| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
6. д̣̇уд̇ияасанд̣̇идтигасуд̇д̇ам̣
6. Dutiyasandiṭṭhikasuttaṃ
48. ат̇а ко ан̃н̃ад̇аро б̣раахман̣о язна бхаг̇аваа д̇знубасан̇гами; убасан̇гамид̇ваа бхаг̇авад̇аа сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисинно ко со б̣раахман̣о бхаг̇аванд̇ам̣ зд̇ад̣̇авожа – ‘‘‘санд̣̇идтиго д̇хаммо, санд̣̇идтиго д̇хаммо’д̇и, бхо г̇од̇ама, вужжад̇и. гид̇д̇аавад̇аа ну ко, бхо г̇од̇ама, санд̣̇идтиго д̇хаммо ход̇и агаалиго зхибассиго обанзяяиго бажжад̇д̇ам̣ взд̣̇ид̇аб̣б̣о вин̃н̃уухий’’д̇и?
48. Atha kho aññataro brāhmaṇo yena bhagavā tenupasaṅkami; upasaṅkamitvā bhagavatā saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho so brāhmaṇo bhagavantaṃ etadavoca – ‘‘‘sandiṭṭhiko dhammo, sandiṭṭhiko dhammo’ti, bho gotama, vuccati. Kittāvatā nu kho, bho gotama, sandiṭṭhiko dhammo hoti akāliko ehipassiko opaneyyiko paccattaṃ veditabbo viññūhī’’ti?
‘‘д̇зна хи, б̣раахман̣а, д̇ан̃н̃звзд̇т̇а бадибужчиссаами. яат̇аа д̇з камзяяа д̇ат̇аа нам̣ б̣яаагарзяяааси. д̇ам̣ гим̣ ман̃н̃аси, б̣раахман̣а, санд̇ам̣ ваа аж̇жхад̇д̇ам̣ рааг̇ам̣ ‘ад̇т̇и мз аж̇жхад̇д̇ам̣ рааг̇о’д̇и баж̇аанааси, асанд̇ам̣ ваа аж̇жхад̇д̇ам̣ рааг̇ам̣ ‘над̇т̇и мз аж̇жхад̇д̇ам̣ рааг̇о’д̇и баж̇аанаасий’’д̇и? ‘‘звам̣, бхо’’. ‘‘яам̣ ко д̇вам̣, б̣раахман̣а, санд̇ам̣ ваа аж̇жхад̇д̇ам̣ рааг̇ам̣ ‘ад̇т̇и мз аж̇жхад̇д̇ам̣ рааг̇о’д̇и баж̇аанааси, асанд̇ам̣ ваа аж̇жхад̇д̇ам̣ рааг̇ам̣ ‘над̇т̇и мз аж̇жхад̇д̇ам̣ рааг̇о’д̇и баж̇аанааси – звамби ко, б̣раахман̣а, санд̣̇идтиго д̇хаммо ход̇и…бз….
‘‘Tena hi, brāhmaṇa, taññevettha paṭipucchissāmi. Yathā te khameyya tathā naṃ byākareyyāsi. Taṃ kiṃ maññasi, brāhmaṇa, santaṃ vā ajjhattaṃ rāgaṃ ‘atthi me ajjhattaṃ rāgo’ti pajānāsi, asantaṃ vā ajjhattaṃ rāgaṃ ‘natthi me ajjhattaṃ rāgo’ti pajānāsī’’ti? ‘‘Evaṃ, bho’’. ‘‘Yaṃ kho tvaṃ, brāhmaṇa, santaṃ vā ajjhattaṃ rāgaṃ ‘atthi me ajjhattaṃ rāgo’ti pajānāsi, asantaṃ vā ajjhattaṃ rāgaṃ ‘natthi me ajjhattaṃ rāgo’ti pajānāsi – evampi kho, brāhmaṇa, sandiṭṭhiko dhammo hoti…pe….
