| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) |
༥. དུཏིཡསངྒཱམསུཏྟཝཎྞནཱ
5. Dutiyasaṅgāmasuttavaṇṇanā
༡༢༦. པཉྩམེ ཨབྦྷུཡྻཱསཱིཏི པརཱཛཡེ གརཧཔྤཏྟོ ‘‘ཨཱརཱམཾ གནྟྭཱ བྷིཀྑཱུནཾ ཀཐཱསལླཱཔཾ སུཎཱཐཱ’’ཏི རཏྟིབྷཱགེ བུདྡྷརཀྑིཏེན ནཱམ ཝུཌྜྷཔབྦཛིཏེན དྷམྨརཀྑིཏསྶ ཝུཌྜྷཔབྦཛིཏསྶ ‘‘སཙེ རཱཛཱ ཨིམཉྩ ཨུཔཱཡཾ ཀཏྭཱ གཙྪེཡྻ, པུན ཛིནེཡྻཱ’’ཏི ཝུཏྟཛཡཀཱརཎཾ སུཏྭཱ ཨབྷིཨུཡྻཱསི།
126. Pañcame abbhuyyāsīti parājaye garahappatto ‘‘ārāmaṃ gantvā bhikkhūnaṃ kathāsallāpaṃ suṇāthā’’ti rattibhāge buddharakkhitena nāma vuḍḍhapabbajitena dhammarakkhitassa vuḍḍhapabbajitassa ‘‘sace rājā imañca upāyaṃ katvā gaccheyya, puna jineyyā’’ti vuttajayakāraṇaṃ sutvā abhiuyyāsi.
ཡཱཝསྶ ཨུཔཀཔྤཏཱིཏི ཡཱཝ ཏསྶ ཨུཔཀཔྤཏི སཡ྄ཧཾ ཧོཏི། ཡདཱ ཙཉྙེཏི ཡདཱ ཨཉྙེ། ཝིལུམྤནྟཱིཏི ཏཾ ཝིལུམྤིཏྭཱ ཋིཏཔུགྒལཾ ཝིལུམྤནྟི། ཝིལུམྤཏཱིཏི ཝིལུམྤིཡཏི། ཋཱནཾ ཧི མཉྙཏཱིཏི ‘‘ཀཱརཎ’’ནྟི ཧི མཉྙཏི། ཡདཱཏི ཡསྨིཾ ཀཱལེ། ཛེཏཱརཾ ལབྷཏེ ཛཡནྟི ཛཡནྟོ པུགྒལོ པཙྪཱ ཛེཏཱརམྤི ལབྷཏི། རོསེཏཱརནྟི གྷཊྚེཏཱརཾ། རོསཀོཏི གྷཊྚཀོ། ཀམྨཝིཝཊྚེནཱཏི ཀམྨཔརིཎཱམེན, ཏསྶ ཝིལུམྤནཀམྨསྶ ཝིཔཱཀདཱནེན། སོ ཝིལུཏྟོ ཝིལུཔྤཏཱིཏི སོ ཝིལུམྤཀོ ཝིལུམྤིཡཏི། པཉྩམཾ།
Yāvassa upakappatīti yāva tassa upakappati sayhaṃ hoti. Yadā caññeti yadā aññe. Vilumpantīti taṃ vilumpitvā ṭhitapuggalaṃ vilumpanti. Vilumpatīti vilumpiyati. Ṭhānaṃ hi maññatīti ‘‘kāraṇa’’nti hi maññati. Yadāti yasmiṃ kāle. Jetāraṃ labhate jayanti jayanto puggalo pacchā jetārampi labhati. Rosetāranti ghaṭṭetāraṃ. Rosakoti ghaṭṭako. Kammavivaṭṭenāti kammapariṇāmena, tassa vilumpanakammassa vipākadānena. So vilutto viluppatīti so vilumpako vilumpiyati. Pañcamaṃ.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༥. དུཏིཡསངྒཱམསུཏྟཾ • 5. Dutiyasaṅgāmasuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༥. དུཏིཡསངྒཱམསུཏྟཝཎྞནཱ • 5. Dutiyasaṅgāmasuttavaṇṇanā
