| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
5. து³தியஸங்கா³மஸுத்தங்
5. Dutiyasaṅgāmasuttaṃ
126. 1 அத² கோ² ராஜா மாக³தோ⁴ அஜாதஸத்து வேதே³ஹிபுத்தோ சதுரங்கி³னிங் ஸேனங் ஸன்னய்ஹித்வா ராஜானங் பஸேனதி³ங் கோஸலங் அப்³பு⁴ய்யாஸி யேன காஸி. அஸ்ஸோஸி கோ² ராஜா பஸேனதி³ கோஸலோ – ‘‘ராஜா கிர மாக³தோ⁴ அஜாதஸத்து வேதே³ஹிபுத்தோ சதுரங்கி³னிங் ஸேனங் ஸன்னய்ஹித்வா மமங் அப்³பு⁴ய்யாதோ யேன காஸீ’’தி. அத² கோ² ராஜா பஸேனதி³ கோஸலோ சதுரங்கி³னிங் ஸேனங் ஸன்னய்ஹித்வா ராஜானங் மாக³த⁴ங் அஜாதஸத்துங் வேதே³ஹிபுத்தங் பச்சுய்யாஸி யேன காஸி. அத² கோ² ராஜா ச மாக³தோ⁴ அஜாதஸத்து வேதே³ஹிபுத்தோ ராஜா ச பஸேனதி³ கோஸலோ ஸங்கா³மேஸுங். தஸ்மிங் கோ² பன ஸங்கா³மே ராஜா பஸேனதி³ கோஸலோ ராஜானங் மாக³த⁴ங் அஜாதஸத்துங் வேதே³ஹிபுத்தங் பராஜேஸி, ஜீவக்³கா³ஹஞ்ச நங் அக்³க³ஹேஸி. அத² கோ² ரஞ்ஞோ பஸேனதி³ஸ்ஸ கோஸலஸ்ஸ ஏதத³ஹோஸி – ‘‘கிஞ்சாபி கோ² ம்யாயங் ராஜா மாக³தோ⁴ அஜாதஸத்து வேதே³ஹிபுத்தோ அது³ப்³ப⁴ந்தஸ்ஸ து³ப்³ப⁴தி, அத² ச பன மே பா⁴கி³னெய்யோ ஹோதி. யங்னூனாஹங் ரஞ்ஞோ மாக³த⁴ஸ்ஸ அஜாதஸத்துனோ வேதே³ஹிபுத்தஸ்ஸ ஸப்³ப³ங் ஹத்தி²காயங் பரியாதி³யித்வா ஸப்³ப³ங் அஸ்ஸகாயங் பரியாதி³யித்வா ஸப்³ப³ங் ரத²காயங் பரியாதி³யித்வா ஸப்³ப³ங் பத்திகாயங் பரியாதி³யித்வா ஜீவந்தமேவ நங் ஓஸஜ்ஜெய்ய’’ந்தி 2.
126.3 Atha kho rājā māgadho ajātasattu vedehiputto caturaṅginiṃ senaṃ sannayhitvā rājānaṃ pasenadiṃ kosalaṃ abbhuyyāsi yena kāsi. Assosi kho rājā pasenadi kosalo – ‘‘rājā kira māgadho ajātasattu vedehiputto caturaṅginiṃ senaṃ sannayhitvā mamaṃ abbhuyyāto yena kāsī’’ti. Atha kho rājā pasenadi kosalo caturaṅginiṃ senaṃ sannayhitvā rājānaṃ māgadhaṃ ajātasattuṃ vedehiputtaṃ paccuyyāsi yena kāsi. Atha kho rājā ca māgadho ajātasattu vedehiputto rājā ca pasenadi kosalo saṅgāmesuṃ. Tasmiṃ kho pana saṅgāme rājā pasenadi kosalo rājānaṃ māgadhaṃ ajātasattuṃ vedehiputtaṃ parājesi, jīvaggāhañca naṃ aggahesi. Atha kho rañño pasenadissa kosalassa etadahosi – ‘‘kiñcāpi kho myāyaṃ rājā māgadho ajātasattu vedehiputto adubbhantassa dubbhati, atha ca pana me bhāgineyyo hoti. Yaṃnūnāhaṃ rañño māgadhassa ajātasattuno vedehiputtassa sabbaṃ hatthikāyaṃ pariyādiyitvā sabbaṃ assakāyaṃ pariyādiyitvā sabbaṃ rathakāyaṃ pariyādiyitvā sabbaṃ pattikāyaṃ pariyādiyitvā jīvantameva naṃ osajjeyya’’nti 4.
