| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
৫. দুতিযসঙ্গামসুত্তৰণ্ণনা
5. Dutiyasaṅgāmasuttavaṇṇanā
১২৬. সুণাথাতি ‘‘ৰত্ৰা’’তি ৰচনসেসো। উপকপ্পতীতি সম্ভৰতি। সয্হং হোতীতি কাতুং সক্কা হোতি। ‘‘যদা চঞ্ঞে’’তি চ-কারো নিপাতমত্তন্তি আহ ‘‘যদা অঞ্ঞে’’তি। ৰিলুম্পন্তীতি ৰিনাসং অচ্ছিন্দনং করোন্তি। ৰিলুম্পীযতীতি ৰিলুত্তপরসন্তকস্স অসকত্তা পুগ্গলো দিট্ঠধম্মিকং কম্মফলং পটিসংৰেদেন্তো ৰিয সযম্পি পরেন ৰিলুম্পীযতি, ধনজানিং পাপুণাতি। ‘‘কারণ’’ন্তি হি মঞ্ঞতীতি পাপকিরিযং অত্তনো হিতাৰহং কারণং কত্ৰা মঞ্ঞতি। জযন্তো পুগ্গলো ‘‘ইদং নাম জিনামী’’তি মঞ্ঞমানো সযম্পি ততো পরাজযং পাপুণাতি। ঘট্টেতারন্তি পাপকম্মৰিপাকং। কম্মৰিৰট্টেনাতি কম্মস্স ৰিৰট্টনেন, পচ্চযলাভেন লদ্ধাৰসরেন ৰিৰট্টেত্ৰা ৰিগমিতেন কম্মেনাতি অত্থো।
126.Suṇāthāti ‘‘vatvā’’ti vacanaseso. Upakappatīti sambhavati. Sayhaṃ hotīti kātuṃ sakkā hoti. ‘‘Yadā caññe’’ti ca-kāro nipātamattanti āha ‘‘yadā aññe’’ti. Vilumpantīti vināsaṃ acchindanaṃ karonti. Vilumpīyatīti viluttaparasantakassa asakattā puggalo diṭṭhadhammikaṃ kammaphalaṃ paṭisaṃvedento viya sayampi parena vilumpīyati, dhanajāniṃ pāpuṇāti. ‘‘Kāraṇa’’nti hi maññatīti pāpakiriyaṃ attano hitāvahaṃ kāraṇaṃ katvā maññati. Jayanto puggalo ‘‘idaṃ nāma jināmī’’ti maññamāno sayampi tato parājayaṃ pāpuṇāti. Ghaṭṭetāranti pāpakammavipākaṃ. Kammavivaṭṭenāti kammassa vivaṭṭanena, paccayalābhena laddhāvasarena vivaṭṭetvā vigamitena kammenāti attho.
দুতিযসঙ্গামসুত্তৰণ্ণনা নিট্ঠিতা।
Dutiyasaṅgāmasuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ৫. দুতিযসঙ্গামসুত্তং • 5. Dutiyasaṅgāmasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৫. দুতিযসঙ্গামসুত্তৰণ্ণনা • 5. Dutiyasaṅgāmasuttavaṇṇanā
