| Library / Tipiṭaka / তিপিটক • Tipiṭaka / পরিৰারপাল়ি • Parivārapāḷi |
১২. দুতিযসঙ্ঘভেদকৰগ্গো
12. Dutiyasaṅghabhedakavaggo
৪৬০. ‘‘কতিহি নু খো, ভন্তে, অঙ্গেহি সমন্নাগতো সঙ্ঘভেদকো ন আপাযিকো ন নেরযিকো ন কপ্পট্ঠো ন অতেকিচ্ছো’’তি? ‘‘পঞ্চহুপালি, অঙ্গেহি সমন্নাগতো সঙ্ঘভেদকো ন আপাযিকো ন নেরযিকো ন কপ্পট্ঠো ন অতেকিচ্ছো। কতমেহি পঞ্চহি? ইধুপালি, ভিক্খু অধম্মং ধম্মোতি দীপেতি, ধম্মং অধম্মোতি দীপেতি , অৰিনযং ৰিনযোতি দীপেতি, ৰিনযং অৰিনযোতি দীপেতি, অৰিনিধায দিট্ঠিং কম্মেন – ইমেহি খো, উপালি, পঞ্চহঙ্গেহি সমন্নাগতো সঙ্ঘভেদকো ন আপাযিকো ন নেরযিকো ন কপ্পট্ঠো ন অতেকিচ্ছো।
460. ‘‘Katihi nu kho, bhante, aṅgehi samannāgato saṅghabhedako na āpāyiko na nerayiko na kappaṭṭho na atekiccho’’ti? ‘‘Pañcahupāli, aṅgehi samannāgato saṅghabhedako na āpāyiko na nerayiko na kappaṭṭho na atekiccho. Katamehi pañcahi? Idhupāli, bhikkhu adhammaṃ dhammoti dīpeti, dhammaṃ adhammoti dīpeti , avinayaṃ vinayoti dīpeti, vinayaṃ avinayoti dīpeti, avinidhāya diṭṭhiṃ kammena – imehi kho, upāli, pañcahaṅgehi samannāgato saṅghabhedako na āpāyiko na nerayiko na kappaṭṭho na atekiccho.
‘‘অপরেহিপি, উপালি, পঞ্চহঙ্গেহি সমন্নাগতো সঙ্ঘভেদকো ন আপাযিকো ন নেরযিকো ন কপ্পট্ঠো ন অতেকিচ্ছো। কতমেহি পঞ্চহি? ইধুপালি, ভিক্খু অধম্মং ধম্মোতি দীপেতি, ধম্মং অধম্মোতি দীপেতি, অৰিনযং ৰিনযোতি দীপেতি, ৰিনযং অৰিনযোতি দীপেতি, অৰিনিধায দিট্ঠিং উদ্দেসেন – ইমেহি খো, উপালি, পঞ্চহঙ্গেহি সমন্নাগতো সঙ্ঘভেদকো ন আপাযিকো ন নেরযিকো ন কপ্পট্ঠো ন অতেকিচ্ছো।
‘‘Aparehipi, upāli, pañcahaṅgehi samannāgato saṅghabhedako na āpāyiko na nerayiko na kappaṭṭho na atekiccho. Katamehi pañcahi? Idhupāli, bhikkhu adhammaṃ dhammoti dīpeti, dhammaṃ adhammoti dīpeti, avinayaṃ vinayoti dīpeti, vinayaṃ avinayoti dīpeti, avinidhāya diṭṭhiṃ uddesena – imehi kho, upāli, pañcahaṅgehi samannāgato saṅghabhedako na āpāyiko na nerayiko na kappaṭṭho na atekiccho.
‘‘অপরেহিপি, উপালি, পঞ্চহঙ্গেহি সমন্নাগতো সঙ্ঘভেদকো ন আপাযিকো ন নেরযিকো ন কপ্পট্ঠো ন অতেকিচ্ছো। কতমেহি পঞ্চহি? ইধুপালি, ভিক্খু অধম্মং ধম্মোতি দীপেতি, ধম্মং অধম্মোতি দীপেতি, অৰিনযং ৰিনযোতি দীপেতি, ৰিনযং অৰিনযোতি দীপেতি, অৰিনিধায দিট্ঠিং ৰোহরন্তো। ইমেহি খো, উপালি, পঞ্চহঙ্গেহি সমন্নাগতো সঙ্ঘভেদকো ন আপাযিকো ন নেরযিকো ন কপ্পট্ঠো ন অতেকিচ্ছো।
‘‘Aparehipi, upāli, pañcahaṅgehi samannāgato saṅghabhedako na āpāyiko na nerayiko na kappaṭṭho na atekiccho. Katamehi pañcahi? Idhupāli, bhikkhu adhammaṃ dhammoti dīpeti, dhammaṃ adhammoti dīpeti, avinayaṃ vinayoti dīpeti, vinayaṃ avinayoti dīpeti, avinidhāya diṭṭhiṃ voharanto. Imehi kho, upāli, pañcahaṅgehi samannāgato saṅghabhedako na āpāyiko na nerayiko na kappaṭṭho na atekiccho.