அத² கோ² ராஜா பஸேனதி³ கோஸலோ ரஞ்ஞோ மாக³த⁴ஸ்ஸ அஜாதஸத்துனோ வேதே³ஹிபுத்தஸ்ஸ ஸப்³ப³ங் ஹத்தி²காயங் பரியாதி³யித்வா ஸப்³ப³ங் அஸ்ஸகாயங் பரியாதி³யித்வா ஸப்³ப³ங் ரத²காயங் பரியாதி³யித்வா ஸப்³ப³ங் பத்திகாயங் பரியாதி³யித்வா ஜீவந்தமேவ நங் ஓஸஜ்ஜி 5.
Atha kho rājā pasenadi kosalo rañño māgadhassa ajātasattuno vedehiputtassa sabbaṃ hatthikāyaṃ pariyādiyitvā sabbaṃ assakāyaṃ pariyādiyitvā sabbaṃ rathakāyaṃ pariyādiyitvā sabbaṃ pattikāyaṃ pariyādiyitvā jīvantameva naṃ osajji 6.
அத² கோ² ஸம்ப³ஹுலா பி⁴க்கூ² புப்³ப³ண்ஹஸமயங் நிவாஸெத்வா பத்தசீவரமாதா³ய ஸாவத்தி²ங் பிண்டா³ய பவிஸிங்ஸு. ஸாவத்தி²யங் பிண்டா³ய சரித்வா பச்சா²ப⁴த்தங் பிண்ட³பாதபடிக்கந்தா யேன ப⁴க³வா தேனுபஸங்கமிங்ஸு; உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் நிஸீதி³ங்ஸு. ஏகமந்தங் நிஸின்னா கோ² தே பி⁴க்கூ² ப⁴க³வந்தங் ஏதத³வோசுங் –
Atha kho sambahulā bhikkhū pubbaṇhasamayaṃ nivāsetvā pattacīvaramādāya sāvatthiṃ piṇḍāya pavisiṃsu. Sāvatthiyaṃ piṇḍāya caritvā pacchābhattaṃ piṇḍapātapaṭikkantā yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ nisīdiṃsu. Ekamantaṃ nisinnā kho te bhikkhū bhagavantaṃ etadavocuṃ –
‘‘இத⁴ , ப⁴ந்தே, ராஜா மாக³தோ⁴ அஜாதஸத்து வேதே³ஹிபுத்தோ சதுரங்கி³னிங் ஸேனங் ஸன்னய்ஹித்வா ராஜானங் பஸேனதி³ங் கோஸலங் அப்³பு⁴ய்யாஸி யேன காஸி. அஸ்ஸோஸி கோ², ப⁴ந்தே, ராஜா பஸேனதி³ கோஸலோ – ‘ராஜா கிர மாக³தோ⁴ அஜாதஸத்து வேதே³ஹிபுத்தோ சதுரங்கி³னிங் ஸேனங் ஸன்னய்ஹித்வா மமங் அப்³பு⁴ய்யாதோ யேன காஸீ’தி. அத² கோ², ப⁴ந்தே, ராஜா பஸேனதி³ கோஸலோ சதுரங்கி³னிங் ஸேனங் ஸன்னய்ஹித்வா ராஜானங் மாக³த⁴ங் அஜாதஸத்துங் வேதே³ஹிபுத்தங் பச்சுய்யாஸி யேன காஸி. அத² கோ², ப⁴ந்தே, ராஜா ச மாக³தோ⁴ அஜாதஸத்து வேதே³ஹிபுத்தோ ராஜா ச பஸேனதி³ கோஸலோ ஸங்கா³மேஸுங். தஸ்மிங் கோ² பன, ப⁴ந்தே, ஸங்கா³மே ராஜா பஸேனதி³ கோஸலோ ராஜானங் மாக³த⁴ங் அஜாதஸத்துங் வேதே³ஹிபுத்தங் பராஜேஸி, ஜீவக்³கா³ஹஞ்ச நங் அக்³க³ஹேஸி. அத² கோ², ப⁴ந்தே, ரஞ்ஞோ பஸேனதி³ஸ்ஸ கோஸலஸ்ஸ ஏதத³ஹோஸி – ‘கிஞ்சாபி கோ² ம்யாயங் ராஜா மாக³தோ⁴ அஜாதஸத்து வேதே³ஹிபுத்தோ அது³ப்³ப⁴ந்தஸ்ஸ து³ப்³ப⁴தி, அத² ச பன மே பா⁴கி³னெய்யோ ஹோதி. யங்னூனாஹங் ரஞ்ஞோ மாக³த⁴ஸ்ஸ அஜாதஸத்துனோ வேதே³ஹிபுத்தஸ்ஸ ஸப்³ப³ங் ஹத்தி²காயங் பரியாதி³யித்வா ஸப்³ப³ங் அஸ்ஸகாயங் ஸப்³ப³ங் ரத²காயங் ஸப்³ப³ங் பத்திகாயங் பரியாதி³யித்வா ஜீவந்தமேவ நங் ஓஸஜ்ஜெய்ய’’’ந்தி.
