| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
4. д̣̇уд̇ияасам̣яож̇анасуд̇д̇ам̣
4. Dutiyasaṃyojanasuttaṃ
54. саавад̇т̇ияам̣ вихарад̇и …бз… ‘‘сзяяат̇ааби, бхигкавз, д̇злан̃жа бадижжа ваддин̃жа бадижжа д̇злаббад̣̇ийбо жхааязяяа. д̇ад̇ра бурисо гаалзна гаалам̣ д̇злам̣ аасин̃жзяяа ваддим̣ убасам̣харзяяа. зван̃хи со, бхигкавз, д̇злаббад̣̇ийбо д̇ад̣̇аахааро д̇ад̣̇убаад̣̇аано жирам̣ д̣̇ийгхамад̣̇д̇хаанам̣ ж̇алзяяа. звамзва ко, бхигкавз, сам̣яож̇аниязсу д̇хаммзсу ассаад̣̇аанубассино вихарад̇о д̇ан̣хаа бавад̣дхад̇и. д̇ан̣хаабажжаяаа убаад̣̇аанам̣…бз… звамзд̇асса гзваласса д̣̇угкагканд̇хасса самуд̣̇аяо ход̇и’’.
54. Sāvatthiyaṃ viharati …pe… ‘‘seyyathāpi, bhikkhave, telañca paṭicca vaṭṭiñca paṭicca telappadīpo jhāyeyya. Tatra puriso kālena kālaṃ telaṃ āsiñceyya vaṭṭiṃ upasaṃhareyya. Evañhi so, bhikkhave, telappadīpo tadāhāro tadupādāno ciraṃ dīghamaddhānaṃ jaleyya. Evameva kho, bhikkhave, saṃyojaniyesu dhammesu assādānupassino viharato taṇhā pavaḍḍhati. Taṇhāpaccayā upādānaṃ…pe… evametassa kevalassa dukkhakkhandhassa samudayo hoti’’.
‘‘сзяяат̇ааби , бхигкавз, д̇злан̃жа бадижжа ваддин̃жа бадижжа д̇злаббад̣̇ийбо жхааязяяа. д̇ад̇ра бурисо на гаалзна гаалам̣ д̇злам̣ аасин̃жзяяа на ваддим̣ убасам̣харзяяа . зван̃хи со, бхигкавз, д̇злаббад̣̇ийбо буримасса жа убаад̣̇аанасса барияаад̣̇аанаа ан̃н̃асса жа анубахаараа анаахааро ниб̣б̣ааязяяа. звамзва ко, бхигкавз, сам̣яож̇аниязсу д̇хаммзсу аад̣̇ийнаваанубассино вихарад̇о д̇ан̣хаа нируж̇жхад̇и. д̇ан̣хаанирод̇хаа убаад̣̇аананирод̇хо…бз… звамзд̇асса гзваласса д̣̇угкагканд̇хасса нирод̇хо ход̇ий’’д̇и. жад̇уд̇т̇ам̣.
‘‘Seyyathāpi , bhikkhave, telañca paṭicca vaṭṭiñca paṭicca telappadīpo jhāyeyya. Tatra puriso na kālena kālaṃ telaṃ āsiñceyya na vaṭṭiṃ upasaṃhareyya . Evañhi so, bhikkhave, telappadīpo purimassa ca upādānassa pariyādānā aññassa ca anupahārā anāhāro nibbāyeyya. Evameva kho, bhikkhave, saṃyojaniyesu dhammesu ādīnavānupassino viharato taṇhā nirujjhati. Taṇhānirodhā upādānanirodho…pe… evametassa kevalassa dukkhakkhandhassa nirodho hotī’’ti. Catutthaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 4. д̣̇уд̇ияасам̣яож̇анасуд̇д̇аван̣н̣анаа • 4. Dutiyasaṃyojanasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 3-4. сам̣яож̇анасуд̇д̇ад̣̇ваяаван̣н̣анаа • 3-4. Saṃyojanasuttadvayavaṇṇanā
