| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
5. д̣̇уд̇ияасан̇г̇аамасуд̇д̇аван̣н̣анаа
5. Dutiyasaṅgāmasuttavaṇṇanā
126. бан̃жамз аб̣бхуяяаасийд̇и барааж̇аяз г̇арахаббад̇д̇о ‘‘аараамам̣ г̇анд̇ваа бхигкуунам̣ гат̇аасаллаабам̣ сун̣аат̇аа’’д̇и рад̇д̇ибхааг̇з б̣уд̣̇д̇харагкид̇зна наама вуд̣дхабаб̣б̣аж̇ид̇зна д̇хаммарагкид̇асса вуд̣дхабаб̣б̣аж̇ид̇асса ‘‘сажз рааж̇аа иман̃жа убааяам̣ гад̇ваа г̇ажчзяяа, буна ж̇инзяяаа’’д̇и вуд̇д̇аж̇аяагааран̣ам̣ суд̇ваа абхиуяяааси.
126. Pañcame abbhuyyāsīti parājaye garahappatto ‘‘ārāmaṃ gantvā bhikkhūnaṃ kathāsallāpaṃ suṇāthā’’ti rattibhāge buddharakkhitena nāma vuḍḍhapabbajitena dhammarakkhitassa vuḍḍhapabbajitassa ‘‘sace rājā imañca upāyaṃ katvā gaccheyya, puna jineyyā’’ti vuttajayakāraṇaṃ sutvā abhiuyyāsi.
яаавасса убагаббад̇ийд̇и яаава д̇асса убагаббад̇и саяхам̣ ход̇и. яад̣̇аа жан̃н̃зд̇и яад̣̇аа ан̃н̃з. вилумбанд̇ийд̇и д̇ам̣ вилумбид̇ваа тид̇абуг̇г̇алам̣ вилумбанд̇и. вилумбад̇ийд̇и вилумбияад̇и. таанам̣ хи ман̃н̃ад̇ийд̇и ‘‘гааран̣а’’нд̇и хи ман̃н̃ад̇и. яад̣̇аад̇и яасмим̣ гаалз. ж̇зд̇аарам̣ лабхад̇з ж̇аяанд̇и ж̇аяанд̇о буг̇г̇ало бажчаа ж̇зд̇аарамби лабхад̇и. росзд̇ааранд̇и гхаддзд̇аарам̣. росагод̇и гхаддаго. гаммавиваддзнаад̇и гаммабарин̣аамзна, д̇асса вилумбанагаммасса вибаагад̣̇аанзна. со вилуд̇д̇о вилуббад̇ийд̇и со вилумбаго вилумбияад̇и. бан̃жамам̣.
Yāvassa upakappatīti yāva tassa upakappati sayhaṃ hoti. Yadā caññeti yadā aññe. Vilumpantīti taṃ vilumpitvā ṭhitapuggalaṃ vilumpanti. Vilumpatīti vilumpiyati. Ṭhānaṃ hi maññatīti ‘‘kāraṇa’’nti hi maññati. Yadāti yasmiṃ kāle. Jetāraṃ labhate jayanti jayanto puggalo pacchā jetārampi labhati. Rosetāranti ghaṭṭetāraṃ. Rosakoti ghaṭṭako. Kammavivaṭṭenāti kammapariṇāmena, tassa vilumpanakammassa vipākadānena. So vilutto viluppatīti so vilumpako vilumpiyati. Pañcamaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 5. д̣̇уд̇ияасан̇г̇аамасуд̇д̇ам̣ • 5. Dutiyasaṅgāmasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 5. д̣̇уд̇ияасан̇г̇аамасуд̇д̇аван̣н̣анаа • 5. Dutiyasaṅgāmasuttavaṇṇanā
