| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
5. து³தியஸங்கா³மஸுத்தவண்ணனா
5. Dutiyasaṅgāmasuttavaṇṇanā
126. பஞ்சமே அப்³பு⁴ய்யாஸீதி பராஜயே க³ரஹப்பத்தோ ‘‘ஆராமங் க³ந்த்வா பி⁴க்கூ²னங் கதா²ஸல்லாபங் ஸுணாதா²’’தி ரத்திபா⁴கே³ பு³த்³த⁴ரக்கி²தேன நாம வுட்³ட⁴பப்³ப³ஜிதேன த⁴ம்மரக்கி²தஸ்ஸ வுட்³ட⁴பப்³ப³ஜிதஸ்ஸ ‘‘ஸசே ராஜா இமஞ்ச உபாயங் கத்வா க³ச்செ²ய்ய, புன ஜினெய்யா’’தி வுத்தஜயகாரணங் ஸுத்வா அபி⁴உய்யாஸி.
126. Pañcame abbhuyyāsīti parājaye garahappatto ‘‘ārāmaṃ gantvā bhikkhūnaṃ kathāsallāpaṃ suṇāthā’’ti rattibhāge buddharakkhitena nāma vuḍḍhapabbajitena dhammarakkhitassa vuḍḍhapabbajitassa ‘‘sace rājā imañca upāyaṃ katvā gaccheyya, puna jineyyā’’ti vuttajayakāraṇaṃ sutvā abhiuyyāsi.
யாவஸ்ஸ உபகப்பதீதி யாவ தஸ்ஸ உபகப்பதி ஸய்ஹங் ஹோதி. யதா³ சஞ்ஞேதி யதா³ அஞ்ஞே. விலும்பந்தீதி தங் விலும்பித்வா டி²தபுக்³க³லங் விலும்பந்தி. விலும்பதீதி விலும்பியதி. டா²னங் ஹி மஞ்ஞதீதி ‘‘காரண’’ந்தி ஹி மஞ்ஞதி. யதா³தி யஸ்மிங் காலே. ஜேதாரங் லப⁴தே ஜயந்தி ஜயந்தோ புக்³க³லோ பச்சா² ஜேதாரம்பி லப⁴தி. ரோஸேதாரந்தி க⁴ட்டேதாரங். ரோஸகோதி க⁴ட்டகோ. கம்மவிவட்டேனாதி கம்மபரிணாமேன, தஸ்ஸ விலும்பனகம்மஸ்ஸ விபாகதா³னேன. ஸோ விலுத்தோ விலுப்பதீதி ஸோ விலும்பகோ விலும்பியதி. பஞ்சமங்.
Yāvassa upakappatīti yāva tassa upakappati sayhaṃ hoti. Yadā caññeti yadā aññe. Vilumpantīti taṃ vilumpitvā ṭhitapuggalaṃ vilumpanti. Vilumpatīti vilumpiyati. Ṭhānaṃ hi maññatīti ‘‘kāraṇa’’nti hi maññati. Yadāti yasmiṃ kāle. Jetāraṃ labhate jayanti jayanto puggalo pacchā jetārampi labhati. Rosetāranti ghaṭṭetāraṃ. Rosakoti ghaṭṭako. Kammavivaṭṭenāti kammapariṇāmena, tassa vilumpanakammassa vipākadānena. So vilutto viluppatīti so vilumpako vilumpiyati. Pañcamaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 5. து³தியஸங்கா³மஸுத்தங் • 5. Dutiyasaṅgāmasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 5. து³தியஸங்கா³மஸுத்தவண்ணனா • 5. Dutiyasaṅgāmasuttavaṇṇanā
