| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
8. දුතියසමුද්‌දසුත්‌තං
8. Dutiyasamuddasuttaṃ
81. සාවත්‌ථියං විහරති…පෙ.… ‘‘සෙය්‍යථාපි, භික්‌ඛවෙ, මහාසමුද්‌දො පරික්‌ඛයං පරියාදානං ගච්‌ඡෙය්‍ය, ඨපෙත්‌වා ද්‌වෙ වා තීණි වා උදකඵුසිතානි. තං කිං මඤ්‌ඤථ, භික්‌ඛවෙ, කතමං නු ඛො බහුතරං, යං වා මහාසමුද්‌දෙ උදකං පරික්‌ඛීණං පරියාදින්‌නං යානි වා ද්‌වෙ වා තීණි වා උදකඵුසිතානි අවසිට්‌ඨානී’’ති?
81. Sāvatthiyaṃ viharati…pe… ‘‘seyyathāpi, bhikkhave, mahāsamuddo parikkhayaṃ pariyādānaṃ gaccheyya, ṭhapetvā dve vā tīṇi vā udakaphusitāni. Taṃ kiṃ maññatha, bhikkhave, katamaṃ nu kho bahutaraṃ, yaṃ vā mahāsamudde udakaṃ parikkhīṇaṃ pariyādinnaṃ yāni vā dve vā tīṇi vā udakaphusitāni avasiṭṭhānī’’ti?
‘‘එතදෙව, භන්‌තෙ, බහුතරං මහාසමුද්‌දෙ උදකං, යදිදං පරික්‌ඛීණං පරියාදිණ්‌ණං; අප්‌පමත්‌තකානි ද්‌වෙ වා තීණි වා උදකඵුසිතානි අවසිට්‌ඨානි. නෙව සතිමං කලං උපෙන්‌ති න සහස්‌සිමං කලං උපෙන්‌ති න සතසහස්‌සිමං කලං උපෙන්‌ති මහාසමුද්‌දෙ උදකං පරික්‌ඛීණං පරියාදිණ්‌ණං උපනිධාය ද්‌වෙ වා තීණි වා උදකඵුසිතානි අවසිට්‌ඨානී’’ති. ‘‘එවමෙව ඛො භික්‌ඛවෙ…පෙ.… ධම්‌මචක්‌ඛුපටිලාභො’’ති. අට්‌ඨමං.
‘‘Etadeva, bhante, bahutaraṃ mahāsamudde udakaṃ, yadidaṃ parikkhīṇaṃ pariyādiṇṇaṃ; appamattakāni dve vā tīṇi vā udakaphusitāni avasiṭṭhāni. Neva satimaṃ kalaṃ upenti na sahassimaṃ kalaṃ upenti na satasahassimaṃ kalaṃ upenti mahāsamudde udakaṃ parikkhīṇaṃ pariyādiṇṇaṃ upanidhāya dve vā tīṇi vā udakaphusitāni avasiṭṭhānī’’ti. ‘‘Evameva kho bhikkhave…pe… dhammacakkhupaṭilābho’’ti. Aṭṭhamaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 5. පථවීසුත්‌තාදිවණ්‌ණනා • 5. Pathavīsuttādivaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 4. පථවීසුත්‌තාදිවණ්‌ණනා • 4. Pathavīsuttādivaṇṇanā