‘‘Idha , bhante, rājā māgadho ajātasattu vedehiputto caturaṅginiṃ senaṃ sannayhitvā rājānaṃ pasenadiṃ kosalaṃ abbhuyyāsi yena kāsi. Assosi kho, bhante, rājā pasenadi kosalo – ‘rājā kira māgadho ajātasattu vedehiputto caturaṅginiṃ senaṃ sannayhitvā mamaṃ abbhuyyāto yena kāsī’ti. Atha kho, bhante, rājā pasenadi kosalo caturaṅginiṃ senaṃ sannayhitvā rājānaṃ māgadhaṃ ajātasattuṃ vedehiputtaṃ paccuyyāsi yena kāsi. Atha kho, bhante, rājā ca māgadho ajātasattu vedehiputto rājā ca pasenadi kosalo saṅgāmesuṃ. Tasmiṃ kho pana, bhante, saṅgāme rājā pasenadi kosalo rājānaṃ māgadhaṃ ajātasattuṃ vedehiputtaṃ parājesi, jīvaggāhañca naṃ aggahesi. Atha kho, bhante, rañño pasenadissa kosalassa etadahosi – ‘kiñcāpi kho myāyaṃ rājā māgadho ajātasattu vedehiputto adubbhantassa dubbhati, atha ca pana me bhāgineyyo hoti. Yaṃnūnāhaṃ rañño māgadhassa ajātasattuno vedehiputtassa sabbaṃ hatthikāyaṃ pariyādiyitvā sabbaṃ assakāyaṃ sabbaṃ rathakāyaṃ sabbaṃ pattikāyaṃ pariyādiyitvā jīvantameva naṃ osajjeyya’’’nti.
‘‘அத² கோ², ப⁴ந்தே, ராஜா பஸேனதி³ கோஸலோ ரஞ்ஞோ மாக³த⁴ஸ்ஸ அஜாதஸத்துனோ வேதே³ஹிபுத்தஸ்ஸ ஸப்³ப³ங் ஹத்தி²காயங் பரியாதி³யித்வா ஸப்³ப³ங் அஸ்ஸகாயங் பரியாதி³யித்வா ஸப்³ப³ங் ரத²காயங் பரியாதி³யித்வா ஸப்³ப³ங் பத்திகாயங் பரியாதி³யித்வா ஜீவந்தமேவ நங் ஓஸஜ்ஜீ’’தி. அத² கோ² ப⁴க³வா ஏதமத்த²ங் விதி³த்வா தாயங் வேலாயங் இமா கா³தா²யோ அபா⁴ஸி –
‘‘Atha kho, bhante, rājā pasenadi kosalo rañño māgadhassa ajātasattuno vedehiputtassa sabbaṃ hatthikāyaṃ pariyādiyitvā sabbaṃ assakāyaṃ pariyādiyitvā sabbaṃ rathakāyaṃ pariyādiyitvā sabbaṃ pattikāyaṃ pariyādiyitvā jīvantameva naṃ osajjī’’ti. Atha kho bhagavā etamatthaṃ viditvā tāyaṃ velāyaṃ imā gāthāyo abhāsi –
‘‘விலும்பதேவ புரிஸோ, யாவஸ்ஸ உபகப்பதி;
‘‘Vilumpateva puriso, yāvassa upakappati;
‘‘டா²னஞ்ஹி மஞ்ஞதி பா³லோ, யாவ பாபங் ந பச்சதி;
‘‘Ṭhānañhi maññati bālo, yāva pāpaṃ na paccati;
யதா³ ச பச்சதி பாபங், அத² து³க்க²ங் நிக³ச்ச²தி.
Yadā ca paccati pāpaṃ, atha dukkhaṃ nigacchati.
அக்கோஸகோ ச அக்கோஸங், ரோஸேதாரஞ்ச ரோஸகோ;
Akkosako ca akkosaṃ, rosetārañca rosako;
அத² கம்மவிவட்டேன, ஸோ விலுத்தோ விலுப்பதீ’’தி.
Atha kammavivaṭṭena, so vilutto viluppatī’’ti.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 5. து³தியஸங்கா³மஸுத்தவண்ணனா • 5. Dutiyasaṅgāmasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 5. து³தியஸங்கா³மஸுத்தவண்ணனா • 5. Dutiyasaṅgāmasuttavaṇṇanā
