| Library / Tipiṭaka / ติปิฎก • Tipiṭaka / สํยุตฺตนิกาย (ฎีกา) • Saṃyuttanikāya (ṭīkā) |
๕. ทุติยสงฺคามสุตฺตวณฺณนา
5. Dutiyasaṅgāmasuttavaṇṇanā
๑๒๖. สุณาถาติ ‘‘วตฺวา’’ติ วจนเสโสฯ อุปกปฺปตีติ สมฺภวติฯ สยฺหํ โหตีติ กาตุํ สกฺกา โหติฯ ‘‘ยทา จเญฺญ’’ติ จ-กาโร นิปาตมตฺตนฺติ อาห ‘‘ยทา อเญฺญ’’ติฯ วิลุมฺปนฺตีติ วินาสํ อจฺฉินฺทนํ กโรนฺติฯ วิลุมฺปียตีติ วิลุตฺตปรสนฺตกสฺส อสกตฺตา ปุคฺคโล ทิฎฺฐธมฺมิกํ กมฺมผลํ ปฎิสํเวเทโนฺต วิย สยมฺปิ ปเรน วิลุมฺปียติ, ธนชานิํ ปาปุณาติฯ ‘‘การณ’’นฺติ หิ มญฺญตีติ ปาปกิริยํ อตฺตโน หิตาวหํ การณํ กตฺวา มญฺญติฯ ชยโนฺต ปุคฺคโล ‘‘อิทํ นาม ชินามี’’ติ มญฺญมาโน สยมฺปิ ตโต ปราชยํ ปาปุณาติฯ ฆเฎฺฎตารนฺติ ปาปกมฺมวิปากํฯ กมฺมวิวเฎฺฎนาติ กมฺมสฺส วิวฎฺฎเนน, ปจฺจยลาเภน ลทฺธาวสเรน วิวเฎฺฎตฺวา วิคมิเตน กเมฺมนาติ อโตฺถฯ
126.Suṇāthāti ‘‘vatvā’’ti vacanaseso. Upakappatīti sambhavati. Sayhaṃ hotīti kātuṃ sakkā hoti. ‘‘Yadā caññe’’ti ca-kāro nipātamattanti āha ‘‘yadā aññe’’ti. Vilumpantīti vināsaṃ acchindanaṃ karonti. Vilumpīyatīti viluttaparasantakassa asakattā puggalo diṭṭhadhammikaṃ kammaphalaṃ paṭisaṃvedento viya sayampi parena vilumpīyati, dhanajāniṃ pāpuṇāti. ‘‘Kāraṇa’’nti hi maññatīti pāpakiriyaṃ attano hitāvahaṃ kāraṇaṃ katvā maññati. Jayanto puggalo ‘‘idaṃ nāma jināmī’’ti maññamāno sayampi tato parājayaṃ pāpuṇāti. Ghaṭṭetāranti pāpakammavipākaṃ. Kammavivaṭṭenāti kammassa vivaṭṭanena, paccayalābhena laddhāvasarena vivaṭṭetvā vigamitena kammenāti attho.
ทุติยสงฺคามสุตฺตวณฺณนา นิฎฺฐิตาฯ
Dutiyasaṅgāmasuttavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๕. ทุติยสงฺคามสุตฺตํ • 5. Dutiyasaṅgāmasuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๕. ทุติยสงฺคามสุตฺตวณฺณนา • 5. Dutiyasaṅgāmasuttavaṇṇanā
