| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
2. දුතියසමුද්‌දසුත්‌තං
2. Dutiyasamuddasuttaṃ
229. ‘‘සමුද්‌දො, සමුද්‌දො’ති, භික්‌ඛවෙ, අස්‌සුතවා පුථුජ්‌ජනො භාසති . නෙසො, භික්‌ඛවෙ, අරියස්‌ස විනයෙ සමුද්‌දො. මහා එසො, භික්‌ඛවෙ, උදකරාසි මහාඋදකණ්‌ණවො. සන්‌ති, භික්‌ඛවෙ, චක්‌ඛුවිඤ්‌ඤෙය්‍යා රූපා ඉට්‌ඨා කන්‌තා මනාපා පියරූපා කාමූපසංහිතා රජනීයා. අයං වුච්‌චති, භික්‌ඛවෙ, අරියස්‌ස විනයෙ සමුද්‌දො. එත්‌ථායං සදෙවකො ලොකො සමාරකො සබ්‍රහ්‌මකො සස්‌සමණබ්‍රාහ්‌මණී පජා සදෙවමනුස්‌සා යෙභුය්‍යෙන සමුන්‌නා තන්‌තාකුලකජාතා කුලගණ්‌ඨිකජාතා 1 මුඤ්‌ජපබ්‌බජභූතා, අපායං දුග්‌ගතිං විනිපාතං සංසාරං නාතිවත්‌තති…පෙ.….
229. ‘‘Samuddo, samuddo’ti, bhikkhave, assutavā puthujjano bhāsati . Neso, bhikkhave, ariyassa vinaye samuddo. Mahā eso, bhikkhave, udakarāsi mahāudakaṇṇavo. Santi, bhikkhave, cakkhuviññeyyā rūpā iṭṭhā kantā manāpā piyarūpā kāmūpasaṃhitā rajanīyā. Ayaṃ vuccati, bhikkhave, ariyassa vinaye samuddo. Etthāyaṃ sadevako loko samārako sabrahmako sassamaṇabrāhmaṇī pajā sadevamanussā yebhuyyena samunnā tantākulakajātā kulagaṇṭhikajātā 2 muñjapabbajabhūtā, apāyaṃ duggatiṃ vinipātaṃ saṃsāraṃ nātivattati…pe….
‘‘සන්‌ති , භික්‌ඛවෙ, ජිව්‌හාවිඤ්‌ඤෙය්‍යා රසා…පෙ.… සන්‌ති, භික්‌ඛවෙ, මනොවිඤ්‌ඤෙය්‍යා ධම්‌මා ඉට්‌ඨා කන්‌තා මනාපා පියරූපා කාමූපසංහිතා රජනීයා. අයං වුච්‌චති, භික්‌ඛවෙ, අරියස්‌ස විනයෙ සමුද්‌දො. එත්‌ථායං සදෙවකො ලොකො සමාරකො සබ්‍රහ්‌මකො සස්‌සමණබ්‍රාහ්‌මණී පජා සදෙවමනුස්‌සා යෙභුය්‍යෙන සමුන්‌නා තන්‌තාකුලකජාතා කුලගණ්‌ඨිකජාතා මුඤ්‌ජපබ්‌බජභූතා අපායං දුග්‌ගතිං විනිපාතං සංසාරං නාතිවත්‌තතී’’ති.
‘‘Santi , bhikkhave, jivhāviññeyyā rasā…pe… santi, bhikkhave, manoviññeyyā dhammā iṭṭhā kantā manāpā piyarūpā kāmūpasaṃhitā rajanīyā. Ayaṃ vuccati, bhikkhave, ariyassa vinaye samuddo. Etthāyaṃ sadevako loko samārako sabrahmako sassamaṇabrāhmaṇī pajā sadevamanussā yebhuyyena samunnā tantākulakajātā kulagaṇṭhikajātā muñjapabbajabhūtā apāyaṃ duggatiṃ vinipātaṃ saṃsāraṃ nātivattatī’’ti.
‘‘යස්‌ස රාගො ච දොසො ච, අවිජ්‌ජා ච විරාජිතා;
‘‘Yassa rāgo ca doso ca, avijjā ca virājitā;
සො ඉමං සමුද්‌දං සගාහං සරක්‌ඛසං, සඌමිභයං දුත්‌තරං අච්‌චතරි.
So imaṃ samuddaṃ sagāhaṃ sarakkhasaṃ, saūmibhayaṃ duttaraṃ accatari.
‘‘සඞ්‌ගාතිගො මච්‌චුජහො නිරුපධි, පහාසි දුක්‌ඛං අපුනබ්‌භවාය;
‘‘Saṅgātigo maccujaho nirupadhi, pahāsi dukkhaṃ apunabbhavāya;
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 2-3. දුතියසමුද්‌දසුත්‌තාදිවණ්‌ණනා • 2-3. Dutiyasamuddasuttādivaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 2-3. දුතියසමුද්‌දසුත්‌තාදිවණ්‌ණනා • 2-3. Dutiyasamuddasuttādivaṇṇanā
