| Library / Tipiṭaka / తిపిటక • Tipiṭaka / సంయుత్తనికాయ • Saṃyuttanikāya |
౮. దుతియసముద్దసుత్తం
8. Dutiyasamuddasuttaṃ
౮౧. సావత్థియం విహరతి…పే॰… ‘‘సేయ్యథాపి, భిక్ఖవే, మహాసముద్దో పరిక్ఖయం పరియాదానం గచ్ఛేయ్య, ఠపేత్వా ద్వే వా తీణి వా ఉదకఫుసితాని. తం కిం మఞ్ఞథ, భిక్ఖవే, కతమం ను ఖో బహుతరం, యం వా మహాసముద్దే ఉదకం పరిక్ఖీణం పరియాదిన్నం యాని వా ద్వే వా తీణి వా ఉదకఫుసితాని అవసిట్ఠానీ’’తి?
81. Sāvatthiyaṃ viharati…pe… ‘‘seyyathāpi, bhikkhave, mahāsamuddo parikkhayaṃ pariyādānaṃ gaccheyya, ṭhapetvā dve vā tīṇi vā udakaphusitāni. Taṃ kiṃ maññatha, bhikkhave, katamaṃ nu kho bahutaraṃ, yaṃ vā mahāsamudde udakaṃ parikkhīṇaṃ pariyādinnaṃ yāni vā dve vā tīṇi vā udakaphusitāni avasiṭṭhānī’’ti?
‘‘ఏతదేవ, భన్తే, బహుతరం మహాసముద్దే ఉదకం, యదిదం పరిక్ఖీణం పరియాదిణ్ణం; అప్పమత్తకాని ద్వే వా తీణి వా ఉదకఫుసితాని అవసిట్ఠాని. నేవ సతిమం కలం ఉపేన్తి న సహస్సిమం కలం ఉపేన్తి న సతసహస్సిమం కలం ఉపేన్తి మహాసముద్దే ఉదకం పరిక్ఖీణం పరియాదిణ్ణం ఉపనిధాయ ద్వే వా తీణి వా ఉదకఫుసితాని అవసిట్ఠానీ’’తి. ‘‘ఏవమేవ ఖో భిక్ఖవే…పే॰… ధమ్మచక్ఖుపటిలాభో’’తి. అట్ఠమం.
‘‘Etadeva, bhante, bahutaraṃ mahāsamudde udakaṃ, yadidaṃ parikkhīṇaṃ pariyādiṇṇaṃ; appamattakāni dve vā tīṇi vā udakaphusitāni avasiṭṭhāni. Neva satimaṃ kalaṃ upenti na sahassimaṃ kalaṃ upenti na satasahassimaṃ kalaṃ upenti mahāsamudde udakaṃ parikkhīṇaṃ pariyādiṇṇaṃ upanidhāya dve vā tīṇi vā udakaphusitāni avasiṭṭhānī’’ti. ‘‘Evameva kho bhikkhave…pe… dhammacakkhupaṭilābho’’ti. Aṭṭhamaṃ.
Related texts:
అట్ఠకథా • Aṭṭhakathā / సుత్తపిటక (అట్ఠకథా) • Suttapiṭaka (aṭṭhakathā) / సంయుత్తనికాయ (అట్ఠకథా) • Saṃyuttanikāya (aṭṭhakathā) / ౫. పథవీసుత్తాదివణ్ణనా • 5. Pathavīsuttādivaṇṇanā
టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / ౪. పథవీసుత్తాదివణ్ణనా • 4. Pathavīsuttādivaṇṇanā