‘‘д̇ам̣ гим̣ ман̃н̃аси, б̣раахман̣а, санд̇ам̣ ваа аж̇жхад̇д̇ам̣ д̣̇осам̣…бз… санд̇ам̣ ваа аж̇жхад̇д̇ам̣ мохам̣…бз… санд̇ам̣ ваа аж̇жхад̇д̇ам̣ гааяасанд̣̇осам̣…бз… санд̇ам̣ ваа аж̇жхад̇д̇ам̣ важийсанд̣̇осам̣…бз… санд̇ам̣ ваа аж̇жхад̇д̇ам̣ маносанд̣̇осам̣ ‘ад̇т̇и мз аж̇жхад̇д̇ам̣ маносанд̣̇осо’д̇и баж̇аанааси, асанд̇ам̣ ваа аж̇жхад̇д̇ам̣ маносанд̣̇осам̣ ‘над̇т̇и мз аж̇жхад̇д̇ам̣ маносанд̣̇осо’д̇и баж̇аанаасий’’д̇и? ‘‘звам̣, бхо’’. ‘‘яам̣ ко д̇вам̣, б̣раахман̣а, санд̇ам̣ ваа аж̇жхад̇д̇ам̣ маносанд̣̇осам̣ ‘ад̇т̇и мз аж̇жхад̇д̇ам̣ маносанд̣̇осо’д̇и баж̇аанааси, асанд̇ам̣ ваа аж̇жхад̇д̇ам̣ маносанд̣̇осам̣ ‘над̇т̇и мз аж̇жхад̇д̇ам̣ маносанд̣̇осо’д̇и баж̇аанааси – звам̣ ко, б̣раахман̣а, санд̣̇идтиго д̇хаммо ход̇и агаалиго зхибассиго обанзяяиго бажжад̇д̇ам̣ взд̣̇ид̇аб̣б̣о вин̃н̃уухий’’д̇и.
‘‘Taṃ kiṃ maññasi, brāhmaṇa, santaṃ vā ajjhattaṃ dosaṃ…pe… santaṃ vā ajjhattaṃ mohaṃ…pe… santaṃ vā ajjhattaṃ kāyasandosaṃ…pe… santaṃ vā ajjhattaṃ vacīsandosaṃ…pe… santaṃ vā ajjhattaṃ manosandosaṃ ‘atthi me ajjhattaṃ manosandoso’ti pajānāsi, asantaṃ vā ajjhattaṃ manosandosaṃ ‘natthi me ajjhattaṃ manosandoso’ti pajānāsī’’ti? ‘‘Evaṃ, bho’’. ‘‘Yaṃ kho tvaṃ, brāhmaṇa, santaṃ vā ajjhattaṃ manosandosaṃ ‘atthi me ajjhattaṃ manosandoso’ti pajānāsi, asantaṃ vā ajjhattaṃ manosandosaṃ ‘natthi me ajjhattaṃ manosandoso’ti pajānāsi – evaṃ kho, brāhmaṇa, sandiṭṭhiko dhammo hoti akāliko ehipassiko opaneyyiko paccattaṃ veditabbo viññūhī’’ti.
‘‘абхигганд̇ам̣ , бхо г̇од̇ама, абхигганд̇ам̣, бхо г̇од̇ама…бз… убаасагам̣ мам̣ бхавам̣ г̇од̇амо д̇хаарзд̇у аж̇ж̇ад̇аг̇г̇з баан̣убзд̇ам̣ саран̣ам̣ г̇ад̇а’’нд̇и. чадтам̣.
‘‘Abhikkantaṃ , bho gotama, abhikkantaṃ, bho gotama…pe… upāsakaṃ maṃ bhavaṃ gotamo dhāretu ajjatagge pāṇupetaṃ saraṇaṃ gata’’nti. Chaṭṭhaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 5-6. санд̣̇идтигасуд̇д̇ад̣̇ваяаван̣н̣анаа • 5-6. Sandiṭṭhikasuttadvayavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 3-6. ин̣асуд̇д̇аад̣̇иван̣н̣анаа • 3-6. Iṇasuttādivaṇṇanā