‘‘অপরেহিপি, উপালি, পঞ্চহঙ্গেহি সমন্নাগতো সঙ্ঘভেদকো ন আপাযিকো ন নেরযিকো ন কপ্পট্ঠো ন অতেকিচ্ছো। কতমেহি পঞ্চহি? ইধুপালি, ভিক্খু অধম্মং ধম্মোতি দীপেতি, ধম্মং অধম্মোতি দীপেতি, অৰিনযং ৰিনযোতি দীপেতি, ৰিনযং অৰিনযোতি দীপেতি, অৰিনিধায দিট্ঠিং অনুস্সাৰনেন – ইমেহি খো, উপালি, পঞ্চহঙ্গেহি সমন্নাগতো সঙ্ঘভেদকো ন আপাযিকো ন নেরযিকো ন কপ্পট্ঠো ন অতেকিচ্ছো।
‘‘Aparehipi, upāli, pañcahaṅgehi samannāgato saṅghabhedako na āpāyiko na nerayiko na kappaṭṭho na atekiccho. Katamehi pañcahi? Idhupāli, bhikkhu adhammaṃ dhammoti dīpeti, dhammaṃ adhammoti dīpeti, avinayaṃ vinayoti dīpeti, vinayaṃ avinayoti dīpeti, avinidhāya diṭṭhiṃ anussāvanena – imehi kho, upāli, pañcahaṅgehi samannāgato saṅghabhedako na āpāyiko na nerayiko na kappaṭṭho na atekiccho.
‘‘অপরেহিপি, উপালি, পঞ্চহঙ্গেহি সমন্নাগতো সঙ্ঘভেদকো ন আপাযিকো ন নেরযিকো ন কপ্পট্ঠো ন অতেকিচ্ছো। কতমেহি পঞ্চহি? ইধুপালি, ভিক্খু অধম্মং ধম্মোতি দীপেতি, ধম্মং অধম্মোতি দীপেতি, অৰিনযং ৰিনযোতি দীপেতি, ৰিনযং অৰিনযোতি দীপেতি, অৰিনিধায দিট্ঠিং সলাকগ্গাহেন – ইমেহি খো, উপালি, পঞ্চহঙ্গেহি সমন্নাগতো সঙ্ঘভেদকো ন আপাযিকো ন নেরযিকো ন কপ্পট্ঠো ন অতেকিচ্ছো।
‘‘Aparehipi, upāli, pañcahaṅgehi samannāgato saṅghabhedako na āpāyiko na nerayiko na kappaṭṭho na atekiccho. Katamehi pañcahi? Idhupāli, bhikkhu adhammaṃ dhammoti dīpeti, dhammaṃ adhammoti dīpeti, avinayaṃ vinayoti dīpeti, vinayaṃ avinayoti dīpeti, avinidhāya diṭṭhiṃ salākaggāhena – imehi kho, upāli, pañcahaṅgehi samannāgato saṅghabhedako na āpāyiko na nerayiko na kappaṭṭho na atekiccho.
‘‘অপরেহিপি, উপালি, পঞ্চহঙ্গেহি সমন্নাগতো সঙ্ঘভেদকো ন আপাযিকো ন নেরযিকো ন কপ্পট্ঠো ন অতেকিচ্ছো। কতমেহি পঞ্চহি? ইধুপালি, ভিক্খু অধম্মং ধম্মোতি দীপেতি, ধম্মং অধম্মোতি দীপেতি, অৰিনযং ৰিনযোতি দীপেতি, ৰিনযং অৰিনযোতি দীপেতি, অৰিনিধায খন্তিং কম্মেন…পে॰… অৰিনিধায খন্তিং উদ্দেসেন…পে॰… অৰিনিধায খন্তিং ৰোহরন্তো…পে॰… অৰিনিধায খন্তিং অনুস্সাৰনেন…পে॰… অৰিনিধায খন্তিং সলাকগ্গাহেন – ইমেহি খো, উপালি, পঞ্চহঙ্গেহি সমন্নাগতো সঙ্ঘভেদকো ন আপাযিকো ন নেরযিকো ন কপ্পট্ঠো ন অতেকিচ্ছো।
‘‘Aparehipi, upāli, pañcahaṅgehi samannāgato saṅghabhedako na āpāyiko na nerayiko na kappaṭṭho na atekiccho. Katamehi pañcahi? Idhupāli, bhikkhu adhammaṃ dhammoti dīpeti, dhammaṃ adhammoti dīpeti, avinayaṃ vinayoti dīpeti, vinayaṃ avinayoti dīpeti, avinidhāya khantiṃ kammena…pe… avinidhāya khantiṃ uddesena…pe… avinidhāya khantiṃ voharanto…pe… avinidhāya khantiṃ anussāvanena…pe… avinidhāya khantiṃ salākaggāhena – imehi kho, upāli, pañcahaṅgehi samannāgato saṅghabhedako na āpāyiko na nerayiko na kappaṭṭho na atekiccho.
