsuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 4. பத²வீஸுத்தாதி³வண்ணனா • 4. Pathavīsuttādivaṇṇanā