‘‘অপরেহিপি , উপালি, পঞ্চহঙ্গেহি সমন্নাগতো সঙ্ঘভেদকো ন আপাযিকো ন নেরযিকো ন কপ্পট্ঠো ন অতেকিচ্ছো। কতমেহি পঞ্চহি? ইধুপালি, ভিক্খু অধম্মং ধম্মোতি দীপেতি, ধম্মং অধম্মোতি দীপেতি, অৰিনযং ৰিনযোতি দীপেতি, ৰিনযং অৰিনযোতি দীপেতি, অৰিনিধায রুচিং কম্মেন…পে॰… অৰিনিধায রুচিং উদ্দেসেন…পে॰… অৰিনিধায রুচিং ৰোহরন্তো…পে॰… অৰিনিধায রুচিং অনুস্সাৰনেন…পে॰… অৰিনিধায রুচিং সলাকগ্গাহেন – ইমেহি খো, উপালি, পঞ্চহঙ্গেহি সমন্নাগতো সঙ্ঘভেদকো ন আপাযিকো ন নেরযিকো ন কপ্পট্ঠো ন অতেকিচ্ছো।
‘‘Aparehipi , upāli, pañcahaṅgehi samannāgato saṅghabhedako na āpāyiko na nerayiko na kappaṭṭho na atekiccho. Katamehi pañcahi? Idhupāli, bhikkhu adhammaṃ dhammoti dīpeti, dhammaṃ adhammoti dīpeti, avinayaṃ vinayoti dīpeti, vinayaṃ avinayoti dīpeti, avinidhāya ruciṃ kammena…pe… avinidhāya ruciṃ uddesena…pe… avinidhāya ruciṃ voharanto…pe… avinidhāya ruciṃ anussāvanena…pe… avinidhāya ruciṃ salākaggāhena – imehi kho, upāli, pañcahaṅgehi samannāgato saṅghabhedako na āpāyiko na nerayiko na kappaṭṭho na atekiccho.
‘‘অপরেহিপি, উপালি, পঞ্চহঙ্গেহি সমন্নাগতো সঙ্ঘভেদকো ন আপাযিকো ন নেরযিকো ন কপ্পট্ঠো ন অতেকিচ্ছো। কতমেহি পঞ্চহি? ইধুপালি, ভিক্খু অধম্মং ধম্মোতি দীপেতি, ধম্মং অধম্মোতি দীপেতি, অৰিনযং ৰিনযোতি দীপেতি, ৰিনযং অৰিনযোতি দীপেতি, অৰিনিধায সঞ্ঞং কম্মেন…পে॰… অৰিনিধায সঞ্ঞং উদ্দেসেন…পে॰… অৰিনিধায সঞ্ঞং ৰোহরন্তো…পে॰… অৰিনিধায সঞ্ঞং অনুস্সাৰনেন…পে॰… অৰিনিধায সঞ্ঞং সলাকগ্গাহেন – ইমেহি খো, উপালি, পঞ্চহঙ্গেহি সমন্নাগতো সঙ্ঘভেদকো ন আপাযিকো ন নেরযিকো ন কপ্পট্ঠো ন অতেকিচ্ছো’’তি।
‘‘Aparehipi, upāli, pañcahaṅgehi samannāgato saṅghabhedako na āpāyiko na nerayiko na kappaṭṭho na atekiccho. Katamehi pañcahi? Idhupāli, bhikkhu adhammaṃ dhammoti dīpeti, dhammaṃ adhammoti dīpeti, avinayaṃ vinayoti dīpeti, vinayaṃ avinayoti dīpeti, avinidhāya saññaṃ kammena…pe… avinidhāya saññaṃ uddesena…pe… avinidhāya saññaṃ voharanto…pe… avinidhāya saññaṃ anussāvanena…pe… avinidhāya saññaṃ salākaggāhena – imehi kho, upāli, pañcahaṅgehi samannāgato saṅghabhedako na āpāyiko na nerayiko na kappaṭṭho na atekiccho’’ti.
দুতিযসঙ্ঘভেদকৰগ্গো নিট্ঠিতো দ্ৰাদসমো।
Dutiyasaṅghabhedakavaggo niṭṭhito dvādasamo.
তস্সুদ্দানং –
Tassuddānaṃ –
অৰিনিধায দিট্ঠিং কম্মেন, উদ্দেসে ৰোহরেন চ।
Avinidhāya diṭṭhiṃ kammena, uddese voharena ca;
অনুস্সাৰনে সলাকেন, পঞ্চেতে দিট্ঠিনিস্সিতা॥
Anussāvane salākena, pañcete diṭṭhinissitā.
খন্তিং রুচিঞ্চ সঞ্ঞঞ্চ, তযো তে পঞ্চধা নযা॥
Khantiṃ ruciñca saññañca, tayo te pañcadhā nayā.
হেট্ঠিমে কণ্হপক্খম্হি, সমৰীসতি ৰিধী যথা।
Heṭṭhime kaṇhapakkhamhi, samavīsati vidhī yathā;
তথেৰ সুক্কপক্খম্হি, সমৰীসতি জানথাতি॥
Tatheva sukkapakkhamhi, samavīsati jānathāti.
